Am 2:4 - Chuj San Sebastian Bible

⁴ A Jehová tzaln 'ixtic: A wal eb' aj Judá, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Spatquilj can 'el eb' in cuynb'il, ma'ix syiclj eb' in ley. A yic eb', to xyac' eb' 'emmquilal 'a jun tzo'n̈ comn dios, atn jun tzo'n̈ 'aj ya'jnac eb' smam yichm eb' 'emmquilal.

Chuj San Mateo Bible

⁴ A Jehová tz'alan icha tic: Man̈ jantacoc chucal ix sc'ulej eb' aj Judá, yuj chi' yovalil ol vac'och syaelal eb'. Maj scha yab' in c'ayb'ub'al eb', maj sc'anab'ajej pax in ley eb'. Palta a d'a juntzan̈ tas malaj yelc'och b'aj ix yaq'uem sb'a eb', aton d'a juntzan̈ comon dios b'aj yalnac sb'a eb' smam yicham eb'.

Am 2:4 Iomraidhean Croise

A Ch'an̈ Schab'il Libro Yic Yab'ixal Eb' Rey 17:19

Palta ma'ix syiclj pax eb' yin̈tl Judá chi schecnb'il Jehová sDiosal. A yic eb' to 'ix sb'eylb'ej eb' 'icha wal tas sb'eylb'ej eb' yit israelal eb' cha.

2 Cr 25:14

A yic 'ix meltzj Amasías, yic smiln eb' 'aj Edom, atn eb' 'aj Seir, 'ix yij cot jun tzo'n̈ scomn diosal eb' 'aj Seir cha, xya'n 'och jun tzo'n̈ chi sdiosaloc, xyaln sb'a 'a 'a, 'ix sn̈usn incienso 'a 'a.

2 Cr 30:7

Man̈ lajnoc cab' tzeyutj e b'a 'icha eb' qui mam quichmec, 'icha pax eb' quit israelal, caw tenmtac yutjnac sb'a eb' 'a Jehová, atn qui Diosalec yet' eb' qui mam quichmec, a wal 'ix 'a'n satxoc 'el eb', 'icha wal tzcutj quilnec ticnec.

Nehemías 1:7

Caw wal yel xo maysch'olnil xcutj qui b'a 'a ojltac, ma'ix qui yiclj a checnb'il, a ley yet' a cuynb'il 'ix yal a checb' Moisés 'ayn̈ on̈.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Is 28:15

Yujto eyaljnac ab' 'ixtic: 'Ay jun qui trato qui b'ojnac yet' syajlil chamel, a yic 'oj jawc jun tas tzon̈ satn 'eli, ma'oj jawc jun chi 'ayn̈ec, yujto xca' qui trato yet' chamel, to a 'es yet' tas man̈ yeloc a tzon̈ colnec, xe chi.

Is 44:20

A jun tzo'n̈ 'anma 'ixta tzyutj sb'a cha, 'icha to a stan̈il c'ac' tzc'ux eb', juwnacx 'el snab'en eb', satnc eb'. A jun tzo'n̈ 'anma cha, ma'oj stac' scoln sb'a eb'. Matz nachj 'el yuj eb', toto a tas b'ob'il yuj eb' cha, may jac yel'chi.

Jeremías 16:11

Tzach ta'w 'a eb' 'ixtic: A Jehová, a tzaln jun tic: A eb' e mam eyicham, in yactj can eb', ax 'a spatc jun tzo'n̈ comn dios 'ix 'och tza'n eb', xya'n eb' 'emmquilal 'a jun tzo'n̈ cha. In yactj can eb', ma'ix syiclj eb' jun tzo'n̈ cuynb'il 'ix wac' 'a 'a.

Jeremías 16:12

Ax xo pax ax tic, yel xo wal maysch'olnil xeyutj e b'a 'a yib'n̈ eb' e mam eyichm cha. Junjn ex, tzlaj e b'o tas tu tzjaw 'a e nab'en, man̈xtzac eyiclj tas tzwala.

Jeremías 17:27

Palta toto an̈ja eyi'n 'oxt eyictz 'a spuertail chon̈b' tic 'a jun c'ul cha, 'icha to may yel'ch jun c'ul chi 'a e sat. To 'ixta', 'oj wa'ch c'ac' 'a spuertail chon̈b' tic. A jun c'ac' chi 'oj satnc 'el smasnil yatut eb' rey 'ay 'a Jerusalén tic, man̈x 'a mach 'oj stac' sma'n tupoc, xchi Dios, xa chi, xchi 'ayin.

