Am 1:6 - Chuj San Sebastian Bible

⁶ Xyaln pax Jehová 'ixtic: A wal eb' 'aj chon̈b' Gaza, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto xyij 'at eb' smasnil eb' chon̈ab', axta schon̈ch eb' mosoal eb' 'a Edom.

Chuj San Mateo Bible

⁶ A Jehová tz'alan icha tic: Man̈ jantacoc chucal ix sc'ulej eb' aj Gaza, yuj chi' yovalil ol vac'och syaelal eb', yujto masanil anima cajan d'a juntzan̈ chon̈ab' yic Israel ix yic'b'at eb', ix schon̈anb'at eb' checab'vumal d'a Edom.

Am 1:6 Iomraidhean Croise

2 Cr 28:18

Ya' sb'a cha, ax eb' filisteo, 'ix yij 'at eb' tastc 'ay 'a jun tzo'n̈ chon̈b' 'ay 'a span̈nil yich lum witz, yet' 'a Neguev 'a yol yic Judá. 'Ix yi'n can 'ec' eb' chon̈b' Bet-semes, Ajalón, Gederot, Soco, Timna, yet' Guimzo yet' yaldeail jun jun. Xlajw cha, xcan cajn eb' filisteo chi 'a 'a.

Jeremías 47:1

Atn wal jun tzo'n̈ paxti tic 'ix yal Jehová 'ayn an Jeremías in tic yuj eb' filisteo yic mantzac c'och win sreyl Egipto yac' owl 'a chon̈b' Gaza:

Ez 35:5

Yujto ach tic toxn to 'ajc'ojl xon ajch 'a eb' israel, a lajjnac 'el eb' yet' owal yic 'aych eb' 'a syailal yuj smul.

Jl 3:4

¿Tas tze nib'j 'ayn ex 'aj Tiro, ex 'aj Sidón, yet' ex 'aj Filistea? ¿Tom tze nib'j tze pac e b'a 'ayin? Toto tze nib'j tze pac e b'a, wal 'a yajn̈ej ax wa'n spac 'ayx 'icha wal smoj e chani.

Jl 3:6

Caw najt xeyij 'at eb' 'anma 'ayc' 'a Judá yet' eb' cajn 'a Jerusalén, xe chon̈n can 'at eb' smosooc eb' griego.

Am 1:11

A Jehová tzaln 'ixtic: A wal eb' 'aj Edom, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Caw spech b'eyc'oc eb' smasnil eb' yican, atn eb' israel, yic tzmilx cham eb' yuj eb', may xon jac sniwnc'ojlal eb' 'a eb', tzb'on eb' tas tznib'j yet' yowl sc'ojl chi 'a eb'. Matz 'at satc'ojlal yowl sc'ojl eb' chi yu'uj.

Am 1:3

A Jehová a 'ix aln 'ixtic: A wal eb' 'aj Damasco, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto 'icha wal tz'aj ste'x 'ixm trigo, 'ixta wal x'aj yixtx 'el eb' 'aj Galaad yuj eb'.

Am 1:7

Yuj cha, 'oj wac' n̈usxoc tz'a smuroal Gaza cha. Ax jun c'ac' chi 'oj satnc 'el jun tzo'n̈ scuartel eb' soldado.

Am 1:9

Xyaln pax Jehová 'ixtic: A wal eb' 'aj chon̈b' Tiro, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. 'Ix schon̈ch eb' jun chon̈b'al eb' 'anma mosoal 'a chon̈b' Edom, man̈x 'ic sna cot eb' jun strato yet' eb', chajtlto swach'c'ojl sb'a eb'.

Abdías 1:11

A yic xma'x poj spuertail chon̈b' Jerusalén yuj eb' soldado chuc chon̈b'al, yic yijx 'elt smasnil sricoal jun chon̈b' chi yuj eb' 'ajc'ojl cha, ax xo tic, ton̈j ex 'och q'uelan. A yic xya'n 'och eb' 'ajc'ojl chi suerte 'a yib'n̈ smasnil tastc 'ay 'a jun chon̈b' cha, 'ix yi'n 'at eb' smasnil, ax tic, caw lajn xeyutj e b'a yet' eb' 'ajc'ojl cha.

Zacarías 9:5

A yic 'oj yilnc chon̈b' Ascalón jun cha, caw 'oj xiwoc. 'Ixta pax chon̈b' Gaza, caw niwn 'oj 'aj yab'n syail. An̈jtona pax Ecrón, caw 'oj yab' syal si'mb'il, yujto 'oj sat 'ejm jun chon̈b' 'aych yipc sc'ojol. A chon̈b' Gaza cha, 'oj cancn 'a man̈x 'a sreyal, ax chon̈b' Ascalón, man̈x 'a junc 'anma 'oj can 'a 'a.

A Tas Sc'ulejnac Eb' Schecab' Jesús Hechos 8:26

'Ay jun yángel Cajlil 'ix aln 'ixtc 'a Felipe: —'Ac' lista a b'a. 'Ixc 'a stojlal sur 'a yol jun b'e tzcot 'a Jerusalén, tzc'och 'a chon̈b' Gaza, xchi. A jun b'e cha, atn tz'ec' 'a cusltac lu'um.

A Ch'an̈ B'ab'el Libro Samuel 6:17

A o'e eb' q'uen oro b'ob'il 'icha yilx malel, yuj ya'n eb' filisteo stojloc smul 'a Jehová, 'ix yac' eb' yuj chon̈b' Asdod, yuj chon̈b' Gaza, yuj chon̈b' Ascalón, yuj chon̈b' Gat yet' yuj chon̈b' Ecrón.