Apoc 1:16 - Chuj San Sebastian Bible

¹⁶ A 'a yol sc'ab' 'a swach', ata yamb'il uque c'anal yu'uj. A 'a yol sti', 'ay 'elt jun espada chab' ye, caw jay. Ax sat, lajn yilx 'icha c'u 'a yic caw ow yoc.

Chuj San Mateo Bible

¹⁶ Yed'nacq'ue uque' c'anal d'a svach' c'ab'. A d'a yol sti' ayelta jun espada jay ye d'a schab'il pac'an̈. A sat, copopi yilji icha yoc c'u stup yoc co sat quilani.

Apoc 1:16 Iomraidhean Croise

Job 38:7

Wan xo sacb' 'el 'a jun c'u cha, 'ix b'itn chan̈ smasnil c'anal, ax eb' wángel caw 'ix 'el yaw eb' yuj tzaljc'ojlal.

Salmos 45:3

Jalch espada 'a a nan̈al, ach to jeln a'n owal, yujto a tzch'oxn 'eli chajtlto niwn el'ch yet' opiso.

Cantares 6:10

¿Mach jun chi tzch'ox sb'a cha, 'icha sch'oxn sb'a yoc c'u 'a yic tzq'uin̈lb'i? Lajn wal sja'l yilx 'icha 'uj, tzictzni yilx 'icha yoc c'u. 'Ay xo smay yilx 'icha nan̈loc eb' soldado 'aych 'a yol b'e, xchi eb'.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Is 24:23

A 'a jun c'ul cha, 'oj 'och q'uic'q'uinl 'a c'u yet' 'a 'uj, ax Jehová tztac' yuj smasnil, 'oj 'och Reyl 'a lum tzaln Sión 'a Jerusalén, ax sch'oxn stzictznil 'a sat eb' yichm wincal schon̈ab'.

Is 49:2

A 'in paxti', 'ix ya'cn 'och 'icha junc espada caw jay ye, in sc'ub'n 'el 'a yen̈l sc'ab', in ya'n can 'och 'icha junc jul-lab' caw jay sn̈i', in sc'ub'n pax 'el 'a yojl yet'l sjul-lab' cha.

Dn 12:3

A eb' caw jelan, eb' niwn sb'isl 'anma tzjucb'tzej 'a tojl b'eyb'al, a eb' cha, caw wach' yilx 'oj 'aj eb' 'icha yilx satcha'an̈, caw tzictzni yilx 'oj 'aj eb' 'a jun 'ejmn̈ej, 'icha stzictznil c'anal.

Dn 8:10

Caw xq'uib' si'mb'il, 'ix q'ue'ch 'a 'aj 'ay eb' soldado yic satcha'an̈, niwn jun tzo'n̈ c'anal sjul 'emt 'a yolyib'n̈q'uinl tic, ste'n can 'ejm eb'.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Mt 17:2

Ata xjelmj yilx Jesús 'a sat eb'. Caw tzictzni x'aj sat 'icha yilx c'u, ax spichul, caw sac x'aj si'mb'il.

A Tas Sc'ulejnac Eb' Schecab' Jesús Hechos 26:13

Palta ach rey, tzwal 'ayach, tas 'ajnc in. A 'a yic chimc'ual, wan in b'eyi, wiln jun sacq'uinl cotnc 'a satcha'an, 'ec'b'al xo yoc 'a yoc c'u. Yeml 'a wib'an̈, yet' a yib'n̈ ewin ajun wet'oc.

Ef 6:17

Caw tzeya'ch yipc e c'ojol to colchjnac ex. Toto 'ixta', lajn ex 'icha eb' soldado c'oxb'il jun q'uen xumpiln yu'uj. Axn̈ej spaxti Dios 'ac'b'il 'ayn̈ yuj Yespíritu tze c'anlb'ej, 'icha tzyutj eb' soldado sc'anlb'an yespada.

