A Tas Sc'ulejnac Eb' Schecab' Jesús Hechos 6:11 - Chuj San Sebastian Bible

¹¹ Ax eb' cha, ton̈j xlaj sman eb' jaywn̈ stestigo. 'Ix ya'n eb' sc'ojloc eb', sec tzyal eb' 'ixtic: —'Ix cab' yaln win Esteban chi on̈. Caw 'ix b'uchwj win 'a qui mam quichmec Moisés, xb'uchwj pax win 'a Dios, xchi cob' eb'.

Chuj San Mateo Bible

¹¹ Axo eb' chi', ton̈ej ix sman jayvan̈ stestigo eb'. Ix ac'ji sc'ool eb' yuj eb', yic syal eb' icha tic: —Ix cab' sb'uchvaj vin̈aj Esteban tic d'a spatic vin̈ co mam quicham aj Moisés yed' d'a Dios, xchi eb'.

A Tas Sc'ulejnac Eb' Schecab' Jesús Hechos 6:11 Iomraidhean Croise

Ex 23:1

Man̈ eya'ch e b'a eyaln speclal eyit 'anma'il, man̈ eya'ch e b'a yet' junc mach tu snab'en, yic tzeya'n 'och e b'a testigoal 'a tas man̈ yeloc.

Jeremías 26:11

Xlajw cha, ax eb' ya'mal 'och sti eb' 'anma 'a Dios, yet' eb' tzyalch sb'a schecb'oc Dios, 'ix yaln eb' 'ixtc 'a eb' yajl cha, yet' 'a eb' chon̈b' chi smasnil: A wal jun winc tic, yowlal 'oj chamoc, yujto 'ix yala, to 'ay tas tu 'oj jawc 'a yib'n̈ qui chon̈b'ec tic. Ax tic caw 'ix eyab' tas 'ix yala, xchi eb'.

Jeremías 37:13

Palta a yic in c'och 'a spuertail chon̈b' 'a yol yic Benjamín cha, ata 'ay jun winc tzcuch Irías yunnal Selemías, yixchicn Hananías, a win cha, yajl yaj 'a eb' tztan̈wni puerta cha. A jun winc chi in yamn 'och wa'an, xyaln win 'ayn 'ixtic: —¡Ach tic, 'aych xo 'och yet' eb' 'aj Babilonia cha! xchi win 'ayin.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Jn 16:3

'Ixta 'oj ex yutc eb', yujto man̈ yojcoc eb' in Mam, man̈ in yojcoc pax eb'.

Jn 9:29

Cojc on̈, to yaljnac can Dios spaxti 'a Moisés cha. Palta ax Jesús cha, man̈ cojcoc on̈ mach 'a'jnac yopiso winac, xchi ewin 'aj Judea cha.

A Tas Sc'ulejnac Eb' Schecab' Jesús Hechos 15:21

Tzwal 'ixta', yujto 'a yictax pecti', 'ay eb' tz'awtn 'elt ley yic Moisés 'a junjn scapiya eb' quit israelal. An̈jtona ticnec, an̈ja yaln 'el eb' 'a junjn sc'ul 'iljelal, xchi Jacobo 'a eb'.

A Tas Sc'ulejnac Eb' Schecab' Jesús Hechos 18:6

Palta ton̈j xcot yowl eb' 'a 'a. Caw xlaj b'uchwj eb' 'a 'a. Yuj cha, 'ix stzicb'tan̈n spichl yil eb', yic tzch'oxn senyail 'a eb', chajtlto ye'xn̈ej tzyij 'el sb'a 'a scal eb'. 'Ix yaln can 'a eb' 'ixtic: —Ax tic, mun tzeyij cot eyailal 'a eyib'n̈ 'a jun 'ejmn̈ej. An xo tic, man̈x 'a waln wic 'ayex. A ticnec, 'oj in 'at wal-l 'a eb' man̈ israeloc, xchi can 'a eb'.

