Am 7:9 - Chuj San Sebastian Bible

⁹ A jun tzo'n̈ smacsej eb' yin̈tl Isaac 'aj tzyac' eb' 'emmquilal 'a lum jolmctac witz, c'uxn 'oj satli. A jun tzo'n̈ yatutal sdiosal eb' israel, 'oj lan̈chjoc can 'ejmi. 'Oj in satl eb' yin̈tl Jeroboam yet' q'uen espada, xchi Jehová.

Chuj San Mateo Bible

⁹ A juntzan̈ b'aj syal sb'a eb' yin̈tilal vin̈aj Isaac d'a jolomtac vitz, ol lajvoquemoc. A juntzan̈ stemplo eb' aj Israel, ol juchajemoc, ol in checan satjoquel yin̈tilal vin̈aj Jeroboam yed' q'uen espada, xchi Jehová.

Am 7:9 Iomraidhean Croise

Gn 46:1

Xlajw cha, 'ix 'at Jacob yet' smasnil tas 'ay 'a 'a. A yic xc'och 'a Beerseba, xya'n xajmb'al 'a Dios atn sDiosal yet' smam.

A Ch'an̈ Schab'il Libro Yic Yab'ixal Eb' Rey 14:24

Caw maysch'olnil 'ix 'el sb'on 'a sat Jehová, ma'ix yactj can sb'eylb'an smasnil smul Jeroboam yunnal Nabat, atn jun xjucb'tzan eb' yit israelal 'a maysch'olnil yic 'ix 'och smul eb'.

Is 63:18

An̈ a chon̈b' on̈ tic on̈, jayen̈ej ab'il xquique'ej a cajnub', ax ticnec, a eb' 'ajc'ojl yajch 'ayn̈ on̈, a eb' xma'n 'ejm lan̈chjoc.

Jeremías 51:51

Palta ax tic tzeyal 'ixtic: Caw tzon̈ q'uixwi, yic tzcab'n tas tzyal eb' 'ayn̈ on̈. Caw q'uixweltac caj tzcab'i, yujto a eb' chuc chon̈b'al, tox 'ix 'och eb' 'a yol yatut Dios, 'intax 'ix 'och pax eb' 'a yol jun tzo'n̈ cotc cuarto to cojn Dios 'ay yico', 'oj e chioc.

Ez 6:3

Tzalni to an Jehová Yajl in, an tzwal 'ixtic: Ex 'anma cajn 'a lum jolmctac witz, 'a lum tzalctac, 'a lum ch'olan yet' 'a eb' lum niwc pan̈an: 'Oj wa' cot owl 'a e cal, ax in satn 'el jun tzo'n̈ lugar chan̈ yaj sb'o 'aj tzeyal e b'a.

Os 10:8

'Oj ma'xoc 'ejm jun tzo'n̈ yatutal sdiosal eb' chuc chon̈b'al, atn 'aj ya'jnac 'och eb' israel smul. A 'a yib'n̈ yet'l xajmb'al eb' cha, ata 'oj pac' chan̈ te q'ui'ix. Yuj cha, ax yaln eb' 'anma yuj lum witz chi 'ixtic: Comnoc 'ay tz'aj scot wacnjoc jun tzo'n̈ witz tic 'a quib'n̈ec, 'oj schic eb'. Ax yaln pax eb' yuj eb' lum tzalan: 'Ayc wal tz'aj scot lan̈njoc eb' lum tzaln tic 'a quib'n̈ec, 'oj schic eb'.

Am 3:14

A yic 'oj jawc jun c'u yic 'oj wa'nc 'och yailal 'a yib'n̈ eb' israel yuj jantc smaysch'olnilal eb' tzb'o'o, a yic cha, c'uxn 'oj in ma'cn lan̈chjoc jun tzo'n̈ yet'l xajmb'al eb' 'a Bet-el. A sch'ac jun tzo'n̈ yet'l xajmb'al cha, 'oj ma'xoc 'ejm b'uychjoc 'a sat lu'um.

Am 5:5

Man̈ ex 'at 'a chon̈b' Bet-el, yet' 'a Gilgal, man̈ ex 'ec' pax 'a Beerseba. A eb' 'aj Gilgal, yowlal 'oj 'ijxoc 'at eb' 'icha presoal 'a chuc nacion̈al, ax Bet-el, caw 'oj lan̈chjoc can 'ejmi, xchi Dios.

Am 7:11

Tz'ec' yal-l win 'a qui calc 'ixtic: 'Oj cham Jeroboam yuj q'uen espada, ax yijx can 'at smasnil eb' quit israelal 'icha presoal 'a chuc chon̈b'al, xchi Amós cha, xchi Amasías.

Am 7:13

palta may cab' tas tzal-l 'a yib'n̈ Bet-el tic, yujto a 'a tic tz'och win rey 'emmquilal, caw niwn yel'ch jun n̈a tic 'a smasnil yol qui macb'en tic on̈, xchi Amasías cha.

Am 8:14

'Ixta wal 'oj 'aj eb' tz'a'n sti 'a jun tzo'n̈ yechl q'uixweltac yilx 'ay 'a Samaria, atn eb' tzaln 'ixtic: Tzwac' in ti 'a sb'i sdiosal eb' 'aj Dan, mto 'a sb'i sdiosal eb' 'aj Beerseba, xchi eb'. Yuj wal jun cha, man̈x 'a b'a'n̈ 'oj q'uex wan eb', xchi Dios.

Am 9:1

Ax xwilni 'ayc' Jehová 'a stz'ey jun yet'l xajmb'al, 'ix yaln 'ayn 'ixtic: Mac' wecchjoc jun tzo'n̈ yoyl watut tic, masnto tz'ib'x sjolm yoyl cha, ax yem lan̈njoc 'a yib'n̈ eb' 'anma'. Toto 'ayt eb' ma'oj chamoc, ax yet' q'uen espada 'oj wac' milxoc cham eb', wach'xam 'oj 'at eb' 'elc yalni, palta may junc mach 'oj colchjoc can 'eli.

Miqueas 1:5

'Oj ujc smasnil jun tzo'n̈ tic, yuj wal spitl eb' yin̈tl Jacob, yuj pax tas maysch'olnil 'ay 'a yol smacb'en Israel. Yujto 'a stenmtacl eb' yin̈tl Jacob cha, ata tzcheclj 'a chon̈b' Samaria. Ax 'a Jerusalén ata tzcheclj smul eb' 'aj Judá yic tz'och eb' 'emmquilal 'a jun tzo'n̈ comn dios.