A Tas Sc'ulejnac Eb' Schecab' Jesús Hechos 5:4 - Chuj San Sebastian Bible

⁴ A 'a yic mantzac a chon̈o, yel eco'. An̈jtona', 'ixta pax 'a yic xa chon̈ni, yel ec ton stojl cha. Yuj cha, ¿tas yuj xa na jun maysch'olnil tic 'ixtic? Man̈ocn̈ej 'a 'anma xac' 'es, palta a 'a Dios xac' pax 'es, xchi Pedro 'a winac.

Chuj San Mateo Bible

⁴ Ayic manto a chon̈ luum, yel ic luum. An̈ejtona' icha pax chi', ayic ix a chon̈aneli, yel ic ton stojol chi'. Yuj chi', ¿tas yuj ix a na jun chucal tic? Man̈oclaj d'a eb' anima tzesej, palta a d'a Dios tzesej, xchi vin̈aj Pedro chi' d'a vin̈.

A Tas Sc'ulejnac Eb' Schecab' Jesús Hechos 5:4 Iomraidhean Croise

1 Cr 29:17

Wojc wal ach in Diosal, to tza b'eyc'ojlej qui nab'en, caw tzchaj a c'ojl tojlal. Yuj cha, an tic yet' in tojl nab'enal tzwa'n jun tzo'n̈ tic. A ticnec caw tzin tzalj wilni to a smasnil eb' a chon̈b' yamn 'a tic, wal 'a smasnil sc'ojl eb' 'ix ya'n eb' yofrenda 'ayach.

1 Cr 29:3

An̈jtona', yujn̈ej pax to 'ay in niwquil chamc'ojlal 'a yatut in Diosal cha, yuj cha, tzin siyj q'uen oro, q'uen plata to mun wico', an̈jtona', 'ix in yamb'tzej can smasnil tas 'oj c'anxc 'a yatut qui Diosal cha.

1 Cr 29:5

yet' 'a tzann̈j munljel 'oj sb'o eb' munljum 'a q'uen oro mto 'a q'uen plata. Ax ticnec jun, mach ex wal tz'el 'a e c'ojl eya'n eyofrenda 'a Jehová ticnec, tztac' eya'ni, xchi win rey.

1 Cr 29:9

Caw 'ix tzalj smasnil eb' 'anma', yuj jun tzo'n̈ tas 'ix 'el 'a sc'ojl eb' yajl chi ya'ni, yujto yet' wal smasnil sc'ojl eb', 'ix ya'n eb' 'a Jehová. An̈jtona', caw 'ix tzalj pax rey David yet' eb'.

Job 15:35

A eb' cha, cojn maysch'olnil nab'il yuj eb', tznib'j eb' to tzjaw maysch'olnil chi 'a yib'n̈ junc xo yit 'anma'il; cojn chi 'ayc' 'a snab'en eb', xchi win Elifaz.

Salmos 139:4

A yic mantzac wal xon junc paxti nab'il wu'uj, ach xo tic Mamin, ojc xo pax smasnil.

Salmos 7:14

'Iltec wal eb' tzb'on maysch'olnil, tzna chan̈ eb' tas tu 'a spatc yit 'anma'il. Tzyamn 'och eb' ya'n 'es 'a eb', cojn 'ixtj 'anma tzb'o eb'.

Ex 16:8

'Ix yaln pax Moisés chi 'ixtic: —A 'a yic yemc'ul tic, 'oj yac' Jehová e chi chib'ej, ax 'a sq'uin̈b'il q'uic'an, ax ex ya'n wa'oc. Yujto 'ix yab' eyaln tu paxti 'a 'a, tzcot pax eyowl 'ayn̈ on̈, palta wal yel a 'a Jehová tzcot eyowal, xchi Moisés cha.

