Am 4:12 - Chuj San Sebastian Bible

¹² 'Ixta wal 'oj ex wutc ex israel, 'a'c lista e b'a, yujto 'oj eyil-lac 'och e sat wet' an e Diosal in tic. ¿Tom 'oj e techj 'ayin?

Chuj San Mateo Bible

¹² Icha chi' ol ex vutej ex aj Israel. Yuj chi' b'oec e b'a, yujto ol eyil-laj och e sat ved'oc a in e Diosal in tic.

Am 4:12 Iomraidhean Croise

Is 32:11

Ax wal ax may tas tze na tic, xiwn̈ec cha'an̈, 'ijec 'el e pichl wach't 'aych eyu'uj; 'a'c 'och e pichl to n̈achtac sat, yic tze ch'oxn 'eli, to 'ayx 'och eyailal.

Is 47:3

'Ilx cab' a niwnal jitn 'el cha, checlj cab' a niwnal to q'uixweltac yilxi. A jun chi 'oj wac' spacc 'ayach, may junc mach 'oj stac' ach scolni, xchi Dios.

Is 64:2

'Icha tz'aj xej a a 'a yol xalu, yic caw ow tz'ajch sc'aq'uil, 'ixta cab' yib'x eb' nacion̈ 'a ojltac, toto 'ixta', 'oj nachjoc 'el yuj eb' 'ajc'ojl yajch 'ayach to niwn a poder.

Jeremías 5:22

An Jehová in, an tzwala: Ax tic, caw may jac wel'ch 'a e sat, matz ex xiw xon jac 'ayin. An in b'ojnac 'ejm q'uen arena smacnb'ilc stitc a mar, sec matz 'e't a 'a yib'n̈ q'ue'en. Wach'xam caw ow sq'ue wan chel-loc a', wach'xam caw ow yib'x sat a', palta matz 'ec' a 'a yib'n̈ jun cha. Wach'xam 'ixta in yet' in poder, palta caw matz ex xiw jac 'ayin.

Ez 13:5

Mant 'a xon jac tas tzb'o eb' yic tzcolchj chon̈b' Israel, sec ax yic tzin jaw an Jehová in wul wac' owl 'a jun chon̈b' cha, 'oj colchjoc 'el eb' yu'uj.

Ez 22:30

'Ix cob' in sayc' 'a scal eb', lemb'il 'ay junc mach tztew to 'ayn yuj jun chon̈b' cha, sec matz in satli, palta may junc x'ilchj wu'uj.

Os 13:8

'Oj welt jomnjoc 'a e sat 'icha junc no snun oso tz'ijx 'el yune 'a 'a, 'oj ex in ch'iychtoc can ta', 'icha tzyutj no león, mto 'icha tzyutj junc xo no calte'al noc' sch'iychtan schib'ej.

Am 2:14

A 'a yic jun c'ul cha, a eb' jeln xon sb'eyi, man̈x 'oj stac' s'at eb' 'eloc, a eb' caw 'ay yip, man̈x 'a jac yip eb' ta', a eb' soldado caw tec'an, man̈x 'oj colchjoc eb'.

Mt 24:44

Yuj cha, an̈jtona 'ex, caw lista tzeyutj e b'a, yujto a yic tze na'a to matz in jawi, lemb'il ata 'oj in jawi.

Mt 5:25

Q'uinloc 'ay junc mach tzex 'a'n queja, tzex yi'n 'at 'a win juez. Yic wan e 'at yet' 'a yol b'e, caw tze b'o yaj yet'oc, sec man̈x 'oj 'at ex ya'ch 'a yol sc'ab' winac. Yujto a win juez chi 'oj eya'n 'och 'a yol sc'ab' eb' policía, ax eb' 'oj eya'n 'och 'a preso.

Apoc 3:3

Yuj cha, nac cot jun tzo'n̈ cuynb'il 'aj eya'jnac 'och e c'ojl 'a yic yalan̈. Nac e b'a, 'a'c pax 'och e nab'en jun 'ejm xo 'a 'a. Toto matz e b'o e b'eyb'al, 'oj in c'och 'ayex. 'Icha sc'och junc 'elc'um, may mach 'ojtnac, janc' tzc'ochi, 'ixta 'oj in c'och 'ayex.