A Tas Sc'ulejnac Eb' Schecab' Jesús Hechos 8:7 - Chuj San Sebastian Bible

⁷ A 'a jun chon̈b' cha, til wal eb' 'anma 'aych demonio 'a 'a. Ax Felipe chi xlaj 'i'nc 'el 'a eb'. Caw x'el yaw ewin demonio chi yel 'a eb'. Til wal eb' sicb'nac 'eli, yet' pax eb' matz tac' sb'eyi, xlaj b'ox can eb' yuj Felipe cha.

Chuj San Mateo Bible

⁷ A d'a jun chon̈ab' chi', tzijtum eb' anima ayoch eb' enemigo d'ay, axo vin̈aj Felipe chi' ix laj ic'anel eb' d'a eb'. Ix laj el yav eb' yel d'a eb'. Tzijtum eb' sicb'inaqueli yed' eb' max yal sb'eyi, ix laj b'oxican eb' yuj vin̈.

A Tas Sc'ulejnac Eb' Schecab' Jesús Hechos 8:7 Iomraidhean Croise

Is 35:6

A eb' tz'em sb'eyi, 'oj b'atjoc chan̈ eb' sb'ey 'icha no c'ultquil chej, yet' eb' matz uj xon spaxtini, 'oj b'itnc chan̈ eb' yuj tzaljc'ojlal. Ax 'a lum cusltac lu'um, yet' 'a lum caw tacn̈ sat, til wal a a 'oj q'uelc pulnjoc spac' 'a eb' lu'um.

Mt 10:1

Ax Jesús 'ix yawtj cot eb' scuywum slajchwan̈il 'a 'a. 'Ix ya'n 'och yopiso eb' yi'n 'el ewin demonio. 'Ix ya'n pax yopiso eb' ya'n b'oxc sc'ojl eb' 'anma tzann̈j yab'ilal tz'i'ni, yet' tzann̈j yailal.

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Mt 4:24

C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

Mr 9:26

Yuj cha, x'el yaw jun demonio cha, caw ow xcotx 'a sjolm jun 'unn cha, 'ixta to b'i'an x'el 'a 'a. Ax jun 'unn cha, 'icha chamnc 'ix 'ajcn yu'uj, yuj cha, til wal eb' xaln 'ixtc yu'uj: 'Ix chami, xchi eb'.

Lc 10:17

A eb' 72 cha, caw tzaljc'ojlal xjapx eb' 'a Jesús. 'Ix yaln eb' 'ixtc 'a 'a: —Mamin, an̈jtona ewin demonio, caw syiclj ewin tas xcal on̈, yic xqui c'anlb'an a b'i on̈, xchi eb'.

Jn 14:12

Wal yel tzwal 'ayex, a eb' tzin 'a'n 'och 'a sc'ojol, 'oj sb'o eb' jun tzo'n̈ tas tzin b'o'o. 'Ay jun tzo'n̈ xo tas 'ec'b'al 'a yib'n̈ jun tzo'n̈ tic 'oj b'o yuj eb', yujto 'oj in pax 'a 'aj 'ay qui Mam Dios.

A Tas Sc'ulejnac Eb' Schecab' Jesús Hechos 5:16

Til wal 'anma xcot 'a jun tzo'n̈ chon̈b' 'a sla'nil Jerusalén cha. 'Ix yi'n cot eb' jun tzo'n̈ eb' ya'ay, yet' eb' 'aych ewin demonio 'a 'a. 'Ixta to b'i'an, 'ix b'ox can sc'ojl eb' smasnil.

A Tas Sc'ulejnac Eb' Schecab' Jesús Hechos 8:6

Ax eb' 'anma 'ayc' ta', c'uxn 'ix ya'ch eb' schicn 'a tas 'ix yal Felipe cha. 'Ix yiln pax eb' jun tzo'n̈ milagro 'ix sch'oxo.

A Ch'an̈ Carta D'a Eb' Hebreo 2:4

An̈jtona Dios, ya'jnac testigoal sb'a yuj jun 'ab'x tic. Sch'oxjnac jun tzo'n̈ milagro, yet' jun tzo'n̈ tas tzsat qui c'ojlec quilni, sec chequel to caw niwn yel'ch jun 'ab'x tic. An̈jtona pax Yespíritu, tzyac' pax testigoal sb'a, yujto tzyac' copiso junjn on̈ec, a tzyala, tas tznib'j tzyac'a.