Am 5:1 - Chuj San Sebastian Bible

¹ Ex wit israelal, 'ab'c wal in paxti yic cusc'ojlal tzwalcn 'el 'a eyib'an̈:

Chuj San Mateo Bible

¹ Ex vetisraelal, ab'ec val in lolonel yic cusc'olal svalcanel d'a eyib'an̈:

Am 5:1 Iomraidhean Croise

Jeremías 18:13

Xlajw cha, 'ix yaln pax Jehová 'ixtic: C'anb'j 'ec' 'a scal jun tzo'n̈ nacion̈, toto 'ay 'aj tox 'ix 'ab'x jun tzo'n̈oc paxti 'icha jun tic. A eb' et israelal tic, 'ay wal jun tas yel xo tu 'ix sb'o eb'.

Jeremías 7:29

¡Ex 'aj Jerusalén, joxc 'el xil e jolm yuj cusc'ojlal, tze juln can 'eli! ¡'Ixquec 'a lum tzalctac to caw cusltac, tze b'itnan jun tzo'n̈ b'it yic cusc'ojlal! Yujto an Jehová in, caw xcot wowl 'ayex, tox ex wactj cani, xchi Dios.

Jeremías 9:10

'Ix waln an Jeremías in tic 'ixtic: Caw tzin 'oc' yuj eb' lum jolmctac witz, tzin cus yuj eb' lum 'a'lic 'aj wach' swa e cajb'en noc', yujto 'ix tz'a smasnil, man̈x 'a mach tztac' sb'eyc' ta'. Man̈x 'a junc wacx tz'el yaw; an̈jtona e no ch'ic yet' e no calte'al noc', 'ix 'at e no 'elc smasnil, xin chi.

Jeremías 9:17

A Jehová tztac' yuj smasnil, a tzaln 'ixtic: Macljec eyab' tas 'oj wala', 'a'c 'awtxoc cot eb' 'ix 'ix to tojb'il yoc' yuj eb' chamnac, atn eb' 'ix to 'aycn 'och 'a yib'n̈ yoq'ui, xchi.

Jeremías 9:20

Ex 'ix, macljec eyab' spaxti Jehová, 'a'c wal 'och e chicn 'a scuynb'il. Cuyc eb' 'ix eyune yoc' yuj cusc'ojlal, tzeyaln pax 'a eb' e wach'c'ojol, 'o' cab' eb' yuj chaml tzlaj uji.

Jeremías 9:9

¿Tom man̈ smojc wa'n syailal eb' yuj tas tzb'o cha? An Jehová in, an tzwala, to caw smoj wa'n spac 'a junc chon̈b' 'ixta tzb'o'o, xchi Dios.

Ez 19:1

Ach 'anma', b'itnej jun b'it yic cusc'ojlal tic 'a yib'n̈ eb' sreyl chon̈b' Israel, tzaln 'ixtic:

Ez 19:14

A eb' te sc'ab' cha, 'aych can c'ac' 'a eb' te', yuj cha, a yic tzcob' wolnc te', ax jun c'ac' chi tzn̈usn pax te swol chi yet' te sat cha. Man̈x 'a te sc'ab' chi wach' yoch sc'occhoc eb' rey, xa chi, xchi Dios 'ayn an Ezequiel in tic. (A jun b'it tic, yic cusc'ojlal. A yic 'ay cusc'ojlal ata smoj sb'itnaxi.)

Ez 26:17

'Oj sb'o eb' jun sb'it yic chamel, ax yaln eb' 'ixtic: Ach Tiro tas ach 'aj a lajw 'ejmi, ach sat 'ejm 'a et'l 'a sti a mar, caw wal b'inab'il ach, caw jeln eb' 'anma chi smasnil, caw tzxiw jun tzo'n̈ xo eb' chon̈b' cajn 'a sti a mar cha.

Ez 27:2

Ach 'anma', b'itnej jun b'it tic 'ixtc 'a yib'n̈ chon̈b' Tiro.

Ez 28:12

Ach 'anma', b'itnej junc b'it yic chaml tic 'a yib'n̈ win sreyl Tiro, to an Jehová in, an tzwal 'ixtic: Ach tic, caw wal jeln ach, caw 'ay a nab'en, caw wach' pax elxi.

Ez 32:16

A jun tic b'it yic chamel, 'oj sb'itnoc eb' 'ix 'ix 'a jun tzo'n̈ xo nacion̈, yic 'oj 'oc' eb' 'ix yuj Egipto, yuj pax eb' 'anma 'oj chamoc. An tzwal jun tzo'n̈ tic, xchi Dios.

Ez 32:2

Ach 'anma', a ticnec b'itnej jun b'it yic chaml tic 'ixtc 'a yib'n̈ win sreyl Egipto: Ach faraón, lajn ach 'icha junc no quelm león 'ay 'a scal jun tzo'n̈ xo nacion̈; lajn ach pax 'icha junc no niwquil noc' 'ay 'a yojl a mar; tzach b'alb'n 'ec' 'a yojl eb' a b'eymal a', ax oc tzma'n tatb'oc a'.

Am 3:1

Ex wit israelal, 'ab'c wal tas tzyal Jehová, atn jun 'ijnac 'elt eb' qui mam quichmec 'a Egipto, a tzaln 'ixtic:

Am 4:1

Ex 'ix to caw wal b'a'ch ex 'icha no wacx wach' yajx servil, ex to cajnex 'a lum stzalnil Samaria, 'ab'c wal jun tic. Caw tze yixtj eb' meb'a', yet' eb' 'oltac yilx 'ochi. Tzeyaln 'a eb' eyichmil 'ixtic: 'Ijec cot te 'an̈, to tzcu'jec te', xe chi 'a eb'.

Am 5:16

A Jehová Dios tztac' yuj smasnil, a tzaln 'ixtic: A 'a smasnil yoltc chon̈ab', caw 'oj 'och cuslal, ax yoch 'aw 'a yol caye yuj yailal. 'Oj 'awtxoc cot eb' munljum, sec tzjaw eb' 'oc'oc yet' eb' yopiso xon yaj 'a jun 'o'l cha.

Am 8:14

'Ixta wal 'oj 'aj eb' tz'a'n sti 'a jun tzo'n̈ yechl q'uixweltac yilx 'ay 'a Samaria, atn eb' tzaln 'ixtic: Tzwac' in ti 'a sb'i sdiosal eb' 'aj Dan, mto 'a sb'i sdiosal eb' 'aj Beerseba, xchi eb'. Yuj wal jun cha, man̈x 'a b'a'n̈ 'oj q'uex wan eb', xchi Dios.

Miqueas 2:4

A 'a yic jun c'ul cha, 'oj stz'ac b'itnc sb'a eb' 'ajc'ojl yuj ex sb'uchni. 'Oj yal eb' 'ixtic: A wal ticnec, caw wal on̈ lajwec 'el 'a jun 'ejmn̈ej, a qui chon̈b'ec to yic Jehová yaji, caw xjelmj mach 'ay yico'. Man̈x 'a mach tztac' stenn 'och wa'an. A eb' on̈ lajnec 'el cha, tox 'ix spojc' eb' qui lumec 'a 'a, 'oj schic eb' 'a sb'it cha, xchi Dios.