Am 9:1 - Chuj San Sebastian Bible

¹ Ax xwilni 'ayc' Jehová 'a stz'ey jun yet'l xajmb'al, 'ix yaln 'ayn 'ixtic: Mac' wecchjoc jun tzo'n̈ yoyl watut tic, masnto tz'ib'x sjolm yoyl cha, ax yem lan̈njoc 'a yib'n̈ eb' 'anma'. Toto 'ayt eb' ma'oj chamoc, ax yet' q'uen espada 'oj wac' milxoc cham eb', wach'xam 'oj 'at eb' 'elc yalni, palta may junc mach 'oj colchjoc can 'eli.

Chuj San Mateo Bible

¹ Axo ix vilani ayec' Jehová d'a stz'ey jun altar, ix yalan d'ayin icha tic: Mac' yoyal templo tic, masanto tz'ib'xiq'ue sjolom yoyal chi', tz'em vecnaj d'a yib'an̈ eb' anima. Tato ayto mach scani, axo yed' q'uen espada ol vac'cham eb'. Vach'chom olto snael sb'a eb', palta man̈xo junoc mach olto colchajcaneloc.

Am 9:1 Iomraidhean Croise

2 Cr 18:18

Xlajw cha, xyaln pax Micaías 'ixtic: —'Ab' wal tas tzyac' Jehová wal 'ayach: 'Ix wila to wocn 'ejm Jehová 'a sdespacho, ax smasnil eb' ángel 'ay 'a satcha'an̈, lin̈n 'och eb' 'a swach' c'ab' yet' 'a surito.

Salmos 68:21

A Dios 'oj ma'nc poj sjolm eb' 'ajc'ojl yajch 'a 'a, atn eb' an̈ja sb'on maysch'olnil.

Salmos 68:22

A Cajlilec a 'ix aln 'ixtic: A 'a lum Basán, ata 'oj wi'x cot eb' 'ajc'ojol, ax wi'n cot pax eb' 'a a mar caw xab' yich,

Is 30:16

A eyico', to 'ix eyal 'ixtic: Ma'ay, yel xo wach' quiquec, to a 'a yib'n̈ chej 'oj qui 'ati, yic tzqui colnec qui b'a, xe chi. Yel ton tzeyala, 'oj e 'at 'elc cha. 'Ix eyaln pax 'ixtic: 'Oj cochc 'a yol caruaje to caw jeln sb'eyi, xe chi. Yel ton tzeyala, palta yel xo jeln sb'ey eb' 'ajc'ojl chi 'oj e pechn b'eyc'oc cha.

Is 6:1

A 'a jun ab'il 'aj chamnc win rey Uzías, ata sch'ox sb'a Cajlil 'ayin. Wocn 'ejm 'a sdespacho 'a caw cha'an̈, ax yol yatut b'ut'jnac 'el yuj sti spichul.

Jeremías 11:11

Yuj cha, an Jehová in, an tzwala, to 'oj wa' cot yailal 'a yib'n̈ eb', man̈x 'oj stac' s'at eb' 'elc 'a 'a. Wach'xam 'oj 'el yaw eb', ax sc'ann eb' in colwal, palta man̈x 'oj in ta'w 'a eb'.

Jeremías 42:16

to 'ixta', a owal yet' wejl 'aj tzex xiwi, 'oj c'och pax 'ayx ta'. 'Oj e chamn̈j ta'.

Jeremías 48:44

A eb' 'oj 'at 'elc 'a eb' tzpechn b'eyc'oc cha, 'oj 'atcn eb' 'a yol junc xab'. A mach 'oj yac' ganar sq'uet 'a yol junc xab' cha, 'oj cancn 'a junc ch'an̈ ya'al, yujto an Jehová in, an 'oj wa' cot yailal nab'il wuj 'a yib'n̈ Moab.

Ez 1:28

'icha yilx chacpan 'a scal 'asun yic tzya'n n̈ab', 'ixta yilx sc'ac'l jun chi 'a stitac. 'Ixta wal xwutj wiln stzictznil Jehová. A yic xwiln cha, in 'em n̈ojn 'a sat lu'um, axn cha, 'ix wab'n spaxtin 'ayin.

Ez 10:4

Xlajw cha, ax Jehová yet' stzictznial, 'ix q'ue wan 'a yib'n̈ yechl eb' querubín cha, axta xq'ue'ch 'a yib'n̈ sjolm puerta. 'Ix sacb'chan̈ jun 'amc' chi yuj stzictznil Jehová, 'ix 'em t'ocn jun 'asn chi 'a yol scajnub' cha.

Ez 15:7

An wal 'oj woch 'ajc'ojlal 'a eb'. Wach'xam 'oj yac' ganar eb' scoln sb'a 'a jun yailal cha, palta chucx junx yailal chi 'oj satn 'el eb'. A yic 'oj woch 'ajc'ojlal chi 'a eb', ax in eyojcan 'eli, to an ton Jehová in, to cojn in ton Dios in.

