Am 6:10 - Chuj San Sebastian Bible

¹⁰ Caw niwquil xiwc'ojlal 'oj jawoc. A wal yic 'oj 'ijxoc 'elt sniwnal eb' chamnc chi 'a yol n̈a yuj eb' yican yic tzn̈usx tz'a'oc, 'oj yaln junc chi 'ixtc 'a junc xo mach tz'ec' 'a yol n̈a cha: ¿'Ayt am junc xo mach 'ayc' et'oc? 'oj xchioc. Ax sta'w jun chi 'a 'ixtic: May mach, 'oj xchioc. Yuj cha, ax yaln win b'ab'l chi 'ixtic: Sictac aj 'an, 'ay smay qui b'inan sb'i Jehová, 'oj xchioc.

Chuj San Mateo Bible

¹⁰ A junoc sc'ab' yoc juntzan̈ chamnac chi' ol ic'anelta snivanil eb' d'a yol pat yic ol tz'aoc, ol yalan d'a yaln̈ej mach aycan d'a yol chi': ¿Aytom mach ayec' ed'oc? xchama. Axo junxo chi' ol tac'voc: Malaj mach, xchama. Ol yalanpax jun ix c'anb'an chi': Tz'in xa chi, axo talaj tz'aji, tzac' b'inaj Jehová, xchama.

Am 6:10 Iomraidhean Croise

A Ch'an̈ Schab'il Libro Yic Yab'ixal Eb' Rey 23:16

A yic 'ix meltzj Josías, xyiln 'at jun tzo'n̈ yet'l xi'lb'a 'a tzalan, 'ix ya'n 'ijxc 'elt jun tzo'n̈ sb'acl chamnc 'anma 'aych 'a yojl cha, 'ix sn̈usntz'a 'a yib'n̈ jun yet'l xajmb'al, sec wach' tzjuwcan 'el yu'uj. 'Ix 'el'ch wal tas yaljnac can jun schecb' Jehová 'a pecti'.

A Ch'an̈ Schab'il Libro Yic Yab'ixal Eb' Rey 6:33

Wanto wal spaxtin Eliseo yet' eb' cha, 'ix c'och win rey yet' win schecb' cha, 'ix yaln win rey 'ixtic: —Wal yel a jun tu tic, a 'a Jehová tzcoti. ¿Tas tzat in tan̈wj 'a 'a, yic tzon̈ scolni? xchi winac.

Jeremías 16:6

'Oj cham eb' 'ichmtac 'anma', yet' eb' cotc 'unn 'a jun nacion̈ tic. May mach 'oj mucn eb', may mach 'oj 'oc' yuj eb'. May mach 'oj 'a'nc lajwc sniwnal, mto sjoxn 'el xil sjolm yuj sch'oxn scusc'ojlal yuj eb'.

Jeremías 44:26

Palta 'ab'c wal e masnil ex 'aj Judá, ex cajn ex 'ec' 'a Egipto tic tas tzyal Jehová 'ayex, yujto tzyal 'ixtic: An wal tzwa'cn in ti', to man̈x 'a junc eb' 'aj Judá tic 'oj in b'inan 'a Egipto tic yic tzya'n sti 'a junc tas.

Jeremías 9:21

A chamel, tox 'ix 'och 'a yol catutec, tox 'ix c'och 'a yol despacho. Tzlaj cham eb' 'unn 'a yoltc caye, ax eb' quelmtac, tzlaj cham eb' 'a yol chon̈ab'.

Ez 20:39

Ex israel, an tzwal 'ayx 'ixtic: Toto caw pit tzeyutj e b'a 'ayin, 'ixquec, 'at alc e b'a 'a jun tzo'n̈ e diosal cha. Palta 'ojquejec 'eli to 'oj c'och stiempoal ax eyaln pax e b'a 'ayin. Man̈x 'oj eyixtc 'el in b'i, yuj eya'n tz'a e xajmb'al 'a jun tzo'n̈ comn dios cha.

Ez 24:21

Al 'a eb' et israelal, to an Jehová in, an 'oj wac' juwc 'el watut, atn jun caw nib'b'il yilxi, nib'b'il pax eyu'uj. Tze b'an̈ e b'a yu'uj, 'icha to a 'aych eyipoc. An̈jtona eb' eyunnal yet' eb' eyisl xcancn eyuj 'a Jerusalén, 'oj cham pax eb' yuj owal, xchi.

Am 5:13

Yuj cha, a eb' jelan sictac xoj tz'aj eb', yujto a jun tiempo tic, caw man̈x 'a sch'olnil.

Am 8:3

A wal yic 'oj wa'nc 'och syailal 'a jun c'ul cha, a b'it tz'och xon 'a yol yatut Dios, a 'oj meltzjoc 'och 'a 'o'lal. Caw niwn 'anma 'oj chamoc. T'occtac xoj 'oj 'ajcn sniwnal eb', ax scan jun lugar tic 'a sictaquil, xchi Jehová.

Nm 17:12

Palta ax eb' israel cha, 'ix yaln eb' 'a Moisés 'ixtic: Toto 'ixta tz'aji, 'oj qui satl ton b'i'an. Qui masnil 'oj qui chami.

A Ch'an̈ B'ab'el Libro Samuel 31:12

'ix smol aln smasnil jun tzo'n̈ eb' winc caw wal matz xiwi. Smasnil 'ac'wl 'ix b'ey eb', 'ix c'och eb' 'a 'aj t'un̈n q'ue sniwnal Saúl chi yet' eb' yunnal 'a smuroal chon̈b' Bet-sán. Xlajw cha, 'ix yi'n 'emt eb' sniwnal eb' cha, 'ix meltzj paxt eb', 'ix c'ochx eb' yet' 'a chon̈b' Jabes. Ata sn̈us eb' sniwnal eb' cha.