Am 6:2 - Chuj San Sebastian Bible

² Tzeyal cob' 'ixtc 'a eb' eyit chon̈ab': 'Ixquec 'a chon̈b' Calne, tze maclni eyil si'mb'il. Axta tzex 'atxi, tzex c'och 'a niwquil chon̈b' Hamat, tzex 'eml 'a chon̈b' Gat 'a yol yic eb' filisteo. ¿Tom yel xo niwn yel'ch eb' 'a quib'n̈ec? ¿Tom yel xo niwquil jun tzo'n̈ nacion̈ chi 'a yib'n̈ qui nacion̈ec tic? xe chi.

Chuj San Mateo Bible

² A ex tic tzeyal icha tic: Ixiquec d'a chon̈ab' Calne, tzeyilan sic'lab'il. Axo ta' tzex b'atpax d'a nivan chon̈ab' Hamat, tzex emul d'a Gat d'a yol yic eb' filisteo. ¿Tom te vach' juntzan̈ chon̈ab' chi' d'a quichan̈? ¿Tom te nivac juntzan̈ nación chi' d'a yichan̈ co nación tic? xe chi.

Am 6:2 Iomraidhean Croise

Gn 10:10

A eb' chon̈b' 'aj yajl yaj Nimrod, 'ix 'el yich yuj 'a Babilonia, 'a Erec, 'a Acad yet' 'a Calne. A 'a yol yic Sinar ata 'ay jun tzo'n̈ chon̈b' cha.

A Ch'an̈ Schab'l Libro Samuel 8:9

Yuj cha, ax Toi win sreyl Hamat, a yic xyab'ni chajtlto 'ix lajw 'el smasnil eb' soldado yic Hadad-ezer yuj David,

A Ch'an̈ B'ab'el Libro Yic Yab'ixal Eb' Rey 8:65

A 'a jun tiempoal cha, uque c'u sna Salomón q'uin̈ yet' smasnil eb' israel 'a yojltac Jehová Dios. Caw wal niwn x'aj eb' 'anma syamn sb'a, xcotn̈j eb' 'a smon̈jonal chon̈b' Hamat, masnto 'a sti a b'eymal a yic smon̈jonal Egipto. A yic xlajw uque c'u q'uin̈ cha, 'ix schan 'el eb' yich uque xo c'u q'uin̈, yuj cha, chan̈lajn̈e c'u xyac' jun q'uin̈ chi yuj eb'.

A Ch'an̈ Schab'il Libro Yic Yab'ixal Eb' Rey 17:24

A sreyl chon̈b' Asiria 'ix 'i'n cot eb' 'anma 'ayc' 'a Babilonia, 'a Cuta, 'a Ava, 'a Hamat, yet' 'a Sefarvaim, 'ix jaw cajn eb' 'a jun tzo'n̈ chon̈b' 'ay 'a yol yic Samaria sjelc eb' israel.

A Ch'an̈ Schab'il Libro Yic Yab'ixal Eb' Rey 17:30

A eb' 'aj Babilonia sb'o eb' yechl Sucot-benot; eb' 'aj Cuta sb'o eb' yechl Nergal; eb' 'aj Hamat sb'o eb' yechl Asima;

A Ch'an̈ Schab'il Libro Yic Yab'ixal Eb' Rey 18:34

¿'Ajtil 'ay chi tztac' yuj sdiosal chon̈b' Hamat, yet' chon̈b' Arfad? ¿'Ajtil 'ay chi tztac' yuj sdiosal chon̈b' Sefarvaim, yet' Hena, yet' eb' 'aj Iva? ¿Toc 'ix colchj 'el chon̈b' Samaria 'a yol sc'ab' sreyl Asiria yuj sdiosal eb'?

A Ch'an̈ Schab'il Libro Yic Yab'ixal Eb' Rey 19:13

A sreyl Hamat, sreyl Arfad, sreyl Sefarvaim, sreyl Hena, yet' sreyl Iva satnc xo 'el eb' smasnil wu'uj, xchi.

2 Cr 26:6

'Ix 'at Ozías yac' owl yet' eb' filisteo, 'ix sma'n 'ejm lan̈chjoc smuroal chon̈b' Gat, Jabnia yet' Asdod. 'Ix sb'on chan̈ jun tzo'n̈ schon̈b' 'a yol smacb'en eb' 'aj Asdod cha, atn 'a scal eb' filisteo.

Jeremías 49:23

'Ix yaln pax Dios yuj eb' 'aj Damasco 'ixtic: A eb' 'aj chon̈b' Hamat yet' Arfad, caw man̈x 'anmac yaj snab'en eb', yujto caw tu sc'och 'ab'x 'a eb'. Caw xniwtj xiwc'ojlal 'a eb', man̈xtzac stac' yajc' eb' 'a tzaljc'ojlal.

Nahúm 3:8

Ex 'aj Nínive, ¿tom yel xo caw wach'x 'a yib'n̈ eb' 'aj Tebas, atn jun chon̈b' 'ayc' 'a sti a Nilo, caw niwn eb' a a 'oyn 'och 'a 'a? 'Icha to a eb' a 'aych scolnb'iloc, 'icha smuroal yajch eb' a'.

A Ch'an̈ B'ab'el Libro Samuel 17:23

A yic wanto spaxtin yet' eb', 'ix 'el paxt win Goliat 'a scal eb' filisteo cha, atn win 'aj chon̈b' Gat. 'Ix syamn 'och sb'uchwj pax 'a eb' israel, 'icha xon tzyac' 'a junjn 'ejem. Ax David 'ix yab' tas xyal winac.

A Ch'an̈ B'ab'el Libro Samuel 17:4

'Ix 'elt jun win soldado yajl 'a'm owl 'a scal eb' filisteo cha, Goliat sb'i winac. Ata cajn 'a chon̈b' Gat, 'aym 'oxe'oc metro stel winac.

A Ch'an̈ B'ab'el Libro Samuel 5:10

Yuj cha, 'ix yi'n eb' filisteo chi te scaxail strato Dios cha, axta x'at ya'x can eb' te 'a chon̈b' Ecrón. Palta ax xyiln eb' 'aj chon̈b' cha, to xc'och te caxa chi ta', 'ix 'el yaw eb' yuj xiwlal, 'ix yaln eb' 'ixtic: 'Ix wul can wal te scaxail strato sDiosal Israel 'a qui calc tic, sec tzon̈ chamc am qui masnil yu'uj, xchi eb'.

A Ch'an̈ B'ab'el Libro Samuel 5:8

Yuj cha, 'ix 'at ya'nc eb' alxoc 'a eb' syajlil eb' filisteo cha, to tzyam sb'a eb' yic tzmol paxtin eb'. 'Ix yaln eb' 'a eb' 'ixtic: —¿Tas wal tzcutjec te scaxail strato sDiosal Israel? xchi eb'. —'Ijec te', tz'at eya'nc can te 'a chon̈b' Gat, xchi eb' yajl chi 'a eb'. Yuj cha, 'ix 'at ya'nc can eb' te 'a jun chon̈b' cha.