Am 8:5 - Chuj San Sebastian Bible

⁵ Ax tic tzeyal 'ixtic: Comnoc tzjapx q'uin̈ yic tzpa'x 'uj sec 'oj sta'x qui chon̈n qui trigo. Comnoc tzjapx sc'ul 'iljelal muc'uc sec 'oj stac' qui chon̈n sat cawb'en 'a chan̈ stojol, ax qui c'anlb'an quechtab' to man̈ tz'acnoc.

Chuj San Mateo Bible

⁵ Tzeyalan d'a yoltac e pat d'a q'uin̈ ayic tz'alji q'uen uj: ¿B'aq'uin̈ ol lajvoc yec' jun q'uin̈ tic yic syal co chon̈an co trigo? ¿B'aq'uin̈ ol lajvoc yec' sc'ual ic'oj ip, yic ol yal co chon̈anxi sat cavb'en, ol cac'lab'an echlab' man̈ tz'acanoc, axo stojol nivan ol co c'ana'?

Am 8:5 Iomraidhean Croise

A Ch'an̈ Schab'il Libro Yic Yab'ixal Eb' Rey 4:23

—¿Tas yuj tzach 'at el win ticnec jun? Man̈ stiempoaloc spac' 'uj, man̈ sc'uloc pax 'iljelal, xchi win yichmil 'ix cha. —Man̈ ach 'och 'il, xchi 'ix 'a winac.

Ex 31:13

Al 'a smasnil eb' et israelal to yowlal tzyiclj eb' sc'ul 'iljelal, yujto a jun c'u cha, wic yaji. A jun cha, a 'aycn 'och sch'oxnb'ilc in trato eyet' 'a smasnil tiempo, sec wach' tzeyojquej 'eli, to an Jehová in tic, an ex in si'cn 'och wico'oc.

Pr 11:1

A Jehová, matz chaj sc'ojol eb' tzc'anlb'an junc 'echtab' man̈ tz'acnoc, palta ax eb' tzc'anlb'an 'echtab' tz'acan, caw tzalj yet' eb'.

Pr 16:11

Smasnil 'echtab' yet' q'uen libra tz'acan, caw tzchaj sc'ojl Jehová. A aljnac cani yuj cha, 'ay 'echtab'.

Pr 20:23

A wal jun tzo'n̈ 'echtab' man̈ tz'acnoc, caw wal yajb'il 'el yuj Jehová.

Is 1:13

Man̈x eyi' cot jun tzo'n̈ eyofrenda cha, yujto man̈x 'a tas tzb'o yu'uj. A incienso tze n̈usu, man̈xtzac schaj in c'ojol. Ax jun tzo'n̈ e q'uin̈ tzlaj e na 'a yic tzpac' 'uj yet' 'a sc'ul 'iljelal, caw tzex tzalj cob' eyamn e b'a 'a jun tzo'n̈ eyamnil cha, palta an xo tic, man̈xtzac ex in nib'j wil yet' e q'uin̈ cha, yujto maysch'olnil tas tze b'o'o.

Is 58:13

An Jehová in an tzwala: Toto tzeyiclj sc'ul 'iljelal, man̈oc eyic tzlaj e b'o 'a jun c'u to wic yaj cha. Wach' cab' tz'aj snachj 'el eyu'uj, to yic tzaljc'ojlal yaji, to wic yaj an Jehová in, 'ay cab' yel'ch jun c'u chi 'a e sat. Man̈ e say tas tze b'o 'a jun c'u cha, man̈ eyal comn paxti'.

Os 12:7

A Jehová a tzaln 'ixtic: A eb' chon̈wjum yic Efraín, a 'echtab' man̈ tz'acnoc, a tzc'anlb'ej eb', yujto caw wal tzchaj sc'ojl eb' yelc'wi.

Os 12:8

Tzyaln eb' 'ixtic: On̈ 'ochc ricoal. Wach'xam rico on̈c xo, palta may mach tztac' ya'n yowlal 'ayn̈ec, yic tzyaln eb' to on̈ 'ochc ricoal yuj ca'm 'esal, xchi cob' eb'.

Lv 19:36

Tz'acn cab' e libra yet' eyalmu tze c'anlb'ej yic tzeyechtan junc tas. An Jehová e Diosal in, an wijnacx 'elt 'a Egipto, an tzwala.

Zacarías 5:6

Xin c'anb'n 'a 'ixtic: ¿Tas jun cha? xin chi 'a 'a. Xyaln 'ayin: A jun tzch'ox sb'a cha, 'echtab'. A tzch'oxn cot smul eb' 'anma cajn 'a lum lum tic, xchi.

Zacarías 5:8

'Ix yaln jun ángel chi 'ayn 'ixtic: A jun 'ix tzel tic, atn mul tzch'ox coti, xchi. Xlajw cha, xyecn 'och sc'ab' 'a 'ix, 'ix 'ejm can pax 'ix 'a yojl jun 'echtab' cha. 'Ix smacn can pax yet' jun smac to plomo cha.

Malaquías 1:13

'In tzeyal 'ixtic: Caw tzon̈ tzactzj c'och yet' jun tzo'n̈ tic, xe chi, tzin e patquiln can 'eli. Tzeya'n pax cob' e xajmb'al chi 'ayin, a no noc' 'elc'b'il eyu'uj, no wecchjnac, yet' no ya'ay, a chi tzeyac'a. ¿Tom 'oj in cha jun tzo'n̈ chi 'ayx e nani?

Nm 10:10

An Jehová e Diosal in, an tzwala: A yic sc'ul 'ay e tzaljc'ojlal cha, 'icha 'a yic sc'ul q'uin̈, mto 'a yic tzpac' 'uj, tzeyutz'j q'uen trompeta cha, 'a yic tzeya'n tz'a e xajmb'al, mto xajmb'al yic junc'ojlal, sec 'oj ex in na coti, xchi Dios.

A Scarta San Pablo D'a Eb' Aj Colosas 2:16

Yuj cha, toto 'ay mach tzex b'eyc'ojlan yuj tas tze c'uxu, mto tzeyuq'uej, man̈ e cha yal eb' 'ayex. Toto tznib'j eb' yal 'ayx yuj jun tzo'n̈ sq'uin̈, mto 'a yic tzpac' 'uj, yet' sc'ul 'iljelal, man̈ e cha yal eb' 'ayex.

A Ch'an̈ B'ab'el Libro Samuel 20:5

'Ix ta'w David 'ixtic: —A q'uic'an 'oj naxoc sq'uin̈l yic tzpa'x 'uj, an xo tic, yowlal 'oj wem wocn in wa yet' win rey 'a 'icha qui b'eyb'alec. Palta comnoc tz'el 'a a c'ojol, to tzin c'ub'j can 'el in b'a 'a scalte 'a sti 'elt chon̈b' tic, masnto 'a yemc'ul chab'ej.