Am 2:13 - Chuj San Sebastian Bible

¹³ Yuj cha, 'oj wac' syam sb'a yailal 'a eyib'an̈, caw 'oj e c'ac'w yu'uj, lajn 'oj eyaj 'icha sn̈uch'ch'i junc careta yuj yal-l 'ixm trigo.

Chuj San Mateo Bible

¹³ Yuj chi' nivan yaelal ol vac'cot d'a eyib'an̈, ol ex c'acvoc yuuj icha sn̈ach'ach'i junoc carreta al yaj yuj ixim trigo.

Am 2:13 Iomraidhean Croise

Gn 37:7

'Ix in waychej to qui masnilec tzon̈ polwec trigo, junjn on̈ec tzqui jalc junjn yuchn̈ qui trigo cha, ax 'ixm wic cha, xq'ue lin̈n 'ixim, x'och pax oyn 'ixm eyic chi 'a stz'ey 'ixm wic cha. Xlajw cha, x'ejm n̈ojn eb' 'ixm 'a yojltac 'ixm wic cha, xchi José.

Job 39:12

¿Am tza na'a to 'oj stac' a c'ann no', yic 'oj a molnc chan̈ tas tzyac' a munljel, mto 'oj a c'an no te'j trigo 'a a te'lab'?

Salmos 78:40

Til wal 'ejm ma'ix syiclj eb' tas xyal Dios 'a cusltac lu'um, caw 'ix stzuntzj cot eb' yowl sc'ojol.

Is 1:14

Caw tzex in chacl yet' jun tzo'n̈ e q'uin̈ 'a yic tzpac' 'uj, yet' jun tzo'n̈ xo eyamnil. Man̈xtzac ex in nib'j wil yet' jun tzo'n̈ cha, yujto xyoch'b' c'och wu'uj.

Is 43:24

Ma'ix e man te te su'q'ui sjab' yic tzeya'n te ofrendail 'ayin, ma'ix eyac' tzaljoc in c'ojl yet' xepual no noc' tzeyac' xajmb'alil. A eyico', to cojn mul tze b'o'o, caw tzin tzactzj c'och eyu'uj, tze tzuntzj cot wowl yuj jun tzo'n̈ maysch'olnil tzlaj e b'o cha.

Is 7:13

Yuj cha, xyaln Isaías chi 'ixtic: Ex yin̈tl can David 'ab'c tas 'oj wala'. Caw may yel'ch e tzuntzn eb' eyit 'anma'il ¿Tom tze nib'j tze tzuntzj qui Diosalec 'icha tzeyutj eb' cha?

Ez 16:43

An Jehová in, an tzwala. 'In man̈xtoc sna coti tas 'ajnc scot 'a yune'al, stzuntzj cot yowl in c'ojl yet' jun tzo'n̈ tas sb'o cha. Yuj wal jun sb'eyb'al tic, ax wa'n 'och syailal.

Ez 6:9

Ax eb' ma'oj cham cha, 'oj in sna cot eb' 'a jun tzo'n̈ nacion̈ 'aj 'ayc' cha, 'oj sna cot eb' tas in yutj eb' yic xwab'n syal yuj eb', yujto 'ix yij 'el sb'a eb' 'a in tz'ey, ax 'a jun tzo'n̈ yechl comn dios 'aj xlaj yac' 'ejm sb'a eb'. 'Oj laj yec q'uixwc sb'a eb' yuj smasnil tas yajb'entac xlaj sb'o'.

Malaquías 2:17

A Jehová, tox 'ix tzactzj chan̈ yuj tas tzeyala, tze c'anb'n to pax wal 'ixtic: ¿Tas laj yuj tzactzj cu'uj? xe chi. Tzactzji, yujto tzeyal ax tic, chajtlto tzchaj sc'ojl Jehová eb' tzb'on maysch'olnil, caw tzalj yet' eb'. Tzeyaln pax 'ixtic: ¿Tom 'ay jun Dios tzb'eyc'ojlwi 'a stojlal? xe chi.

Nm 7:3

'ix yac' eb' waque careta 'aych smacl yib'an̈, yet' lajchwan̈ no mam wacx ofrendail 'a Jehová, tzyal 'el'chi junjn careta 'a chatcwan̈ eb' yajl cha, ax junjn no mam wacx chi 'a junjn eb'. Smasnil jun tzo'n̈ tic 'ix ya'ch eb' 'a yojltac scajnub' Dios.