Jeremías 6:19

'Ab'c ex cajn ex 'a sat lum tic. 'Oj wi' cot yailal caw maysch'olnil 'a yib'n̈ jun chon̈b' tic, yuj tas tu tzna eb' sb'oni; yujto ma'ix schaj eb' yab' in paxti'. A yic eb', to 'ix spatquilj can 'el eb' in checnb'il.

Jeremías 8:2

Ax scancn tzicn jun tzo'n̈ sb'acl eb' cha. 'Oj 'ec' yoc c'u 'a yib'an̈, yoc 'uj yet' yoc c'anal. A yic pitznto eb', caw schamc'ojlej eb' jun tzo'n̈ cha. Yaljnac sb'a eb' 'a jun tzo'n̈ cha, ya'jnac eb' 'emmquilal 'a 'a. Yuj cha, man̈x 'a mach 'oj si'noc sb'acl eb' cha, man̈x 'a mach 'oj mucnoc. 'Oj cancn tzicn 'a yib'n̈q'uinl 'icha tzyac' stza no noc'.

Jeremías 8:9

A eb' tzyal jelnal sb'a cha, caw 'oj q'uixwc can 'el eb'. 'Oj xiw eb', 'oj somchjoc can 'el eb', 'oj jawc 'a yib'n̈ eb'. Yujto spatquilj can 'el eb' in paxti', yuj cha, may xon jac sjelnal eb'.

Jeremías 9:14

Caw 'ix yac' pitb'oc 'el eb' snab'en, ax 'a jun tzo'n̈ comn dios 'ix 'och tza'n eb', 'icha wal yaj scuyx can eb' yuj smam yicham.

Ez 13:22

Yuj eyixtm 'anma'il xlaj eya'nc cus sc'ojl eb' tojl snab'en. A jun cha, caw matz in nib'j an tic. Ax eb' maysch'olnil sb'eyb'al, tzeyac' sc'ojloc eb' sec matz jel eb' sb'eyb'al yic tzchan eb' sq'uinl 'ayin.

Ez 20:13

Palta 'ix 'och eb' israel chi 'ajc'ojlal 'ayn 'a lum cusltac lum cha. Ma'ix syiclj eb' in ley yet' in checnb'il, atn jun tzo'n̈ xwac' 'a eb', sec 'ay sq'uinl eb' yu'uj. Ma'ix syiclj xon eb' sc'ul 'iljelal alb'il can wuj 'a eb'. Yuj cha, xin nani to tzwa' cot yowl in c'ojl 'a yib'n̈ eb', sec tzchamcn eb' 'a lum cusltac lum cha.

Ez 20:16

Yujto ma'ix syiclj eb' in ley yet' in checnb'il, ma'ix syiclj pax eb' sc'ul 'iljelal to wic yaji, an̈j 'a jun tzo'n̈ yechl comn dios 'aych snab'en eb'.

Ez 20:18

Yuj cha, xwaln 'ixtc 'a eb' yunnal eb' chi ta', man̈ e b'eylb'oc sb'eyb'al eb' e mam eyicham, man̈ e cha eyab' tas tzyalcn eb' 'ayex, man̈ eyixtc 'el e b'a yuj jun tzo'n̈ comn dios.

Ez 20:24

Yujto ma'ix sb'eylb'ej eb' in ley yet' in checnb'il, ma'ix syiclj eb' sc'ul 'iljelal to wic yaji, 'ix ya'n 'och eb' snab'en 'a jun tzo'n̈ sdiosal smam yicham,

Ez 20:30

Al yab' eb' et israelal cha, to an Jehová Yajl in, an tzwal 'ixtc 'a eb': ¿Tas yuj tze nib'j eyixtc 'el e b'a 'icha yutjnac sb'a eb' e mam eyicham? ¿Tas yuj tenmtac tzeyutj e b'a, ax tas yajb'entac tze b'o'o?