Ex 35:29

Smasnil eb' israel cha, yet' wal smasnil sc'ojl eb' xcolwj eb' 'a jun munljel xyac' Jehová b'o'oc, eb' winac yet' eb' 'ix 'ix, xcolwj eb' smasnil. Yuj cha, c'uxn 'ix yac' eb' yofrenda chi smasnil 'a Jehová.

Ec 5:5

Yel xo wach' may tas qui comn ta'wjec, 'a yib'n̈ to tzqui ta'wjec junc tas, ax tz'aji, matz ca'c 'el'choc tas tzcalc cha.

Is 59:4

May xon junc mach tojl tas tzb'o'o, may mach tzb'oyaj sb'a 'a wach'. A tas 'aj 'aych e nab'en, atn 'a 'es yet' jun tzo'n̈ paxti man̈ yeloc. A maysch'olnil, a chi 'ayc' 'a e nab'en e b'oni, ax tz'aji, tzeya'n 'el'choc 'icha tas tze na cha.

Ez 38:10

An Jehová in, an tzwal 'ixtic: Caw tu tas 'oj a nib'c a b'o 'a jun tiempoal cha.

Nm 16:11

Wal yel, a cob' 'a Aarón ata tzeyal tu paxti'al e nani, palta may yel'chi. A mach 'aj wan eyaln tu paxti', atn 'a Jehová. Atn 'a 'a, ata tzex 'och 'ajc'ojlal yet' eb' ajun eyet' tic, xchi 'a eb'.

Lc 10:16

'Ix yaln pax 'a eb' scuywum 'ixtic: —A mach tzchan 'ab'noc 'ayex, tzyal 'el'chi, 'a 'ayn tzchaj eb' yab'i'. Ax eb' tzex patquiln can 'eli, tzyal 'el'chi, an tzin spatquilj can 'el eb'. A eb' tzin patquiln can 'el cha, tzyal 'el'chi, a Dios checjnacn coti, a tzpatquilj can pax 'el eb', xchi Jesús 'a eb'.

A Tas Sc'ulejnac Eb' Schecab' Jesús Hechos 5:3

Ax Pedro 'ix aln 'a win 'ixtic: —Ananías, ¿tas yuj xyac' win satanás a c'ojloc, yuj cha, tza'n 'es 'a Yespíritu Dios? 'In 'ix ejcan 'el nan̈l ec 'a stojl jun a lum cha.

A Tas Sc'ulejnac Eb' Schecab' Jesús Hechos 5:9

Yuj cha, xyaln pax Pedro 'ixtc 'a 'ix: —¿Tas yuj xe molalej, xeya'lni cob' eya'n prowal Yespíritu Cajlilec? A ewin xit' mucnoc win echmil, ab' sjaw ewin 'a sti n̈a. Wal ach wul yi'nc pax ewin tic, xchi 'a 'ix.

1 Co 8:8

Palta a jun tzo'n̈ tas tzqui c'uxu, matz on̈ sb'eyc'ojlej Dios yu'uj. Man̈toc yel xo wach'n̈ec, toto tzqui c'uxec. An̈jtona', toto matz qui c'uxec, matz on̈ 'och pax tu'al.

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.

Filemón 1:14

Palta matz in nib'j tzin b'ab'l b'oj in trato yet'oc, masnto tzwab' 'ayach. Yujto tzin nib'ej tzach colwj 'ayn yet'oc, man̈toc tzach 'ajx pural.

Santiago 1:15

Ax 'a yic tzqui b'on jun tzo'n̈ maysch'olnil tzqui nib'j 'och cha, tzwach' 'och qui mul. Ax yic tzwach' juw 'el qui nab'en yuj qui mul cha, yujn̈ej cha, ax qui cham 'a jun 'ejmn̈ej.

A Ch'an̈ B'ab'el Libro Samuel 8:7

'Ix ta'w Jehová 'a win 'ixtic: Chaj ab' tas tzyal eb' 'anma tic, yujto man̈oc ach tzach spatquilj can 'el eb', palta to a 'in, sec man̈xtzac wac' yajlil 'a yib'n̈ eb'.