A Ch'an̈ Carta D'a Eb' Hebreo 4:12

A spaxti Dios pitzn yaji, caw 'ay spoder. 'Icha junc espada caw jay ye 'a schab'il, 'ixta yaj spaxti tic. Yuj cha, 'icha to tztecx 'och 'a qui pixnec, yet' 'a qui nab'enec, 'icha junc espada tztecx 'och 'ayn̈ec. Yujto a tzch'oxn 'eli tas tzqui na junjn on̈ec, yet' tas tzlaj qui nib'jec.

Apoc 1:20

'Oj wal 'ayach, tas tzyal 'el'ch uque c'anal 'ix el 'a yol in wach' c'ab', yet' uque yet'l cantil nab'a oro 'ix ela. A uque c'anal, atn eb' in checb' yucwn̈il 'a uque iglesia. Ax uque yet'l cantil, tzyal 'el'chi, atn uque iglesia cha, xchi Jesús.

Apoc 10:1

Xlajw cha, xwiln pax junx ángel 'a satcha'an̈, caw niwn spoder. 'Ix 'ejm 'a yolyib'n̈q'uinal. Oyn 'och 'asn 'a 'a, 'icha to a 'aych spichloc. A 'a sjolom, 'ay q'ue jun chacpan. A sat, caw tzictzni 'icha c'u. Ax yoc, 'icha snich c'ac' 'ixta yilxi.

Apoc 12:1

Xlajw cha, 'ix checlj jun senya 'a satcha'an̈, caw niwn yel'chi. 'Ay jun 'ix, a c'u a 'aych spichloc. Ax 'uj a 'aych ste'nub'oc yoc, ax pax lajchwe c'anal, a 'ay q'ue scoronaoc.

Apoc 19:15

A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil.

Apoc 19:21

Ax jun tzo'n̈ xo eb', c'uxn xmilx cham eb' yuj jun espada 'ay 'elt 'a yol sti jun 'ay q'ue 'a yib'n̈ chej. Ax e no ch'ic smasnil, caw xlaj b'ut'j e no yuj schib'jal eb'.

Apoc 2:1

'Ix yaln pax Jesús 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Éfeso: A jun 'ay uque c'anal 'a yol swach' c'ab', atn jun tzb'eyc' 'a snan̈l uque yet'l cantil nab'a oro, a tzaln 'ayx 'ixtic:

Apoc 2:12

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Pérgamo: A jun 'ay yespada chab' ye, caw jay, a tzaln 'ayx 'ixtic:

Apoc 2:16

Yuj cha, nac e b'a. Toto ma'ay, 'oj in c'och 'ayx muc'uc. Ax wa'n owl eyet' ax 'ixta tzeyutj e b'a, atn yet' jun espada 'ay 'elt 'a yol in ti'.

Apoc 3:1

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Sardis: A jun 'aych ucwn̈ Yespíritu Dios 'a 'a, atn jun yamb'il uque c'anal yu'uj, a tzaln 'ayx 'ixtic: Wojtac, jantcn̈ej tas tze b'o'o. Wojtac, a 'a sat eb' eyit 'anma'il, caw pitzn ex. Palta ax 'a in sat, chamnc ex xo.

Jueces 3:16

Ax Aod cha, 'ix sb'on jun sniwquil cuchlub' chab' ye. Nan̈l vara xyutj ste'il, spixn 'och 'a sjal-l snan̈al. Xya'n can 'och 'a stojlal swach' c'ab' 'a yol spichul.

Jueces 5:31

Mamin Jehová, 'ixta cab' wal tz'aj satl eb' 'aych 'ajc'ojlal chi 'ayach, ax eb' tzach chamc'ojlani, 'icha cab' stzictznil yoc c'u, 'ixta cab' yilx eb', xchi 'ix Débora chi yet' win Barac 'a sb'it. A yic xlajw ye'cn jun tzo'n̈ owl cha, chawinc ab'il x'ochcn junc'ojlal 'a chon̈b' Israel.