Am 2:7 - Chuj San Sebastian Bible

⁷ Caw tz'ixtx eb' meb'a yuj eb', man̈ wach'c tzyutj eb' sb'on yaj eb' tz'ixtx cha. Q'uixweltac in b'inax yuj eb', yujto a win mamb'il, yet' win 'unnab'il, junn̈j 'ix 'ix tzmuln ewin yet'oc.

Chuj San Mateo Bible

⁷ Tz'ixtax eb' meb'a' yuj eb', man vach'oc pax syutej eb' sb'oan yaj eb' meb'a' emnaquil chi'. Q'uixvelal in b'inaj yuj eb' ch'oc chon̈ab'il yuj schucal eb'. A vin̈ mamab'il yed' vin̈ yuninal, junn̈ej ix cob'es smulan eb' vin̈ yed'oc.

Am 2:7 Iomraidhean Croise

A Ch'an̈ Schab'l Libro Samuel 12:14

Palta yuj jun xa b'o tic, yuj cha, tu tas tzyal eb' 'anma 'ajc'ojl yajch 'a Jehová, atn yuj jun cha, ax scham win onnal tot x'alj cha, xchi Natán.

A Ch'an̈ B'ab'el Libro Yic Yab'ixal Eb' Rey 21:4

Xlajw cha, 'ix pax win Acab 'a yatut, tzcus winac, caw wal tzowx sc'ojl yuj tas xyal win Nabot cha. Yuj cha, a yic 'ix c'och 'a yatut cha, 'ix 'ec' t'ocn 'a sat sch'at, ax 'a yich n̈a chi 'ix 'och q'uelan, ma'ix yal sc'ojl win xwa'i.

Pr 28:21

Man̈ wach'oc toto chucchc yilx 'anma 'a sat junc yajal, palta 'ay 'ajtil tzmontchj junc yajl chi yuj jac tas tz'ajx 'a 'a.

Is 10:1

'Oltacx wal ex tzcob' e b'o jun tzo'n̈ ley man̈ tojloc, tzcob' eya'n alxoc 'eli, palta ton̈j tz'ixtx 'el 'anma eyu'uj.

Is 10:2

Matz e b'o yaj eb' meb'a 'anma', matz e chaj eyab' tas tzyal eb' tz'ixtxi. Caw wal tz'ixtx eb' wit chon̈b' tic eyu'uj, tzlaj eyelc'n tas 'ay 'a eb' 'ix 'ix chamnc yichmil yet' 'a eb' meb'a 'unin.

Is 3:14

Ata 'oj sb'eyc'ojloc Jehová eb' yichm wincal chon̈ab' yet' eb' 'aych yajlil 'a scal eb', ax yaln 'a eb' 'ixtic: An Jehová in tztac' wuj smasnil, an tzwala: Ax am wal tic xe satl eb' in chon̈ab', 'icha 'awb'en uva, 'ixta yaj eb' 'ayin. Xeyelc'n tas 'ay 'a eb' meb'a', xlaj e c'ub'n 'el 'a yol eyatut.

Is 3:15

¿Tas eyaln eyic eyixtn eb' in chon̈b' tic, tzex q'ue chan̈ eyixtn pax eb' meb'a'? xchi Dios.

Ez 22:11

'Ay eb' tzmuln yet' yistzil junc xo yit wincal, 'ay eb' tzmuln yet' yalib', 'ay eb' tzmuln yet' schab'l 'anab'.

Ez 36:20

Ax yic xlaj c'och eb' 'a jun tzo'n̈ nacion̈ cha, caw tu xlaj yal eb' 'anma chi 'ayn yuj eb', xlaj yal eb' 'ixtic: 'In to cob' schon̈b' Jehová jun tzo'n̈ 'anma tic, palta ax ticnec, 'ix 'ijx 'el eb' 'a schon̈b' cha, xchi eb'.

