Am 5:8 - Chuj San Sebastian Bible

^8-9 Meltzjan̈c 'a Jehová, atn jun b'ojnac jun tzo'n̈ c'anal tzcuch mo'otz, yet' pax jun tzo'n̈ tzcuch ucwan̈. A tz'a'n 'och q'uic'q'uinl 'a sacq'uinlal, a tz'a'n 'och pax sacq'uinl 'a q'uic'q'uinlal. A tz'i'n cot a a 'a a mar, tzlajw cha, tzsecn 'ejm a 'a sat lum lum tic. A tz'a'n lajwc 'el eb' soldado caw wal cob' 'ay yip, tzlajw can 'ejm scuartel eb'. Jehová ton wal sb'i.

Chuj San Mateo Bible

⁸ Meltzajan̈ec d'a Jehová, aton b'oannac q'uen c'anal scuchan Mootz yed' pax q'uen c'anal scuchan Oxd'ilan̈. A pax tz'ac'anoch q'uic'alq'uinal d'a saquilq'uinal, syac'paxoch saquilq'uinal chi' d'a q'uic'alq'uinalil. Aton pax tz'avtan a a' ay d'a a' mar, secanem d'a yib'an̈ lum luum.

Am 5:8 Iomraidhean Croise

Job 12:22

A tz'a'n 'ojcax 'el tas c'ultac yaj yu'uj, ax jun tzo'n̈ tas 'ay 'a scal q'uic'q'uinal, a tz'i'n 'elta, ax 'a scal sacq'uinl tzya'x cani.

Job 37:13

A yet' jun tzo'n̈ chi tztac' ya'n cot Dios yowl sc'ojol, mto yic tzya'n pax swach'c'ojlal 'a sat lum lum tic.

Job 38:34

¿Tzam stac' aln 'a 'asun sec tzya' cot n̈ab'?

Job 9:9

A xb'on jun tzo'n̈ niwc c'anal 'a satcha'an̈, atn eb' tic: Sacb'su'un, Ucwan̈, Mo'otz yet' jun motzn̈ xo c'anal 'ay 'a stojlal sur.

Salmos 104:20

Tza'n jawc q'uic'q'uinl 'a 'ac'wal, ax 'ac'wl cha, a tzpechn 'elt e no calte'al noc'.

Salmos 105:28

'Ix ya' cot Dios jun niwquil q'uic'q'uinl 'a yib'n̈ eb' 'anma smasnil, palta ma'ix schaj eb' 'aj Egipto chi yab' tas xyal cha.

Is 42:16

A eb' matz uj yilni, 'oj wi't eb' 'a jun tzo'n̈ b'e to man̈ yojcoc. A q'uic'q'uinal, sacq'uinl 'oj wutc can 'a yojltac eb', ax wa'n pan̈ljoc eb' lum ch'olctac. Yowlal 'oj wac' 'el'choc jun tzo'n̈ tic 'a eb', ma'oj wactc can eb' schoc'oj.

Is 59:10

Lajn on̈c wal 'icha junc mach matz uj yilni; ton̈j tzmachlj 'aj tz'eq'ui, caw wal chimc'ual tztelwi, 'icha to 'ac'wl 'aj 'ayq'ui. Wach'xam te'n on̈c to calni, palta 'icha to chamnc on̈c xo.

Jeremías 16:21

'Ix yaln Jehová 'ixtic: Yuj cha, jun 'ejmn̈ej 'oj wac' yojcoc 'el eb' in poder. 'Ixta 'oj 'aj snachj 'el yuj eb', to an ton Jehová in, xchi Dios.

Jeremías 33:2

An Jehová in, an xin b'o yolyib'n̈q'uinl tic, xin tojlb'tzan can 'a yet'ul, an tzwal 'ayach:

Am 4:13

'In an b'ojnac eb' lum niwc witz, yet' pax 'ic'. Tzwac' yojcoc 'el eb' 'anma cha tas nab'il wu'uj. An tzin jelmtej 'och sacq'uinl 'a q'uic'q'uinlal, tzin 'ec' pax 'a caw schan̈il yib'n̈ lum lum tic. Jehová Dios tztac' yuj smasnil, 'ixta yalx in b'i, xchi Dios.

Am 8:9

An Jehová in, an tzwal 'ixtc yuj jun c'u 'oj jawc cha: Caw wal chimc'ual, ax wa'n 'och q'uic'q'uinal, yic wach' yem yoc c'u, ax wa'n q'uic'b'oc 'el yolyib'n̈q'uinl tic.

Am 9:6

A Jehová xb'on satcha'an̈, a x'a'n 'ec' jen̈n 'a yib'n̈ lum lum tic. A tz'awtn cot eb' a cotc a 'a a mar, tzya'n 'ejm secnjoc a 'a yib'n̈ lum lum tic. Jehová ton wal sb'i.

Mt 4:16

A eb' 'anma cha, wan sb'ey eb' 'a scal q'uic'q'uinal, palta 'oj yil eb' sjaw jun niwquil sacq'uinl 'a scal. A jun sacq'uinl cha, 'oj c'och tzicnjoc yoc 'a scal eb' 'icha to chamnc 'a scal q'uic'q'uinl cha, xchi Isaías 'a Ch'an̈ Un̈ cha.

Lc 1:79

Ax ya'n sacq'uinl 'a eb' 'ay 'a scal q'uic'q'uinal, atn eb' wan s'at 'a chamel. A 'oj ch'oxnc pax 'ayn̈ec, tas tzcutjec qui b'eyb'al, sec junc'ojlal tzon̈ 'ajc yet'oc, xchi win Zacarías cha.