Am 3:15 - Chuj San Sebastian Bible

¹⁵ An Jehová in, an tzwala, 'oj in mac' lan̈chjoc jun tzo'n̈ n̈a tzc'anlb'ax 'a yic stiempoal si'ic, yet' jun tzo'n̈ tzc'anx 'a yic stiempoal c'ac'. 'Oj in mac' lan̈chjoc jun tzo'n̈ n̈a 'aych q'uen marfil yelwnub'loc, atn jun tzo'n̈ niwc n̈a, xchi Dios.

Chuj San Mateo Bible

¹⁵ A in Jehová in svala', ol vac' lajvoquem pat sc'anchaj d'a stiempoal siic yed' juntzan̈ sc'anchaj d'a stiempoal c'ac'. Ol vac' lajvoc masanil juntzan̈ pat ayoch q'uen marfil yelvanub'oc, ol in juanb'at juntzan̈ nivac pat chi', xchi.

Am 3:15 Iomraidhean Croise

A Ch'an̈ B'ab'el Libro Yic Yab'ixal Eb' Rey 22:39

A jancto yab'xil smasnil tas sb'o win Acab, yet' yab'xil jun yatut win sb'o'o, atn jun nab'a marfil, yet' pax yab'xil jun tzo'n̈ chon̈b' xlaj sb'o win smuroal, ata tz'ib'b'il 'a ch'an̈ libro yic yab'xil eb' sreyl chon̈b' Israel.

Salmos 45:8

Smasnil a pichul, caw tz'ec' sjab' yet' sperjumail te mirra, te áloe, yet' yic te canela. A son 'aych sch'an̈il a tz'a'n tzaljc'ojlal 'aych 'a atut 'aj tzac' yajlil, jun to nab'a marfil 'aych yelwnub'loc.

Is 5:9

A Jehová tztac' yuj smasnil, a 'ix 'a'n alxc 'ayn 'ixtic: A jun tzo'n̈ n̈a cha, toxn̈ej to niwac, mto caw wach' yilxi, palta 'oj can 'a sictaquil. Man̈x 'a mach 'oj cajnc eb' te'.

Jeremías 36:22

Yujto sb'aln̈il xo 'uj 'a jun ab'il cha, yuj cha, 'ayc' win rey chi 'a scuarto 'a 'aj tz'aj win 'a yic stiempoal si'ic, ax 'a yojltac winac, ata 'aych jun yet'l stzac'ac' caw tzn̈ilchj c'ac' 'a yojol.

Am 2:5

Yuj cha, 'oj wac' n̈usxoc tz'a Judá, ax jun c'ac' chi 'oj satnc 'el jun tzo'n̈ cuartel 'a Jerusalén, xchi Jehová.

Am 3:11

Yuj cha, tzyaln pax Jehová Dios 'ixtic: 'Ay jun 'ajc'ojl 'oj jawoc, 'oj 'och oyn 'a snacion̈ eb' tic, 'oj sma'cn lan̈chjoc scuartel eb', ax yi'n pax 'elt smasnil tas 'ay 'a yol sdespacho eb', xchi.

Am 5:11

Caw tzeyixtj eb' meb'a', tzeyi'n 'ec' strigo eb' 'anma 'a nab'an̈ej. Yuj cha, ma'oj stac' eyaj cajn 'a eyatut to nab'a q'uen xeyutj e b'oni. Man̈x 'oj eyuc' pax yalil te uva man̈x jantcoc sja'l yaj eyawni.

Am 6:11

Yujto 'oj yac' Jehová ma'xoc 'ejm smasnil niwc n̈a yet' eb' te cotc n̈a, c'uxn 'oj satl smasnil.

Malaquías 1:4

Toto a eb' edomita yin̈tl Esaú a eb' tzaln 'ixtic: Wach'xam on̈ lajwec 'eli, palta 'oj qui b'oc pax chan̈ qui chon̈b'ec tic jun 'ejm xo, toto xchi eb', wach'xam tzb'ox chan̈ eb' schon̈ab', palta an 'oj in ma'x lan̈chjoc jun 'ejm xo. A snacion̈ eb' cha, 'oj yal eb' 'anma yuj 'ixtic: A jun nacion̈ tic, caw wal maysch'olnil, 'ayn̈j 'och pax yowl sc'ojl Jehová 'a yib'an̈, 'oj xchic eb'.

Jueces 3:20

Ax yic xcan Aod sch'ocj yet' Eglón, 'ix snitzn 'och sb'a 'a stz'ey winac, wocn 'ejm win 'a yol jun cuarto siclab'nac yojol, ata 'ay 'a cha'an̈. 'Ix yaln 'a win 'ixtic: —'Ay jun spaxti Dios 'oj wal 'ayach, xchi. Ax yic xyab'n win Eglón jun cha, 'ix q'ue wan win 'a yol xila.