Am 5:25 - Chuj San Sebastian Bible

²⁵ Ex israel, a wal yic yec' eb' e mam eyichm chawinc ab'il 'a lum cusltac lu'um, caw man̈oc 'ayn ya'jnac tz'a eb' xajmb'al yet' yofrenda.

Chuj San Mateo Bible

²⁵ A ex val tic ex israel, a d'a 40 ab'il ec'nac eb' e mam eyicham d'a lum tz'inan luum. ¿Tocval a d'ayin sn̈usnac silab' eb' yed' ofrenda ta'?

Am 5:25 Iomraidhean Croise

Nehemías 9:18

An̈jtona', a yic 'ix sb'on eb' jun yechl wacx tenb'il b'o'oc, xyaln eb' 'ixtic, atn jun qui diosalec tic on̈ 'i'nec 'elt 'a Egipto, xchi eb'. Caw wal niwquil smul eb' xya'chi, yajb'entac xyutj sb'a eb',

Nehemías 9:21

'Ix ac' tas tzc'ux eb' 'a lum cusltac lum 'a chawinc ab'il. May junc tas xyac' palta 'a eb', may 'aj x'ichmax spichl eb', may 'aj xmal yoc eb' sb'eyi.

Ez 20:16

Yujto ma'ix syiclj eb' in ley yet' in checnb'il, ma'ix syiclj pax eb' sc'ul 'iljelal to wic yaji, an̈j 'a jun tzo'n̈ yechl comn dios 'aych snab'en eb'.

Ez 20:24

Yujto ma'ix sb'eylb'ej eb' in ley yet' in checnb'il, ma'ix syiclj eb' sc'ul 'iljelal to wic yaji, 'ix ya'n 'och eb' snab'en 'a jun tzo'n̈ sdiosal smam yicham,

Ez 20:8

Palta 'ix meltzj 'och eb' 'ajc'ojlal 'ayin. Ma'ix syiclj eb' tas xwala, ma'ix sjulcn 'el eb' jun tzo'n̈ yechl to yajb'entac cha, ma'ix yactj can eb' jun tzo'n̈ yechl sdiosal eb' 'aj Egipto. Yuj cha, 'ix walni to tzwac' syailal eb', yic tzwi'n 'el yowl in c'ojl 'a yib'n̈ eb' 'a Egipto cha.

Lv 17:7

Man̈x 'a wal b'a'n̈ tzeyac' e xajmb'al 'a eb' demonio, atn jun tzo'n̈ 'aj eya'jnac 'ejm e b'a. Yujn̈ej ton jun tzo'n̈ cha, yoch e mul. A jun tic ley tz'ajcn 'a e cal 'a smasnil tiempo, yet' 'a eb' eyin̈tl b'aq'uin̈.

Zacarías 7:5

Al 'ixtc 'a smasnil eb' 'anma 'a jun nacion̈ tic, yet' 'a eb' ya'mal 'och sti eb' 'ayin: Ax tic, 'ayx 70 ab'il xo e c'ojl e b'eylb'an eya'n 'och te pichl n̈achtac yic cusc'ojlal, yic tzex 'och pax 'a c'ajb'c'ojlal 'a yotquil 'uj yet' 'a yucl 'uj 'a junjn ab'il, palta ¿tom yujto 'ay wel'ch 'a e sat, yuj cha, tze b'on jun tzo'n̈ cha?

Josué 24:14

—Ax ticnec jun, 'ay cab' e xiwc'ojlal 'a Jehová yuj smasnil jun tzo'n̈ tic. 'A'c servil yet' wal smasnil e c'ojol. 'Ijec 'el jun tzo'n̈ comn dios 'a e cal, atn jun tzo'n̈ ya'jnac servil eb' qui mam quichmec, jun tzo'n̈ 'ayc' 'a sc'axpil 'ec' a Eufrates, yet' 'a Egipto. Cojn cab' Jehová tzeyac' servil.