A Tas Sc'ulejnac Eb' Schecab' Jesús Hechos 21:28

Caw 'ip 'ix yal chan̈ eb' 'ixtic: —Ex quit israelal, colwjan̈ec. Atn win tic tz'ec' cuync eb' 'anma 'a junjn lugar 'a maysch'olnil. Tzyaln win maysch'olnil 'a qui patc an̈ israel on̈c tic. Tzyaln pax win 'a spatc ley yic Moisés, yet' 'a spatquil yatut Dios tic. Ax ticnec, scomn 'ij 'och win jaywn̈ eb' griego 'a yamq'uil yatut Dios tic. A jun n̈a tic, yicn̈ej Dios yaji, palta caw xjuw yuj win 'a sat Dios, xchi eb'.

A Tas Sc'ulejnac Eb' Schecab' Jesús Hechos 25:3

'Ix sc'an ewin 'a Festo cha, sec toq'ue tz'ijx cot Pablo chi 'a Jerusalén cha. 'Ixta xyutj ewin yalni, yujto tznib'j ewin smil cham 'a yol b'e.

A Tas Sc'ulejnac Eb' Schecab' Jesús Hechos 25:7

Yic xc'och Pablo 'a yojltac winac, ax ewin yit israelal xcot 'a Jerusalén, 'ix c'och oynjoc ewin 'a 'a. Man̈ jantcoc tas 'ix cob' ya'ch ewin 'a yib'an̈, palta may xon wal jac tzch'ox ewinac, toto yel tzyal ewinac.

A Tas Sc'ulejnac Eb' Schecab' Jesús Hechos 26:11

Til wal 'ejm cob' wa'jnac 'och syailal eb', sec man̈xtzac ya'ch eb' sc'ojl 'a Jesús. 'Ixta 'ec' wutjnac in b'a 'a junjn scapiya eb' wit israelal, caw niwn in chichnc'ojlal 'a eb'. Xit'nc in 'a jun tzo'n̈ chon̈b' 'a najat, xit' wa'nc 'och syailal eb'.

A Tas Sc'ulejnac Eb' Schecab' Jesús Hechos 6:10

Palta ma'ix yac' ganar eb', yujto caw jeln xyutj sb'a yalni, yujto x'och Yespíritu Dios yet'oc.

A Tas Sc'ulejnac Eb' Schecab' Jesús Hechos 6:12

'Ixta xyutj eb' stzuntzn chan̈ eb' chon̈ab', yet' ewin 'ichmtac winac, yet' ewin cuywjum 'a ley yic Moisés. Yuj cha, 'ix cot jucnjoc eb' 'a Esteban cha, 'ix syamn cot eb'. Xit' ya'nc eb' 'a yojltac ewin sat yajal.

A Tas Sc'ulejnac Eb' Schecab' Jesús Hechos 6:13

Xlajw cha, 'ix sayn eb' jun tzo'n̈ xo eb' tz'a'n 'och 'es 'a yib'n̈ Esteban cha. 'Ix yaln eb' 'ixtc 'a ewin yajl cha: —A win Esteban tic, caw matz yactj can win sb'uchwj 'a yatut Dios, palta yicn̈ej Dios yaji. Tzb'uchwj pax win 'a ley yic Moisés.

Ro 3:8

'Ay eb' tzcob' alnoc 'a in patic, tolab' tzwal 'ixtic: Yel xo wach' tz'och qui mulec, sec 'oj wach' checljoc 'eli, to cojn Dios wach', xin chi ab' yal eb'. A eb' tzaln jun tzo'n̈ tic, caw smoj 'oj 'ajxc can 'at eb' 'a scal yailal.

1 Ti 1:13

Al 'a yic yalan̈, caw b'uchwjnacn 'a Cristo. Caw wa'jnac in tul 'a 'a, 'ay 'aj b'ajb'il wu'uj. Palta caw x'o'ch sc'ojl Dios 'ayin, yujto ma'ix nachj 'el wu'uj, tas xin b'o'o, yujto mant in creyenteoc ta'.