Ez 9:2

'Ix wilni, 'ay wacwn̈ winc x'oxt 'a yol sti spuertail chon̈b' 'a stojlal norte, yet' eb' syamc'ab' tzyac' milwjoc. Ax 'a scal eb' cha, ata 'aych jun winc nab'a lino spichul, t'un̈n 'och stz'ib'lab' 'a snan̈al. 'Ix 'oxt eb', axta x'aj lin̈n eb' 'a stz'ey yet'l xajmb'al nab'a bronce.

Am 3:14

A yic 'oj jawc jun c'u yic 'oj wa'nc 'och yailal 'a yib'n̈ eb' israel yuj jantc smaysch'olnilal eb' tzb'o'o, a yic cha, c'uxn 'oj in ma'cn lan̈chjoc jun tzo'n̈ yet'l xajmb'al eb' 'a Bet-el. A sch'ac jun tzo'n̈ yet'l xajmb'al cha, 'oj ma'xoc 'ejm b'uychjoc 'a sat lu'um.

Am 7:17

Yuj cha, atn jun tzo'n̈ tic tzyal Jehová 'ayach: Wal 'a sat eb' chon̈ab' ax yoch 'ix estzil 'ajmul 'ixal. Ax eb' onnal yet' eb' esil, 'oj tzu'xoc cham eb'. 'Oj pojxoc 'ec' lum a lu'um. Ach xo ach tic, a 'a slum eb' chuc chon̈b'al, ata 'oj a chami, ax eb' et israelal, caw najt 'oj 'ijxoc 'at eb' 'icha presoal, xchi Dios 'ayach.

Am 7:9

A jun tzo'n̈ smacsej eb' yin̈tl Isaac 'aj tzyac' eb' 'emmquilal 'a lum jolmctac witz, c'uxn 'oj satli. A jun tzo'n̈ yatutal sdiosal eb' israel, 'oj lan̈chjoc can 'ejmi. 'Oj in satl eb' yin̈tl Jeroboam yet' q'uen espada, xchi Jehová.

Habacuc 3:13

Ach 'elt colwjoc 'a a chon̈ab', yet' 'a win rey sic'b'il 'el o'oj, ax win syajlil eb' 'anma maysch'olnil 'ix a te'cn 'ejmi. 'Ix a satn 'el schon̈b' winac, masnto sat 'ejm yopiso winac.

Sofonías 1:12

A 'a jun tiempoal cha, 'oj in tzictajc smasnil 'anma cajn 'a chon̈b' Jerusalén. 'Oj wa'ch syailal eb' 'anma may jac tas tzna'a, tzlaj cob' yaln eb' 'ixtic: A Jehová toc 'ay tas tzpactzej 'ayn̈ 'a wach'il, matz pactzej pax 'ayn̈ yet' yailal, xchi eb'.

Sofonías 2:14

'Oj lan̈chjoc can 'ejm yatut eb'. Axn̈ej no cajb'en noc' yet' no calte'al noc' 'oj laj 'ec' 'a 'a. A no cujub' yet' no tonton, a no 'oj laj way 'a sjolmctac yoyl yatut eb', ax 'a swentnual, ata 'oj laj 'oc' 'elt no'. 'Oj 'em lan̈njoc yol sti spuertail. A te c'ute 'ay q'ue ya'ntelc yojol, 'oj can jacn yet'l te'.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Jn 1:32

'Ix yaln pax Juan chi 'ixtic: —'Ix wil yeml Yespíritu Dios 'a yib'n̈ 'icha junc no parama, 'ix 'ochcn 'a 'a.

A Tas Sc'ulejnac Eb' Schecab' Jesús Hechos 26:13

Palta ach rey, tzwal 'ayach, tas 'ajnc in. A 'a yic chimc'ual, wan in b'eyi, wiln jun sacq'uinl cotnc 'a satcha'an, 'ec'b'al xo yoc 'a yoc c'u. Yeml 'a wib'an̈, yet' a yib'n̈ ewin ajun wet'oc.

Josué 10:18

Yuj cha, xyaln win 'ixtic: B'alc 'at q'uen niwc q'ue'en 'a 'aj 'ay sti jun n̈aq'uen cha, tzeya'n can 'och stan̈mal.

Apoc 1:17

A yic xwilni, in telw 'ejm 'a yojltac 'icha junc chamnac. Palta squil 'ejm swach' c'ab' 'a wib'an̈, 'ix yaln 'ayn 'ixtic: —Man̈ ach xiwoc. An ton tic b'ab'l waj 'a smasnil, slajb' in paxi.

Apoc 8:3

Xlajwn̈ej cha, 'ix jaw junx ángel yet' jun tz'ab'c'ac' nab'a oro, yet'l 'aj tz'a incienso. 'Ix c'och lin̈n yet' 'a yojltac jun yet'l xajmb'al. Caw niwn incienso chi 'ix 'ajx 'a 'a, yic tzn̈usn 'a yib'n̈ jun yet'l xajmb'al nab'a oro 'ayc' 'a yojltac jun despacho cha. A yic xc'och su'q'uil sjab' jun incienso cha, 'ix c'och pax slesl eb' yic xo Dios yet'oc.