Am 3:10 - Chuj San Sebastian Bible

¹⁰ A Jehová a tzaln 'ixtic: Caw man̈ yojcoc eb' sb'on jac tas tojol. A 'a yol yatut eb', ata molb'il tas ton̈j tzyij 'ec' eb' 'a eb' 'anma', xchi.

Chuj San Mateo Bible

¹⁰ A Jehová tz'alan icha tic: Man̈ yojtacoc jab'oc eb' sc'ulan tojolal. D'a yoltac spat eb' ay masanil tas ton̈ej syiq'uec' eb' d'a anima, xchi Jehová chi'.

Am 3:10 Iomraidhean Croise

Salmos 14:4

Caw may snab'en eb' tzb'on maysch'olnil, atn eb' tzsatn 'el eb' wit chon̈ab'. 'Icha tz'aj junc tas tzc'uxxi, 'ixta tz'aj eb' yuj eb', matz yal pax sb'a eb' 'a Dios.

Pr 1:13

sec 'ixta 'oj cutquec qui'n can 'ec' smasnil sricoal, ax ca'nec b'ut'joc catutec yet' smasnil tas 'oj quelq'uec cha.

Pr 11:16

A 'ix 'ix wach' snab'en, caw tz'ijx chan̈ sb'i 'ix, ax win winc amancotan, tzyac' ganar stumin, palta patcab'il 'eli.

Pr 28:5

A eb' 'anma maysch'olnil, toc tznachj 'el tas tojl yuj eb', ax pax eb' tzya'ch sb'a yico'oc Jehová, tznachj 'el yuj eb'.

Ec 4:1

'Ix wa'n 'at in nab'en 'a jantc tz'aj eb' 'anma yixtx 'a yolyib'n̈q'uinl tic. 'Ix wilni to caw wal tz'oc' eb', palta may mach tz'a'n sniwnal sc'ojl eb', yujto a eb' 'ay yopiso cha, a eb' tz'ixtn eb' yit 'anmal cha.

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

Jeremías 5:4

An tic, xin na 'ixtic: Cojn am eb' meb'a', eb' may tas tztac' yu'uj, cojn am eb' 'ixta tzyutj sb'a yuj sman̈ nab'enal, yujto man̈ yojcoc eb' tas tznib'j Jehová sDiosal eb' 'a 'a, yet' tas tzyala.

Ez 18:7

May mach tzcomn 'ixtej, a mach 'ay sb'oc 'a 'a, tzyac' meltzjoc tas 'aycn yuj sb'oc cha. May 'aj tz'och 'elc'al; a eb' tz'och swejel tzyac' tas tzc'ux eb', tzpichn eb' 'anma may spichul.

Ez 22:29

A eb' 'anma 'a jun chon̈b' cha, cojxn maysch'olnil tzb'o eb', tz'elc'w eb'; tz'ixtx eb' meb'a 'anma yuj eb', yet' eb' 'ay tas sc'a'l tz'och yu'uj, tz'ixtx pax eb' chuc chon̈b'al cajn 'a scal eb'.

Ez 8:17

'Ix yaln pax 'ixtc 'ayin: Ach 'anma', 'ix el am wal tas tzb'o eb' 'anma tic. Man̈ cojnoc 'a chon̈b' Judá 'aj tzb'o eb' tas yajb'entac tic, palta to xb'ut'j 'el lum lum tic yuj smaysch'olnilal eb', 'icha to xc'och sjab' smul eb' chi 'a in n̈i', yuj cha, tzuntzn cot wal eb' yowl in c'ojol.

Os 7:1

ata tznachj 'el smul eb' wu'uj, yet' smaysch'olnilal eb'. Yujto jun lajn xoj tzb'eylb'ej eb' 'a'm 'esal. 'Elc'm eb' smasnil. Tojln̈ej yoch eb' 'a yoltc n̈a. Tzlaj 'elc'w pax eb' 'a yoltc caye 'a eb' 'anma'.

Am 4:1

Ex 'ix to caw wal b'a'ch ex 'icha no wacx wach' yajx servil, ex to cajnex 'a lum stzalnil Samaria, 'ab'c wal jun tic. Caw tze yixtj eb' meb'a', yet' eb' 'oltac yilx 'ochi. Tzeyaln 'a eb' eyichmil 'ixtic: 'Ijec cot te 'an̈, to tzcu'jec te', xe chi 'a eb'.

Am 5:7

Ax wal ax tic tze jelmtej 'och tojlal 'a maysch'olnil, 'oltacx wali, caw man̈ wach'c tzeyutj e b'on yaj eb' 'anma'.

Am 6:12

¿Tom tztac' sb'ey q'ue no chej 'a sat tenam? ¿Tom tztac' yoch munljel 'a yib'n̈ a mar yet' q'uen arado? Palta ax xo tic, xe jelmtej 'och tojlal 'a 'ixtj 'anma'il, caw tu tzyab' eb' 'anma yuj tas tzeyutj e b'on yaj eb'.

Am 6:3

Ax tic matz e na wal jab'oc, toto wan sjaw jun c'u yic yailal. Palta yuj tas tze b'o'o, yuj cha, tzla'nb'i e q'uinal.

Am 6:8

A Jehová tztac' yuj smasnil, sloc sb'i yic xya'n sti', 'ix yaln 'ixtic: Caw wal tzin yaj sb'an̈quintacl eb' yin̈tl Jacob tic, matz chaj in c'ojl jun tzo'n̈ sniwc despacho eb'. Yuj cha, 'oj wa'ch jun chon̈b' tic 'a yol sc'ab' eb' 'ajc'ojol, yet' smasnil tas 'ay 'a 'a, xchi Dios.

Miqueas 6:10

A 'a yatut eb' maysch'olnil sb'eyb'al, til wal ricoal 'ayq'ui, ata tzyij eb' 'a spatc maysch'olnil, ¿tom 'oj 'at satc'ojlal jun tzo'n̈ tic wu'uj? 'Ixta pax jun tzo'n̈ 'echtab' man̈ tz'acnoc, caw yajb'il 'el wu'uj.

Sofonías 1:9

An̈jtona', 'oj wa'ch pax syailal eb' cob' tz'a'n 'emmquilal 'ayin, 'icha tzyutj eb' chuc chon̈b'al ya'n 'emmquilal 'a sdiosal, to tz'och eb' 'a yol yet'l sdiosal chi yet' siylab', atn tas tzyij eb' 'a spatquil 'elc'al yet' 'a 'ixtj 'anma'il.

A Schab'il Carta San Pedro 3:5

Palta a eb' tzaln chi 'ixta', matz nib'j eb' tzna coti, tas 'ajnc yolyib'n̈q'uinl tic 'a pecti cha. Yujn̈ej tas yaljnac Dios, 'ix b'o satcha'an̈, yet' sat lum tic. 'Ix laj checlj lum lum 'a snan̈l a a'. Yuj a a cha, wach' yaj sat lum lum tic.