Am 4:7 - Chuj San Sebastian Bible

⁷ 'Ix wi'n pax 'och wan n̈ab' 'a 'oxe 'ujal yic mantzac 'el-l sat eyawb'en. 'Ix wac' 'ejmc n̈ab' 'a yib'n̈ junc chon̈ab', ax 'a junc xo, ma'ay, 'ay 'aj xyac' n̈ab' cha, 'ay pax 'aj ma'ay, yuj cha, xtacj chan̈ 'awb'en.

Chuj San Mateo Bible

⁷ Ix vac'anoch vaan n̈ab' d'a oxe' ujal ayic manto elul sat eyavb'en. Ix yac' n̈ab' d'a jun chon̈ab', axo d'a junxo, maay. Ay b'aj ix yac' n̈ab' chi', ay b'aj maay, yuj chi' ix tacjiel masanil eyavb'en.

Am 4:7 Iomraidhean Croise

Ex 10:22

'Ix yi'n chan̈ Moisés sc'ab' 'a satcha'an̈. Yuj cha, 'ix jaw jun niwquil q'uic'q'uinl 'a yol yic Egipto smasnil.

Ex 10:23

'Oxe c'u x'och q'uic'q'uinl cha, man̈xtzac stac' yil-lan 'och sb'a eb' 'anma yet' eb' 'ayc' 'a stz'ey, man̈xtzac stac' sb'eyc' eb'. Ax 'a yol yic Gosén, caw wal 'ay sacq'uinal, atn 'a 'aj cajn eb' israel cha.

Ex 8:22

A yic 'oj ujc jun cha, may junc no tzac' chi 'oj 'ec' 'a yol yic Gosén, 'a 'aj 'ayc' eb' in chon̈ab'. 'Ixta wal 'oj 'aj ojcan 'eli to an Jehová in, to 'aynn̈ej 'ec' 'a smasnil yolyib'n̈q'uinl tic.

Ex 9:26

Palta ax 'a lum Gosén, 'a 'aj cajn eb' israel cha, may xon jun c'otc q'uen sacb'at chi 'ix 'ejm ta'.

Ex 9:4

Cojn no e cajb'en noc' chi 'oj chamoc, ax pax no scajb'en noc' eb' israel, may junc no 'oj chamoc, xchi Jehová, xa chi, xchi Dios.

Is 5:6

'Oj can 'a cusltacl wu'uj, may xon mach 'oj mesnoc 'el te sc'ab', may mach 'oj 'i'nc 'el ya'nil, 'oj q'uib'x chan̈ sc'ultcal, nab'a q'uix 'oj 'ajoc. Ax waln 'a 'asun, to man̈xtzac yac' cot n̈ab' 'a yib'n̈ jun lum cha, xchi win 'aj munljel cha.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Jeremías 14:3

A eb' rico, tzcob' schecb't eb' smoso 'at yic ya'al, tz'at eb' 'at yil a 'a yojl jun tzo'n̈ niwc xab', palta may a tz'ilchj yuj eb', yuj cha, tzmeltzj eb' yet' sch'ub' to may a 'a yojol. Caw tzmac eb' sat yec' yuj q'uixwc'ojlal.

Jeremías 14:4

Caw tzjat lum lu'um, yujto may n̈ab'. Yuj cha, a eb' munljum, caw tzsat sc'ojl eb', tzmac eb' sat yeq'ui.

Jeremías 3:3

Yuj wal e mul cha, x'och wan ya'n n̈ab' 'a stiempoal. Caw lajn yilx 'och e sat 'icha junc 'ix 'ajmul 'ix. ¡Caw matz eyec q'uixwc e b'a!

Jl 2:23

E masnil ax cajn ex 'a Sión, tzaljan̈ec. Tzaljan̈c 'a Jehová qui Diosal, yujto 'oj ya'x cot n̈ab'lq'uinl 'a 'ayn̈ec 'a 'icha stiempoal, atn b'ab'l n̈ab', yet' schab'l n̈ab', 'icha tzyac' xon 'a yaln̈taxi.

Zacarías 14:17

Toto 'ay junc nacion̈ 'a smasnil yolyib'n̈q'uinal, to ma'oj jawc 'a Jerusalén, yic tzwul ya'nc 'emmquilal 'a jun Rey cha, atn Jehová tztac' yuj smasnil. To 'ixta', man̈x 'oj yac' n̈ab' 'a yib'n̈ slu'um.

Jn 4:35

Ax tic, tzeyal 'ixtic: Chan̈e to 'uj sjaw stiempoal jach'oj, xe chi. Palta an tzwal 'ayex: 'Iltec, tox 'ix jaw stiempoal jach'oj. Palta wan waln yuj eb' tot 'oj in chani.

1 Co 4:7

May junc on̈ tztac' qui b'an̈n qui b'a, yujto lajnn̈ej quel'chec qui masnil. Tzann̈j tas tztac' cujec, yujto a Dios tz'a'n 'ayn̈ec. Yuj cha, matz tac' qui b'an̈nec qui b'a yu'uj. Matz tac' calnec, to mun quiquec, yujto a Dios tz'a'n 'ayn̈ec.

Dt 11:17

toto 'ixta tzeyutj e b'a, 'oj cot yowl sc'ojl Jehová 'a eyib'an̈. Man̈x 'oj ya' cot n̈ab' 'a stiempoal. Ax lum lum cha, man̈x 'oj yac' lum sb'a'al, ax e cham yuj wejel. 'Ixta wal 'oj eyaj 'a sat lum lum caw wach' cha, lum 'oj yac' Jehová eyico'oc cha.

Santiago 5:17

A 'e'nc Elías 'a pecti', 'anman̈ej win 'icha on̈c tic. A yic sleslwi 'a smasnil sc'ojol, sec matz yac' n̈ab', nan̈l schan̈l ab'il man̈x 'ic yac' n̈ab' yu'uj.

Apoc 11:6

A eb' testigo cha, 'ay spoder eb' smacn 'och wan n̈ab', sec man̈xtzac yac' n̈ab' yic tz'ec' yalnc 'el eb' spaxti Dios. 'Ay pax spoder eb' ya'n 'och a a chic'al. Tzta'n̈j ya'n 'och eb' tzann̈j yailal 'a yolyib'n̈q'uinal, a tzyala 'aj tznib'j eb'.