Am 2:6 - Chuj San Sebastian Bible

⁶ A Jehová tzaln 'ixtic: A wal eb' israel tic, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. A eb' meb'a wach' snab'en 'a scal eb', 'in tzchon̈x 'el eb' yuj eb', yujn̈ej to matz techj stojn eb' sb'oc 'a eb', wach'xam yujn̈ej jun mojn̈oc xan̈ab'.

Chuj San Mateo Bible

⁶ A Jehová tz'alan icha tic: Man̈ jantacoc chucal ix sc'ulej eb' aj Israel tic, yuj chi' yovalil ol vac'och syaelal eb'. Ix schon̈el eb' meb'a' eb' vach' spensar d'a scal, yujto max yal stupan sb'oc eb' d'a eb', vach'chom yujn̈ej stojol jun mojoc xan̈ab'.

Am 2:6 Iomraidhean Croise

A Ch'an̈ Schab'il Libro Yic Yab'ixal Eb' Rey 18:11

Ata 'ix yij 'at eb' asirio chi eb' israel, 'ix 'at can eb' yuj eb' 'a chon̈b' Halah, 'a sti a Habor 'a yol yic Gozán, yet' 'a jun tzo'n̈ xo schon̈b' eb' medo.

A Ch'an̈ Schab'il Libro Yic Yab'ixal Eb' Rey 18:12

'Ixta 'ix 'aj eb' israel yujn̈ej to ma'ix syiclj eb' spaxti Jehová sDiosal. Tenmtac 'ix yutj sb'a eb' 'a strato sb'ojnac yet' eb' smam yichm eb'. 'Ix spatquilj can 'el eb' smasnil tas alb'il can yuj Moisés, atn win schecb' Jehová.

Is 10:2

Matz e b'o yaj eb' meb'a 'anma', matz e chaj eyab' tas tzyal eb' tz'ixtxi. Caw wal tz'ixtx eb' wit chon̈b' tic eyu'uj, tzlaj eyelc'n tas 'ay 'a eb' 'ix 'ix chamnc yichmil yet' 'a eb' meb'a 'unin.

Is 29:21

atn eb' tzpitzn chan̈ 'es 'a yib'n̈ yit 'anma'il, eb' tztenn 'och wan win juez, sec matz 'och yailal 'a yib'n̈ eb' maysch'olnil. Tzya'n eb' 'es, sec man̈ tojloc tz'aj sb'oyaj eb' wach' snab'en.

Ez 22:13

An Jehová Yajl in an tzwala, caw wal tzcot wowl yuj tas tzyij eb' 'a spatc eb' yit 'anma'il, yet' yuj smilwjumal eb'.

Jl 3:3

'Ix ya'n 'och eb' suerte 'a yib'n̈ eb' in chon̈ab', xchon̈x 'el eb' winc 'unn yuj eb' yet' eb' 'ix 'unin. A q'uen tumn schaj eb' stojloc eb' cha, ata slaj eb' q'uen 'a te 'an̈, yet' 'a 'ajmulal.

Jl 3:6

Caw najt xeyij 'at eb' 'anma 'ayc' 'a Judá yet' eb' cajn 'a Jerusalén, xe chon̈n can 'at eb' smosooc eb' griego.

Zacarías 11:5

A eb' tzmann e no cha, matz 'och 'il eb' jab'oc yic tzmiln eb' e no', ax eb' tzchon̈n e no cha, tzyaln eb' 'ixtic: Yuj wal dios 'a Jehová, a ticnec tox on̈ 'ochc ricoal, xchi eb'. 'Ixta pax eb' caw yilmal e no', toxn matz cus eb' jac yuj e no'.