A Tas Sc'ulejnac Eb' Schecab' Jesús Hechos 8:9 - Chuj San Sebastian Bible

⁹ Palta ata 'ay jun winc Simón sb'i. Caw tz'ixtx paxti eb' 'anma yuj winac, yujto tzyalch sb'a win wayjlil 'a scal eb'.

Chuj San Mateo Bible

⁹ Palta ay jun vin̈ vinac scuch Simón ta'. Ste aq'uej val musansatil eb' anima vin̈, yujto te nivan yelc'och vin̈ yalani, ay tas syal yuj vin̈ yalani.

A Tas Sc'ulejnac Eb' Schecab' Jesús Hechos 8:9 Iomraidhean Croise

Ex 7:11

Yuj cha, 'ix yawtn cot win rey chi ewin jelan, yet' ewin 'ay tas tztac' yu'uj, 'ix sb'on pax ewin yic 'icha xyutj Aarón yic cha.

Ex 7:22

Palta 'ixta pax 'ix yutj ewin tzyal jelnal sb'a chi yet' yico', ewin 'ay tas cuyb'il yuj 'a yol yic Egipto cha. 'Ix pitb' pax 'el snab'en win rey chi jun 'ejm xo, 'icha 'ix yutj Jehová yalni. Ma'ix schaj win yab' tas xyal Moisés yet' Aarón.

Ex 9:11

Ax ewin tzyal jelnal sb'a cha, man̈x 'ic sch'ox ewin yic 'a Moisés, yujto ya'ay ewin yuj yab'il, yet' smasnil 'anma 'a Egipto cha.

Lv 20:6

Toto 'ay mach tz'at sc'anb'c sb'a 'a eb' 'ajchum mto 'a eb' tzyal to tzc'umj spixn eb' chamnc 'anma', tzyiclni tas tzyal eb', an xo 'oj wac' yowlal 'a 'a, ax in satn 'el 'a scal yit chon̈ab'.

Jn 7:18

A mach tzpaxtin 'a yol yico', ton̈j tzb'an̈ sb'a, sec 'ay yel'ch 'a sat eb' 'anma snani. Palta an tic, tzin nib'ej to a jun checjnacn coti, 'ay yel'ch 'a e sat. Yuj cha, caw yel tzwala. May jac 'es tzwac'a.

A Tas Sc'ulejnac Eb' Schecab' Jesús Hechos 13:6

'Ix c'axw 'ec' eb' 'a yol yic Chipre cha, 'ix c'och eb' 'a chon̈b' Pafos. Ata x'ilchj jun win yit israelal eb' yu'uj, tzcuch Barjesús. A win cha, tzyalch sb'a wayjlil, tzcob' yal winac, to a Dios tz'a'n yal-l spaxti'.

A Tas Sc'ulejnac Eb' Schecab' Jesús Hechos 13:8

Palta ax win tzyalch sb'a wayjlil cha, tzcuch pax Elimas, 'ix cot yowl win 'a eb', yujto snib'j win ma'ix ya'ch Sergio chi sc'ojl 'a spaxti Dios.

A Tas Sc'ulejnac Eb' Schecab' Jesús Hechos 5:36

Qui nac cot win Teudas sb'i 'e'nc 'a yic yalan̈. Cob' ya'jnac 'och sb'a win yajlil 'a scal eb' 'anma'. Cob' yaljnac winac, to caw 'ay yopiso. 'Aym chan̈e'oc ciente 'anma 'ochnc cob' yet' winac. Palta xmilx cham winac. Ax jantcn̈ej eb' cob' 'ochnc yet'oc, c'uxn sactzic can pax eb', satnc can pax 'ejm jun yic eb' cha.

A Tas Sc'ulejnac Eb' Schecab' Jesús Hechos 8:11

Caw xya'ch eb' snab'en 'a winac, yujto pecti syamjnac 'och win yixtn paxti eb' 'anma', yujto tzyal to tzuj yiln sb'a.

2 Ts 2:4

A jun cha, 'oj yac' owl yet' Dios. 'Oj chichnoc pax 'och 'a jantcn̈ej tas tzalx 'och diosal, yet' 'a jantcn̈ej tas 'aj tzyal sb'a eb' 'anma'. 'Oj 'em wocn 'a yol yatut Dios, ax yaln 'och sb'a Diosal.

2 Ti 3:2

Yujto 'ay eb' 'anma', mun 'oj laj schamc'ojloc sb'a. An̈j 'a q'uen tumn 'oj laj ya'ch eb' snab'en. 'Oj sb'an̈ sb'a eb', 'oj yi' chan̈ sb'a eb'. 'Oj comn b'uchwjc eb' 'a Dios. Ma'oj syiclc eb' tas tzyal smam snun. Chab'c'ojlal 'oj scha eb' junc tas. Caw maysch'olnil 'oj yutc eb' sb'eyb'al.

2 Ti 3:5

'Oj cob' yal eb' 'ixtic: A 'a Dios wan ca'nec 'och qui nab'en, 'oj schic cob' eb'. Palta ax sb'eyb'al eb' tzch'oxn 'eli, to man̈oc Dios 'aych yet' eb'. Ach xo, tzej 'el a b'a 'a scal eb' 'ixta tzyutj sb'a. Man̈ junc ec' yet' eb'.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.