Am 5:14 - Chuj San Sebastian Bible

¹⁴ Man̈ e b'o maysch'olnil, b'oc tas wach' sec ma'oj e chami. Toto 'ixta', a Jehová Dios tztac' yuj smasnil, a 'oj 'ochn̈j eyet'oc, 'icha wal tzeyutj eyaln cob' cha.

Chuj San Mateo Bible

¹⁴ Man̈xo e c'ulej chucal. A vach'il tze c'ulej yic vach' man̈ ol ex chamoc. Tato icha chi', a Jehová Yajal d'a Smasanil, d'a val yel ol ajn̈ejec' eyed'oc, icha tz'aj eyalan chi'.

Am 5:14 Iomraidhean Croise

Gn 39:23

Man̈x 'a jac tas tzna win tan̈m preso cha, yic tzya'n cuenta win eb' 'aych 'a preso, yujto 'aycn 'och eb' smasnil 'a yol sc'ab' José. 'Aych Jehová yet' José, yuj cha, caw wach' x'aj 'el'ch smasnil tas tzb'o'o.

1 Cr 28:20

¡'Ac' ep, te'n tzotj a b'a, 'och cab' munljel! Man̈ ach xiwoc, man̈ a chab'c'ojloc a b'a, yujto a Jehová qui Diosal a 'oj 'ochn̈j et'oc. Ma'oj ach yactcani, masnto 'oj lajwc c'och smasnil munljel 'oj 'a b'o 'a yatut Jehová cha.

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 97:10

An̈ec tzqui chamc'ojlej Jehová, qui yajc can 'el maysch'olnil. A eb' yiclum tzyutj sb'a 'a 'a, 'oj tan̈wxoc eb' yu'uj, a 'oj colnc 'el eb' 'a yol sc'ab' eb' tu snab'en cha.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Pr 11:27

A eb' tzb'on tas wach', a swach'c'ojlal eb' 'anma tz'ilchj yuj eb'; ax eb' to a maysch'olnil tzsayq'ui, 'oj yamchjoc eb' yuj stul cha.

Is 55:2

¿Tas yuj tze comn lajj e tumn 'a tas to matz c'uxxi? ¿Tas yuj tze comn lajj e tumn 'a tas to matz b'ut'j e c'ojl yu'uj? Tzcham wal eyab'n tas 'oj wal 'ayex: Toto yiclum tzeyutj e b'a 'ayin, 'oj wac' e c'ux tas wach', 'oj e b'ut'j wal si'mb'il.

Is 8:10

'Oj cob' e mol aloc tas 'oj eyutc e b'a, palta ma'oj scha sb'a eyalni; 'oj cob' eya'ch 'a yoclemal tas 'oj e b'o', palta ma'oj stac' eyu'uj, yujto 'ayc' Dios quet' on̈.

Am 3:3

Toto 'ay chawn̈oc 'anma moln sb'eyi, tzyal 'el'chi, to wach' yaj eb'.

Am 5:6

Ex wit israelal, meltzjan̈c 'a Jehová, sec ma'oj e chami. Toto ma'ay, 'oj ya' cot c'ac' 'a yib'n̈ smasnil qui macb'enec. May junc dios 'a Bet-el 'oj stac' ya'n tupoc.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Miqueas 6:8

Xin pacn 'ixtc 'a eb': Ex wit chon̈ab', tox 'ix yal Jehová tas wach' 'a sat yet' tas tznib'j 'ayn̈ec, atn jun tzo'n̈ tic: Yowlal tojl tzcutjec qui b'a, 'ay cab' qui chamc'ojlalec 'a eb' quit 'anma'il. 'Emmquilal pax tzcutjec qui yiclni 'a qui Diosal.

Sofonías 2:3

'A'c 'och e b'a 'a yol sc'ab' Jehová e masnil, ax 'emmquilal tzeyutj e b'a eyiclni tojlal 'a yolyib'n̈q'uinl tic. B'oc stojlal, yet' pax 'emmquilal, sec toq'ue 'oj e colchj 'a yic 'oj jawc jun c'u yic 'oj ya'nc Jehová yowl sc'ojol.

Nm 16:3

Syamn sb'a eb' smasnil, xlajw cha, xc'och eb' 'a Moisés yet' 'a Aarón xyaln eb' 'ixtic: ¡Colb' xo wal eyi'n chan̈ e b'a tic! Yujto qui masnil, yic xo Dios cajec, 'ayc' Jehová 'a qui calc qui masnil. ¿Tas yuj tzeyij chan̈ e b'a yajlilal 'a yib'n̈ schon̈b' Dios tic? xchi eb'.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.

2 Ti 4:22

Tzin nib'j 'aych Cajlil Jesucristo et'oc. Ya' cab' Dios swach'c'ojlal 'ayx e masnil ta'. [Ya' cab'i'.]

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.