A Tas Sc'ulejnac Eb' Schecab' Jesús Hechos 5:12 - Chuj San Sebastian Bible

¹² Ax eb' schecb' Jesús, til wal milagro 'ix ch'ox eb'. Caw 'ix ch'oxl eb' spoder Dios 'a scal eb' 'anma'. A 'a jun scorredoral yatut Dios tzcuch Yic Salomón, ata tzyam sb'a eb' creyente smasnil.

Chuj San Mateo Bible

¹² Axo eb' schecab' Jesús chi', tzijtum milagro ix sb'o eb'. Ix sch'ox val el spoder Dios eb' d'a scal eb' anima. A d'a jun stentail stemplo Dios scuchan yic Salomón, ata' ix smolb'ej sb'a eb' creyente smasanil.

A Tas Sc'ulejnac Eb' Schecab' Jesús Hechos 5:12 Iomraidhean Croise

Jeremías 26:9

¿tas wal yuj xa te'wtzej a b'a aln 'a sb'i Jehová, chajtlto a jun yatut Dios tic, lajn 'oj 'ajcn 'icha 'ajnc jun scajnub' 'ay 'a Silo? 'Ix aln paxi to 'oj lajwc 'ejm jun chon̈b' tic, man̈x 'a junc 'anma 'oj can cajn 'a 'a, xchi eb'. Smasnil eb' chon̈b' cha, 'ix jaw eb' 'a yatut Dios cha, 'ix 'och oyn̈joc eb' yac' owl wet'oc.

Mr 16:20

Xlajw chi b'i'an, 'ix 'at eb' yal-l spaxti Dios 'a junjn lugar. 'Ix 'och Cajlil yet' eb'. 'Ix sch'ox jun tzo'n̈ milagro yet' eb', sec chequel to yel jun spaxti chi tz'ec' yal eb' cha. Ya' cab'i'.]

Jn 10:23

Ax Jesús, 'ix b'eyc' 'a jun corredor tzcuch yic Salomón, 'ay 'a sti yatut Dios cha.

Jn 4:48

Palta xyaln Jesús 'ixtc 'a winac: —Q'uinloc matz eyil jun tzo'n̈ milagro, jun tzo'n̈ tzch'oxn 'el in poder, toto 'ixta', matz eya'ch e c'ojl 'ayin, xchi 'a winac.

A Tas Sc'ulejnac Eb' Schecab' Jesús Hechos 1:14

Junjn c'u, tzyamn sb'a eb' smasnil, tzleslwi eb' 'a Dios. 'Ay pax eb' 'ix 'ix tzleslwi yet' eb'. 'Ayc' María, atn snun Jesús. 'Ayc' pax eb' yu'tac.

A Tas Sc'ulejnac Eb' Schecab' Jesús Hechos 14:3

Ax Pablo yet' Bernabé, niwn tiempo 'ix 'ochcn wan eb' 'a jun chon̈b' cha. Caw te'n xyutj sb'a eb' yaln 'eli, yujto xya'ch eb' Cajlil yipc sc'ojol. Yic xyaln 'el eb' yab'xil schamc'ojlal Cajlil, a x'och yet' eb', sec tzcheclj 'eli, to yel tzyal eb'. 'Ix ya'n spoder 'a eb', sec tztac' sch'oxn eb' jun tzo'n̈ milagro.

A Tas Sc'ulejnac Eb' Schecab' Jesús Hechos 16:18

Til wal 'ejm x'ec' 'ix quet'oc. An̈j wal jun chi tzyal 'ix 'a junjn 'ejem. Ax Pablo, man̈xtzac techj yuj yab'ni. Yuj cha, 'ix meltzj 'at q'ueln 'a 'ix. 'Ix yaln 'ixtc 'a jun demonio chi 'aych 'a 'ix: —Tzwal 'ayach, yuj spoder Jesucristo, 'eln̈ 'a 'ix, xchi. Yajn̈j wal cha, x'el 'a 'ix.

A Tas Sc'ulejnac Eb' Schecab' Jesús Hechos 19:11

Ax Dios 'ix c'anlb'an Pablo sch'oxn jun tzo'n̈ milagro caw niwn yel'chi.

