Apoc 1:11 - Chuj San Sebastian Bible

¹¹ 'Ix yaln 'ayn 'ixtic: [—An ton tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in.] A tas wan elni, tza tz'ib'j can 'a junc libro. Tza'n 'at 'a eb' creyente 'a uque iglesia ['a yol yic Asia,] atn 'a Éfeso, 'a Esmirna, 'a Pérgamo, 'a Tiatira, 'a Sardis, 'a Filadelfia yet' 'a Laodicea, xchi 'ayin.

Chuj San Mateo Bible

¹¹ Ix yalan d'ayin: A tas van ilan tic, tz'ib'ejcan d'a ch'an̈ uum. Tzac'anb'at d'a eb' creyente d'a uque' iglesia: Aton d'a Éfeso, d'a Esmirna, d'a Pérgamo, d'a Tiatira, d'a Sardis, d'a Filadelfia yed' d'a Laodicea, xchi d'ayin.

Apoc 1:11 Iomraidhean Croise

Is 30:8

'Ix yaln Dios 'ayn 'ixtic: A ticnec, tz'ib'j can 'a yojl junc u'un̈, yuj smasnil tas wan waln 'aych tic, sec tzcan 'ab'xil 'a eb' et chon̈b' tic 'a smasnil tiempo.

Jeremías 30:2

An Jehová e Diosal in ax israel ex tic, an tzwala: Tz'ib'j can smasnil tas 'ix wal 'aych 'a junc ch'an̈ u'un̈.

Habacuc 2:2

'Ix yaln Jehová 'ayn 'ixtic: A tas 'oj in ch'ox 'aych tic, wach' tzotj a tz'ib'n can 'a jun pachc lum tz'acb'il lu'um, sec a mach 'oj 'awtnoc, wach' 'oj yutc yi'n b'ey jun tzo'n̈ paxti tic.

A Tas Sc'ulejnac Eb' Schecab' Jesús Hechos 16:14

Ata 'ay jun 'ix Lidia sb'i, 'aj chon̈b' Tiatira. A 'ix tzchon̈n jun tzo'n̈ q'ui'mucnac nip. Caw 'aych snab'en 'ix 'a Dios. Yic wan yab'xni 'ix, ax Cajlilec, a 'ix 'a'n nachjc 'el yuj 'ix, yuj cha, caw xya'ch 'ix snab'en 'a tas 'ix yal Pablo cha.

A Tas Sc'ulejnac Eb' Schecab' Jesús Hechos 18:24

Ax 'a jun tiempoal cha, 'ay jun win israel Apolos sb'i, 'aj chon̈b' Alejandría. 'Ix c'och 'a chon̈b' Efeso. Caw yojc spaxti Dios tz'ib'b'il can 'a Ch'an̈ U'un̈.

A Tas Sc'ulejnac Eb' Schecab' Jesús Hechos 20:17

Ax yic on̈ c'och 'a chon̈b' Mileto chi on̈, 'ix ya'n 'at Pablo schecb' 'a eb' anciano 'aj Efeso, yic tz'at 'ijxc cot eb' 'a 'a.

1 Co 15:32

A 'a Efeso tic, 'ay jun tzo'n̈ eb' 'a'jnac 'och jun tas 'a wib'an̈. Caw ow eb' 'icha junc noc' caw 'ay smay. Toto may in q'uinl 'a jun 'ejmn̈ej, ¿tas yuj tzwixtj in b'a tzyal cha? Toto ma'oj pitzwc pax eb' chamnac, to 'ixta', caw am wach' ton̈j tzca'c qui gana jac ticnec. Wa coyec, tzcu'nec tas tzcuq'uej, toq'ue chamnc on̈c xo q'uic'an.

1 Co 16:8

Palta a 'a Efeso tic 'oj in cann̈j b'el, masnto 'oj 'e'cn jun q'uin̈ Pentecostés, ax in 'ati.

Ef 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. Tic tzin tz'ib'j 'at jun in carta tic 'ayx ex yic xo Dios 'a chon̈b' Éfeso. Caw 'aych e c'ojl 'a Cristo Jesús si'mb'il.

