A Tas Sc'ulejnac Eb' Schecab' Jesús Hechos 7:8 - Chuj San Sebastian Bible

⁸ An̈jtona', ya'jnac can pax Dios strato yet' Abraham cha. Yaljnac can 'a 'a, to tz'och jun senya 'a sniwnal, yet' 'a eb' yin̈til, sec chequel to 'ay strato yet' eb'. A jun senya cha, atn jun circuncisión sb'i. Yuj cha, a yic yalj jun yunnal Abraham Isaac sb'i, yucb'ixial xo yalji, yajx circuncidar yuj Abraham cha. An̈jtona', 'ix 'alj pax jun yunnal Isaac, Jacob sb'i. 'Ix 'ajx pax circuncidar yuj Isaac cha. Ax Jacob, lajchwan̈ eb' yunnal 'aljnac. C'uxn xyac' circuncidar eb' smasnil. A eb' lajchwan̈ cha, atn eb' qui mam quichmec an̈ israel on̈c tic.

Chuj San Mateo Bible

⁸ An̈ejtona', yac'nacxican sti' Dios d'a vin̈aj Abraham chi'. Yalannaccan d'a vin̈ to tz'och jun yechel d'a snivanil vin̈ yed' d'a jantacn̈ej eb' yin̈tilal vin̈, yic vach' scheclajeli to ay strato Dios yed' eb'. A jun yechel chi', aton jun scuch circuncisión. Yuj chi', ayic yalji jun yuninal vin̈aj Abraham scuch Isaac, yucub'ixial yalji, yac'ji circuncidar yuj vin̈aj Abraham chi'. An̈ejtona' yalji pax jun yuninal vin̈aj Isaac chi' scuch Jacob, ac'jipax circuncidar yuj vin̈aj Isaac chi'. Axo vin̈aj Jacob chi', lajchavan̈ eb' yuninal vin̈ aljinac. Laj ac'ji circuncidar eb' smasanil. A eb' lajchavan̈ chi', aton eb' co mam quicham a on̈ israel on̈ tic.

A Tas Sc'ulejnac Eb' Schecab' Jesús Hechos 7:8 Iomraidhean Croise

Gn 29:31

Ax xyiln Jehová to tzchab'c'ojlej Jacob 'ix Lea, yuj cha, 'ix yalni, to tz'unewi 'ix, ax pax 'ix Raquel may yune 'ix.

Gn 30:5

Xlajw cha, x'alj yune 'ix Bilha yet' Jacob.

Gn 35:16

Xlajw cha, xyactn can eb' jun lugar Bet-el cha, 'ix cotx eb'. 'Ayt wal sjaw eb' 'a Efrata, 'ix 'alj junx yune 'ix Raquel, yel xo wal yet' yailal x'aj yalj jun 'unn cha.

Gn 35:18

Palta yic wan xo xcham 'ix, jab'xoj tz'el-l yalni, xya'n 'ix sb'ic can jun 'unn chi Benoni; palta ax win Jacob, Benjamín xyac' win sb'ioc.

1 Cr 1:34

A Abraham a 'ay yunnal Isaac. Ax eb' yunnal Isaac, atn Esaú yet' Israel.

Mt 1:2

A Abraham a 'ay yunnal Isaac, ax Isaac a 'ay yunnal Jacob, atn smam Judá yet' jun tzo'n̈ xo eb' yu'tac.

Jn 7:22

Yuj eb' qui mam quichmec 'a pecti', yuj cha, yelcn yich jun b'eyb'al tzcuch circuncisión. Ax Moisés a aljnac cani, chajtlto yowlal tzqui b'eylb'ejec jun cha. Yuj cha, wach'xam sc'ul 'iljelal, tzeyac' circuncidar eb' 'unn tzlaj 'alji.

A Tas Sc'ulejnac Eb' Schecab' Jesús Hechos 2:29

Ex wit chon̈ab', caw checl tas 'ajnc qui mam quichmec David cha. Cojquec, to chamnac, mucxnac. A jun yet'l 'aj mucb'il cha, an̈ja checl yaj ticnec.

Ro 4:10

Palta nac coti, b'a'n̈i yaljnac Dios 'ixta'. ¿Tom 'ac'b'ilx 'och jun senya chi 'a win ta'? Ma'ay, mantzac 'ajx 'och jun senya chi 'a winac.

Gl 3:15

Ex wu'tac, ex wanab', tzin nib'j tzwalb't 'ayx yuj jun qui b'eyb'al an̈ 'anman̈ tic. A yic tzqui b'on qui trato yet' junc 'anma', tz'ib'n cani, tzca'n can 'ejm qui c'ab'. Yuj cha, may junc mach tztac' sjuni, may pax mach tztac' ya'n 'och jac xo xicul.

Gl 3:17

Atn jun tic tzin nib'j tzwalb't 'ayex, to a Dios, ya'jnac strato yet' Abraham, sch'oxjnac to yowlal 'oj 'el'choc. Lajwnacx 430 ab'il ya'n can jun strato cha, yic yajx jun ley yic Moisés. Palta matz juw xon jun trato chi yuj jun ley cha. A jun tas alb'il can yuj Dios, yic ya'n sti', ma'ix 'ec' yuj jun ley cha.

A Ch'an̈ Carta D'a Eb' Hebreo 7:4

Al ticnec, nachj cab' 'el eyu'uj, chajtlto caw niwn yel'ch win Melquisedec cha. Yujto a qui mam quichm Abraham, jantcn̈ej tas xit' yac' ganar, 'ix ya'cn sdiesmoal 'a winac.