Am 7:12 - Chuj San Sebastian Bible

¹² Xlajw cha, xya'n win Amasías alxoc 'a Amós 'ixtic: —'Eln̈ 'a tic ach schecb' Dios, 'ixc 'a Judá. Ata 'oj 'ilchjoc tas tza c'ux yuj a paxti tzal-l cha,

Chuj San Mateo Bible

¹² Ix yalan vin̈aj Amasías d'ayin Amós in tic icha tic: —Elan̈ d'a tic ach schecab' Dios. Ixic d'a Judá, ata' ol ac'chaj a vael yuj tas tzal chi'.

Am 7:12 Iomraidhean Croise

2 Cr 16:10

Yuj cha, caw xcot yowl rey Asa chi 'a jun schecb' Dios cha, 'ix ya'n 'och 'a preso, yujto 'ix cot yowl si'mb'il yuj jun cha. An̈jtona', a 'a yic jun tiempoal cha, ata 'ix 'ixtx 'el jaywn̈ eb' 'anma yuj Asa cha.

Is 30:10

Tzyal eb' 'a eb' in checb' 'ixtic: Man̈ eyal yuj tas 'ix eyil 'a 'icha waychil, man̈ eyal paxti yic tojlal 'ayn̈ on̈. A paxti tzqui nib'ej, a tzeyal 'ayn̈ on̈.

Is 56:11

A eb' stan̈mal in chon̈b' tic, lajn eb' 'icha no tz'i 'ayn̈j swejel, toxn may tz'aj sb'ut'ji, 'ixta eb'. Toxn may jac tas tznachj 'el yuj eb'; cojn tas tznib'j 'och eb' 'a mun yico', a chi tzlaj sayc' eb'.

Ez 13:19

Ax tic, yuj jun jopoc 'ixm cebada, mto yuj junc 'ixm pan, tzin e patquiln can 'el 'a sat eb' in chon̈ab'. 'In tzlaj e mil cham eb' 'anma to man̈ smojc schami. A eb' 'ayx 'och chaml 'a yib'an̈, a eb' tze colcn 'eli. Tzeya'n 'es 'a eb' in chon̈ab', ax eb', caw wal tzchaj sc'ojl eb' yab'n tas tze yal cha.

Am 2:12

Palta ax tic, xeyac' pural yu'w 'an̈ eb' xya'ch sb'a nazareoal cha, xe tenn pax 'och wan eb' in checb' tzaln 'el in paxti'.

Am 7:11

Tz'ec' yal-l win 'a qui calc 'ixtic: 'Oj cham Jeroboam yuj q'uen espada, ax yijx can 'at smasnil eb' quit israelal 'icha presoal 'a chuc chon̈b'al, xchi Amós cha, xchi Amasías.

Malaquías 1:10

Comnoc wal a junc ex tze mac spuertail watut, sec wach' man̈xtzac 'och sc'a'l jun yet'l xajmb'al to wic yaji yujto man̈x 'a yel'chi, an Jehová in, tztac' wuj smasnil, caw wal matz in tzalj eyet'oc, man̈x 'oj in cha pax eyofrenda cha.

Mt 8:34

Yuj cha, x'at eb' 'aj chon̈b' chi smasnil 'at yil Jesús. Ax yic xyiln eb', xlaj tew 'och eb' 'a 'a, sec tz'elx mu'c 'a yol slugar eb' cha.

Lc 13:31

A 'a jun c'u cha, 'ix jaw jaywn̈ ewin fariseo, 'ix yaln ewin 'ixtc 'a Jesús: —'Ij 'el a b'a 'a jun lugar tic, yujto tznib'j win Herodes tzach smila, xchi ewin 'a 'a.

A Tas Sc'ulejnac Eb' Schecab' Jesús Hechos 16:39

Yuj cha, caw a ewin x'at c'annc niwnc'ojlal 'a Pablo chi yet' Silas. Xlajw cha, xyi'n 'elt ewin eb' 'a preso, xyaln ewin 'a eb' 'ixtic. —Niwnoc tzcal 'ayx on̈, comnoc tzex 'el 'a yol jun chon̈b' tic, xchi ewinac.

Ro 16:18

Yujto a eb' cha, man̈oc Cajlil Jesucristo tzyac' servil eb', an̈j jun tzo'n̈ tas tznib'j 'och sniwnal eb', an̈j tzyac' servil eb', caw tzyixtj paxti eb' jun tzo'n̈ eb' mantzac nachj 'el yu'uj. C'un tzcob' yutc eb' yalni, 'icha to wach' cob' chi tzyal eb', palta man̈ wach'oc.

1 Co 2:14

A eb' man̈ 'ayc 'och Yespíritu Dios 'a 'a, matz ya'ch eb' sc'ojl 'a jun tzo'n̈ cuynb'il yic Espíritu, yujto may yel'ch 'a sat eb'. Matz tac' scomn nachj 'el jun tzo'n̈ tic yuj eb', yujto cojxn Yespíritu Dios tz'a'n nachjc 'eli.

A Sb'ab'el Carta San Pedro 5:2

'Icha junc 'ilm calnelu, 'ixta tzeyutj e tan̈wni eb' creyente 'ay 'a yol e cuenta, yujto 'icha scalnelu Dios yaj eb' 'ayex. Man̈ yujoc cab' tzex 'ajx pural, man̈ yujoc e nib'n 'och tumin, tzex munlj 'a eyopiso cha. Palta yujn̈ej cab' to tz'el 'a e c'ojl e munlji, yujto 'ixta tznib'j Dios. Caw tzex munljn̈ej wal 'a tzaljc'ojlal.

A Ch'an̈ B'ab'el Libro Samuel 2:36

Ax smasnil eb' en̈tl 'oj canoc, 'oj jawc eb' wul yac' 'ejm sb'a 'a yojltac junc win cha, yic 'oj wul sc'annc eb' jac stumin mto c'axp'oc yo'och. 'Oj sc'ann eb' yopiso 'a winac yic tzmunlj yet' eb' ya'mal 'och sti eb' 'anma cha, sec ata tzyac' ganar jac tas tzc'uxu, xchi Dios, xchi jun checb' chi 'a win Elí.

A Ch'an̈ B'ab'el Libro Samuel 9:9

(A 'a pecti', toto 'ay junc eb' quit chon̈b' tznib'j sc'anb'c junc tas 'a Dios, 'ixtc tzyutj eb' yalni: Cotn̈ec, 'at quilc win tztac' yiln junc tas, xchi eb'. Ax ticnec schecb' Dios sb'i eb'. A 'a pecti cha, win Tztac' yiln junc tas, 'ixta sb'i jun chi yuj eb'.)