Dt 31:19

A ticnec, tz'ib'j can jun b'it 'oj wal 'aych tic, tzlajw cha, tza'n scuy eb' et chon̈ab' sec 'oj sb'itnoc eb', yic tz'och testigoal wuj 'a eb'.

A Scarta San Pablo D'a Eb' Aj Colosas 2:1

Tzin nib'ej, tznachj 'el eyu'uj, chajtlto caw tzwac' 'ip ex wa'n servil, yet' eb' 'ay 'a chon̈b' Laodicea. Tzwa'n pax servil jantcn̈ej eb' creyente mant 'a 'aj tzin 'ilni.

1 Ti 1:3

Caw tzin nib'j tzach wach' can 'a chon̈b' Éfeso cha, 'icha wutj in tew 'ayach, yic in 'at 'a Macedonia. Yujto tzin nib'ej, tzcham wal aln 'a eb' tzcuywj 'a jun tzo'n̈ chuc cuynb'ilal, to caw yowlal tzyactj eb' yalni.

Apoc 1:17

A yic xwilni, in telw 'ejm 'a yojltac 'icha junc chamnac. Palta squil 'ejm swach' c'ab' 'a wib'an̈, 'ix yaln 'ayn 'ixtic: —Man̈ ach xiwoc. An ton tic b'ab'l waj 'a smasnil, slajb' in paxi.

Apoc 1:19

Tz'ib'j can jun tzo'n̈ tzel tic, atn jun tzo'n̈ 'ayc' ticnec, yet' jun tzo'n̈ tot 'oj ujoc.

Apoc 1:2

Jantcn̈ej jun tzo'n̈ tas 'ix wila, a tzwala. Atn spaxti Dios a tzwala. A jun tzo'n̈ 'oj wal tic, a Jesucristo 'ix yac' testigoal sb'a yu'uj.

Apoc 1:20

'Oj wal 'ayach, tas tzyal 'el'ch uque c'anal 'ix el 'a yol in wach' c'ab', yet' uque yet'l cantil nab'a oro 'ix ela. A uque c'anal, atn eb' in checb' yucwn̈il 'a uque iglesia. Ax uque yet'l cantil, tzyal 'el'chi, atn uque iglesia cha, xchi Jesús.

Apoc 1:4

An Juan in tic, an tzin tz'ib'j 'at 'ayx ex creyente 'a uque iglesia 'a yol yic Asia. Ya' cab' Dios swach'c'ojlal yet' sjunc'ojlal 'ayex. A Dios 'ayc' ticnec, 'ayc'n̈ej tax 'a yic pecti', atn jun 'oj jawoc. Ax 'a yojltac sdespacho, ata 'ayc' ucwn̈ Espíritu, ya' cab' eb' swach'c'ojlal 'ayex.

Apoc 1:8

Yaljnac Cajlilec 'ixtic: An tic b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in, xchi Cajlilec, atn pax jun tztac' yuj smasnil. A 'ayc' ticnec, 'ayc'n̈ej tax 'a yic pecti', atn jun 'oj jawoc.

Apoc 10:4

Xlajwn̈ej spaxtin uque tzc'an̈ c'u cha, 'ijn xin tz'ib'j tas xwab'i, palta 'ay jun 'a satchan̈ 'ix aln 'ayn 'ixtic: —A tas xyal uque tzc'an̈ c'u cha, ton̈j tza mol 'a a nab'en. Man̈ a tz'ib'oc, xchi 'ayin.

Apoc 14:13

Xlajw cha, xwab'n yoch jun paxti 'a satcha'an̈, 'ix yaln 'ixtc 'ayin: —Tz'ib'j junx 'oj wal tic: A ticnec, caw wach' yic eb' an̈ja 'aych 'a yol sc'ab' sYajlil yic tzchami, xchi jun paxti cha. Xyaln Yespíritu Dios 'ixtic: Caw yel yujto 'oj 'iljc eb' 'a smunljel. Ax jun ch'an̈ un̈ 'aj tz'ib'b'il can tastc wach' tzb'o eb', 'oj c'och yet' eb' 'a satcha'an̈, xchi.