A Tas Sc'ulejnac Eb' Schecab' Jesús Hechos 2:46

Junjn c'u, tzyamn sb'a eb' 'a yamq'uil yatut Dios. Tzlaj syamn sb'a junjn eb' 'a yatut, tzpojn 'ec' eb' 'ixm pan yic Cena 'a scal. Junxn̈ej tzlaj wa eb' 'a tzaljc'ojlal. Caw junc'ojlal xlaj yutc sb'a eb'.

A Tas Sc'ulejnac Eb' Schecab' Jesús Hechos 28:9

Xlajw sb'ox sc'ojl win cha, ax jun tzo'n̈ xo eb' ya'ay 'a jun lugar cha, c'uxn xc'och eb' 'a Pablo. 'Ix b'ox pax can sc'ojl eb' yu'uj.

A Tas Sc'ulejnac Eb' Schecab' Jesús Hechos 3:11

A win xb'o yoc cha, caw junn̈j yec' win yet' Pedro yet' Juan. Ax eb' 'anma smasnil, caw 'ix sat sc'ojl eb'. Yuj cha, 'ix syamn sb'a eb' smasnil 'a eb', yic 'ayc' eb' 'a jun scorredoral yatut Dios tzcuch Yic Salomón.

A Tas Sc'ulejnac Eb' Schecab' Jesús Hechos 4:30

'Ac' wal a poder 'ayn̈ on̈, sec 'oj b'oxc sc'ojl eb' ya'ay. A yet' Jesús tza b'o jun tzo'n̈ milagro tzch'oxn 'el a poder. A Jesús cha, Onnal, atn jun sic'b'il 'el o'oj, xchi eb' 'a Dios.

A Tas Sc'ulejnac Eb' Schecab' Jesús Hechos 9:33

Ata x'ilchj jun winc Eneas sb'i yu'uj. Swajxquil xo ab'il stelw can a sch'at, yujto sicb'nac 'el winac.

A Tas Sc'ulejnac Eb' Schecab' Jesús Hechos 9:40

Ax Pedro cha, 'ix checn 'emt eb' smasnil. Xlajw cha, x'em cuman, 'ix leslwi. 'Ix 'och q'ueln 'a 'ix Dorcas cha, 'ix yaln 'a 'ix 'ixtic. —Tabita, tzwal 'ayach, q'uen̈ wa'an, xchi 'a 'ix.

Ro 15:19

'Ay pax jun tzo'n̈ milagro ch'oxb'il wuj 'a eb', yet' jun tzo'n̈ xo tas tzch'oxn 'el spoder Dios. Ax Yespíritu Dios 'ix yac' spoder 'ayin. 'Ixta xwutj 'ec' walnc 'el wach' 'ab'x yic Cristo 'a junjn chon̈ab'. A 'a Jerusalén, ata in b'ab'l yamj 'och waln 'eli. C'uxn x'ec' wal-l 'a junjn chon̈ab', masnto in c'och 'a chon̈b' Ilírico.

2 Co 12:12

A yic wec' 'a e cal, caw te'n wutjnac in b'a in munlj ta'. In b'ojnac jun tzo'n̈ milagro yet' jun tzo'n̈ xo tastc tzch'oxn 'el spoder Dios, caw satnc e c'ojl eyiln jun tzo'n̈ in b'ojnac cha. Yuj jun tzo'n̈ cha, tzcheclj 'eli, to yel schecb' in Cristo.

A Ch'an̈ Carta D'a Eb' Hebreo 2:4

An̈jtona Dios, ya'jnac testigoal sb'a yuj jun 'ab'x tic. Sch'oxjnac jun tzo'n̈ milagro, yet' jun tzo'n̈ tas tzsat qui c'ojlec quilni, sec chequel to caw niwn yel'ch jun 'ab'x tic. An̈jtona pax Yespíritu, tzyac' pax testigoal sb'a, yujto tzyac' copiso junjn on̈ec, a tzyala, tas tznib'j tzyac'a.