Ez 22:28

Ax eb' tzcob' yalch sb'a in checb'oc 'a scal eb' chon̈ab', tzlaj sc'ub'c 'el eb' smul, 'icha tz'aj yoch tan̈ 'a yich junc n̈a, tzmacchj 'el cob' lum xamit yu'uj, 'ixta tzyutj eb' tzmacn sat eb' chon̈b' cha. Tzlaj cob' yalnc eb' to 'ay tas tzwac' yil eb', tznan chan̈ eb' tas tzyutj eb' ya'n 'es, tzcob' yalnc eb' 'ixtic: A Jehová Cajlil, a tz'a'n cal jun tzo'n̈ tic on̈, xchi cob' eb', palta wal yel, may tas tzwac' yal eb'.

Ez 22:8

A 'in cajnub', may yel'ch 'a sat eb', matz yiclj eb' sc'ul 'iljelal to wic yaji.

Os 12:2

A eb' 'aj Judá, atn eb' yin̈tl Jacob, 'ay smul eb' 'a sat Jehová. Yuj cha, 'oj ya'ch yailal 'a yib'n̈ eb' yuj stu b'eyb'al cha. 'Oj stojlajwc eb' 'icha wal tas tz'el sb'oni.

Os 12:3

'Intax yic mantzac 'alj xon Jacob, toxn yamb'il yich sq'uenlyoc yu'tac yu'uj, ax yic 'ichm winc xo, xyac' owl yet' Dios.

Os 6:11

An̈jtona ax tic ex 'aj Judá, tox 'ix wala, tas c'ual 'oj jawc eyailal. A yic tzin nib'n wan̈tn eb' in chon̈b' 'a yol yic Efraín yet' eb' 'aj Samaria, yic tzin jeln tas 'aych 'a yib'n̈ in chon̈b' Israel,

Am 1:3

A Jehová a 'ix aln 'ixtic: A wal eb' 'aj Damasco, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto 'icha wal tz'aj ste'x 'ixm trigo, 'ixta wal x'aj yixtx 'el eb' 'aj Galaad yuj eb'.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.

Miqueas 6:12

A jun tzo'n̈ eb' rico 'a scal eb' chon̈b' tic, caw 'elc'm eb', 'ixtm 'anma 'eb'. E masnil ex cajn 'a jun chon̈b' tic, caw 'a'm exn̈ej 'es.

Habacuc 2:18

May yopiso jun tzo'n̈ comn dios tzb'o eb' 'anma'. A jun tzo'n̈ cha, ton̈j tzex yac' satoc. Matz tac' spaxtini, palta ¿tas yuj a eb' tzb'oni, caw tzya'ch eb' yipc sc'ojol?

Ro 1:25

yujto ma'ix ya'ch eb' sc'ojl 'a spaxti Dios caw yel. Ax ticnec, ax 'a jun tzo'n̈ 'es 'aj tzlaj ya'ch eb' sc'ojol. Ax 'a jun tzo'n̈ tas b'ob'il yuj Dios, ata tzyal sb'a eb', ata tzlaj yac' 'ejm sb'a eb'. Ax 'a Dios, matz yal sb'a eb'. Palta smasnil tiempo, smoj tzcalc wach' paxti 'a 'a. 'Ixta cab' tz'aji.

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.

A Sb'ab'el Carta San Pedro 1:18

A jun tzo'n̈ sb'eyb'al eb' qui mam quichmec, an̈j xqui b'eylb'ejc 'a yic yalan̈, palta nab'an̈ej cob' quixtjnaquec qui b'a. Ax ticnec, colchjnacn̈ec xo 'el 'a yol sc'ab' jun tzo'n̈ cha. Eyojc xo, to a qui colnb'ilec tic, ma'ix manx yet' jun tzo'n̈ tas ton̈j 'e'lb'a yeq'ui. A q'uen tumin, q'uen oro, yet' q'uen plata, may yopiso smann qui colnb'il tic.

Jueces 10:6

Palta ax eb' israel, 'ix scha b'oj pax eb' maysch'olnil 'a yojltac Jehová. 'Ix laj yal sb'a eb' 'a jun tzo'n̈ yechl comn dios tzcuch Baal yet' 'a Astarot. Xlaj yalnc sb'a eb' 'a jun tzo'n̈ sdiosal eb' chon̈b' tic: atn Siria, Sidón, Moab, Amón yet' schon̈b' eb' filisteo. 'Ix yactn can eb' yoch 'emmquilal 'a Jehová.