A Tas Sc'ulejnac Eb' Schecab' Jesús Hechos 7:10 - Chuj San Sebastian Bible

¹⁰ A coljnac can 'elt José chi 'a scal syail. Ya'jnac sjelnal 'a 'a. 'Ochnc yet'oc, sec caw wach' 'ajnc 'a sat win faraón, win sreyl Egipto. Yuj cha, ya'jnac 'och win yopiso yajlil 'a Egipto cha. An̈jtona', ya'n pax 'och win yajloc yatut.

Chuj San Mateo Bible

¹⁰ A Dios chi' colanelta vin̈ d'a scal juntzan̈ syaelal. Yac'an sjelanil d'a vin̈. Och yed' vin̈, yic vach' syutej sb'a vin̈ d'a yichan̈ vin̈ sreyal eb' aj Egipto chi'. Yuj chi' yac'och yopisio vin̈aj José chi' vin̈ yoch yajalil d'a Egipto chi'. An̈ejtona', yac'och vin̈aj José chi' vin̈ yilumaloc spat.

A Tas Sc'ulejnac Eb' Schecab' Jesús Hechos 7:10 Iomraidhean Croise

Gn 39:21

Palta a Jehová 'aych yet' José, xch'ox schamc'ojlal 'a 'a, yuj cha, caw wach' x'el'ch 'a sat win tan̈m preso cha.

Gn 42:6

Ax José yajl yajch 'a Egipto cha, a tz'a'n 'elt 'ixm trigo 'a eb' manwjum tzlaj c'ochi. A yic xc'och eb' yu'tac 'a yojltac, x'em n̈ojn eb', masnto squil 'ejm eb' snan̈l sat 'a sat lu'um.

Gn 44:18

Xlajw cha, snitzn 'ochch sb'a Judá 'a stz'ey José, xyaln 'a 'ixtic: —Tzin tew 'och 'aych mamin, comnoc tzyal a c'ojol tzwal tas tzin nib'j tzwal 'ayach, yuj wal dios 'ayach, matz cot cab' owl 'ayin, 'icha wal to rey ach.

Gn 48:16

A jun ángel in coln 'a tas 'ay smay, yal cab' wach' paxti 'a yib'n̈ ewin quelm 'unn tic. To yujn̈ej ewinac, ax sb'inax cot in b'i b'aq'uin̈, yet' sb'i in mam 'ichm Abraham, yet' pax sb'i in mam Isaac. Niwn cab' 'oj 'aj sb'isl yunnal eb'. 'Oj yac' eb' niwtjoc 'anma 'a sat lum lu'um, xchi winac.

A Ch'an̈ B'ab'el Libro Yic Yab'ixal Eb' Rey 8:50

'Ac' lajwc qui mul 'a quib'n̈ on̈, wach'xam caw niwan. Tza jeln snab'en eb' tzon̈ 'i'n 'at 'a 'icha presoal chi 'on̈, sec tz'o'ch sc'ojl eb' 'ayn̈ on̈, tzon̈ 'ajx 'el 'a libre yuj eb' on̈.

Salmos 22:24

Yujto a Jehová ma'ix spatquilj can 'el eb' 'ay syailal yet' eb' 'ay somc'ojlal. Man̈ ton̈joc 'ix yilcn 'och eb', ma'ix sc'ub'j pax 'el sb'a 'a eb'. A yic sc'ann eb' scolwal, yajn̈ej 'ix yab'ni, 'oj in chic 'a eb'.

Salmos 37:40

A 'oj colnc 'el eb', 'oj colxoc can 'el eb' yuj 'a yol sc'ab' eb' maysch'olnil, yujto a 'aych yipc sc'ojl eb'.

Pr 16:7

Toto tzchaj sc'ojl Jehová qui b'eyb'alec, to 'ixta', ax eb' 'ajc'ojl yajch 'ayn̈ec, tz'och eb' 'a junc'ojlal quet'ec.

Pr 2:6

A Jehová a tz'a'n qui jelnal, a spaxti tz'a'n cojcoc 'el wach' nab'enal.

Pr 3:4

Toto 'ixta', caw tzalj Dios et'oc, ax ach sb'inan pax eb' 'anma'.

Jeremías 39:12

'Ij 'at Jeremías, tza tan̈wni, man̈ extc winac, a wal smasnil tas tzc'an 'ayach, 'ac' 'a 'a, xchi win rey cha.

2 Ti 4:18

A 'oj in coln can 'el 'a yol sc'ab' smasnil maysch'olnil. 'Oj in swach' moloc, sec wach' 'oj in c'och 'a yol sc'ab' 'a satcha'an̈. Niwn cab' yel'ch Jesucristo 'a smasnil tiempo. 'Ixta cab' tz'aji.

Santiago 5:11

Cojtac, a eb' ya'jnac techjoc, caw tzaljc'ojlal yaj eb' ticnec. 'Ay 'aj xeyab' yab'xil win Job. Caw te'n yutjnac sb'a yab'n syailal. Eyojtac, chajtl yutjnac pax Cajlil win 'a slajub'. Yujto a Cajlilec, caw tz'o'ch sc'ojl 'ayn̈ec. Caw tz'och pitz'n cusc'ojlal 'a cujec.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.