Os 4:14

Palta ma'oj wac' syailal eb' 'islab'il yet' eb' 'ix 'alb'al chi yuj yajmulal cha, yujto a eb' winc chi tzch'oxn yil eb'; tzyac' ewin xajmb'al yet' eb' 'ix tzb'eylb'an 'ajmulal. Yuj cha, a jun chon̈b' may snab'en tic, 'oj juwc 'eli.

Lv 18:15

May cab' mach tzb'on 'ajmulal yet' yalib', yujto yistzil yunnal; matz tac' sb'on 'ajmulal yet' 'ix 'ix cha.

Lv 18:21

An Jehová in, an tzwala. May cab' mach tzyac' yunnal xajmb'al-l 'a jun comn dios tzcuch Moloc. Toto tzyac' yunnal chi xamb'alil, tz'och smul 'ayin.

Lv 18:8

May cab' mach tzyij 'el sq'uixwel smam yic tzb'on 'ajmulal yet' yistzil smam cha.

Lv 20:3

'Ay yowl in c'ojl 'a yib'n̈ junc 'anma 'ixta tzb'o'o, yuj cha, 'oj in satl 'a scal eb' yit chon̈ab', yujto tzyixtj 'el in cajnub'. Tzin spatquiln can pax 'eli, yujto tzyac' yunnal chi xajmb'al-l 'a Moloc.

Am 4:1

Ex 'ix to caw wal b'a'ch ex 'icha no wacx wach' yajx servil, ex to cajnex 'a lum stzalnil Samaria, 'ab'c wal jun tic. Caw tze yixtj eb' meb'a', yet' eb' 'oltac yilx 'ochi. Tzeyaln 'a eb' eyichmil 'ixtic: 'Ijec cot te 'an̈, to tzcu'jec te', xe chi 'a eb'.

Am 5:11

Caw tzeyixtj eb' meb'a', tzeyi'n 'ec' strigo eb' 'anma 'a nab'an̈ej. Yuj cha, ma'oj stac' eyaj cajn 'a eyatut to nab'a q'uen xeyutj e b'oni. Man̈x 'oj eyuc' pax yalil te uva man̈x jantcoc sja'l yaj eyawni.

Am 5:12

Wojtac jantc maysch'olnil tz'el e b'oni. Man̈x 'a slajb' jun tzo'n̈ e mul cha. Caw tzeyixtj eb' wach' snab'en, tze chan q'uen c'ultac tumn yuj junc tas man̈ wach'c tzeyutj e b'onyaji. A 'a e despacho, ata tzeya'cn 'och 'a yib'n̈ eb' meb'a 'anma to wach' snab'en.

Am 8:4

Tzcham wal e maclni eyab' jun tzo'n̈ paxti tic ex tzeyixtj eb' 'emmquilal yeq'ui, yet' eb' meb'a 'a qui nacion̈ tic.

Miqueas 2:2

Toto tznib'j 'och eb' slum junc yit 'anma'il, tojln̈ej sto'n 'ec' eb', toto tznib'j 'och eb' junc n̈a, tojln̈ej yi'n 'ec' eb'. 'Ixta wal tz'aj yixtx eb' mamb'il yet' yunnal.

Miqueas 2:9

Tze pech 'elt eb' 'ix 'ix 'a yol yatut to 'aych yipc sc'ojol, a smacl eb' 'unn wa'jnac, 'in tzeyij 'ec' 'a jun 'ejmn̈ej.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Ro 2:24

A 'a Ch'an̈ U'un̈, ata tzyal 'ixtic: Yuj e b'eyb'al, yuj cha, ton̈j tzb'uchwj eb' man̈ israeloc 'a Dios, xchi.

1 Co 5:1

'Ix wab'i, to 'ay jun winc 'a e cal caw 'ajmul. Tolab' 'ix smontj 'el win schab'l nun yic'. A jun cha, caw maysch'olnil. 'Intax 'a scal eb' mant 'ojtnacoc Dios, may 'aj tzb'o eb' jun chi 'ixta'.