Apoc 19:9

'Ay jun ángel 'ix aln 'ixtc 'ayin: —Tza tz'ib'j jun tzo'n̈ 'oj wal tic: A eb' 'awtb'il 'a jun q'uin̈ nupnel yic jun tzcuch Calnelu, caw wach' yic eb', xchi. 'Ix yaln pax 'ayn 'ixtic: —A jun tzo'n̈ paxti tic caw yel, yic Dios, xchi 'ayin.

Apoc 2:1

'Ix yaln pax Jesús 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Éfeso: A jun 'ay uque c'anal 'a yol swach' c'ab', atn jun tzb'eyc' 'a snan̈l uque yet'l cantil nab'a oro, a tzaln 'ayx 'ixtic:

Apoc 2:12

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Pérgamo: A jun 'ay yespada chab' ye, caw jay, a tzaln 'ayx 'ixtic:

Apoc 2:18

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Tiatira: A Yunnal Dios, 'icha snich c'ac', 'ixta yol sat. Ax yoc, lajn yet' q'uen bronce caw tzictzni yilxi. A tzaln 'ayx 'ixtic:

Apoc 2:24

Palta 'ayx pax 'a Tiatira cha, ma'ix eya'ch e nab'en 'a scuynb'il jun 'ix chi yet' eb'. Tzyal eb' 'ixtic: Atn jun tzo'n̈ cuynb'il yic Satanás ya snachji, ata 'aych qui nab'en, xchi eb'. Palta ax xo, ma'ix eya'ch e b'a yet' eb', may junc xo checnb'il tzwalb't 'ayex.

Apoc 2:8

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Esmirna: A jun b'ab'l yaji, slajb' paxi, atn jun xchami, palta xpitzw paxi, a tzaln 'ayx 'ixtic:

Apoc 21:5

Ax jun wocn 'ejm 'a sdespacho cha, a 'ix aln 'ayn 'ixtic: —'Ilto, tzin b'o smasnil tas, caw 'a't tz'aji, xchi. 'Ix yaln pax 'ixtc 'ayin: —Tz'ib'j jun tzo'n̈ wan ab'n tic, yujto a jun tzo'n̈ paxti tic, caw yel. Tztac' a'n 'och yipc a c'ojol, xchi.

Apoc 22:10

Man̈ a c'ub'c 'el jun tzo'n̈ tas 'ay 'a jun libro yic Dios tic, yujto jab'xoj wal 'oj 'el'choc tas tzyala.

Apoc 22:16

An Jesús in, 'ix in checb't jun wángel 'at yal jun tzo'n̈ tic 'ayach, sec 'oj alxc 'a eb' creyente 'a junjn iglesia. An tic, yin̈tl in can David, palta yuj in poder, pitzwnac 'el David cha. Lajn in 'icha jun niwquil c'anal sacb'su'un, caw tzictzni, xchi.

Apoc 3:1

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Sardis: A jun 'aych ucwn̈ Yespíritu Dios 'a 'a, atn jun yamb'il uque c'anal yu'uj, a tzaln 'ayx 'ixtic: Wojtac, jantcn̈ej tas tze b'o'o. Wojtac, a 'a sat eb' eyit 'anma'il, caw pitzn ex. Palta ax 'a in sat, chamnc ex xo.

Apoc 3:14

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Laodicea: 'Ay jun caw yel. Caw wach' tzyutj ya'n testigoal sb'a, yujto cojxn yel tzyala. An̈j b'ojnac smasnil tas yet' Dios. A tzaln 'ayx 'ixtic:

Apoc 3:4

Palta 'ay jaywn̈ ex 'a Sardis cha, ma'ex juw 'el xoni. 'Icha junc mach may 'aj tzb'on̈x xon jac spichul, 'ixta 'ex. Yuj cha, 'oj 'ajxoc 'och junjn e pichl caw sac. Ax e b'eyc' wet'oc, yujto e moj 'ixta 'oj eyaji.

Apoc 3:7

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Filadelfia: 'Ay jun caw wach'n̈ej, caw yel. A syawe win rey David a 'ayc' 'a yol sc'ab'. A yic tzjacni, may mach tztac' scomn macni. Ax yic tzmacni, may mach tztac' scomn jacn paxi. A tzaln 'ayx 'ixtic: