A Tas Sc'ulejnac Eb' Schecab' Jesús Hechos 4:1 - Chuj San Sebastian Bible

¹ A yic wan yaln Pedro yet' Juan 'a eb' 'anma', 'ix c'och ewin ya'mal 'och sti eb' israel 'a Dios, yet' win sat stan̈mal yatut Dios, yet' pax ewin saduceo.

Chuj San Mateo Bible

¹ Ayic van yalan vin̈aj Pedro yed' vin̈aj Juan d'a eb' anima, ix c'och eb' vin̈ sacerdote, vin̈ yajalil eb' stan̈vumal stemplo Dios yed' eb' vin̈ saduceo.

A Tas Sc'ulejnac Eb' Schecab' Jesús Hechos 4:1 Iomraidhean Croise

Mt 16:12

At yic xyaln Jesús jun tzo'n̈ chi 'a eb', atta xnachj 'el yuj eb', to man̈oc jun caw yich pan 'ay smay xyal 'a eb'. Palta atn jun tzo'n̈ scuynb'il ewin fariseo, yet' ewin saduceo tzyala.

Mt 22:16

Yuj cha, xchecn 'at ewin jaywn̈ eb' scuywum 'a Jesús, yet' jaywn̈ eb' 'aych 'a spartido rey Herodes, 'ix 'at yalnc eb' 'ixtc 'a 'a: —Ach qui Cuymal on̈, cojc wal si'mb'il on̈ to caw yeln̈j tas tzala. Cojc pax on̈, to a jun b'eyb'al tznib'j Dios, caw an̈j tzac' cuyxoc 'a yel. Jun lajnn̈ej tzotj pax a nab'en 'a smasnil 'anma', yujto lajnn̈ej ye'l'ch junjn eb' 'a a sat.

Mt 27:20

Palta ax ewin sat ya'mal 'och sti eb' 'anma', yet' ewin 'ichmtac winac, a ewin x'a'n sc'ojloc eb' 'anma', sec a Barrabás tzc'an 'elt eb', ax Jesús a tzc'an cham eb'.

Mt 27:41

'Ixta pax ewin sat ya'mal 'och sti eb' 'anma 'a Dios, yet' ewin cuywum 'a ley yic Moisés yet' ewin fariseo, yet' ewin 'ichmtac winc 'ay yopiso, 'ix laj b'uchwj ewin 'a 'a, 'ix laj yal-lanc ewin 'ixtic:

Mt 3:7

Til wal eb' fariseo yet' eb' saduceo xlaj c'och 'a 'a, sec tz'ajx bautisar eb' yu'uj. Palta xyaln 'a eb' 'ixtic: —Ax tic, caw 'ixtm 'anma 'ex, lajn ex 'icha junc chan. ¿Mach 'ix aln 'ayex, to 'oj stac' e coln 'el e b'a 'a jun niwn yailal 'oj jawoc?

Lc 20:1

'Ay jun c'u 'ix cuywj Jesús 'a eb' 'anma 'a yamq'uil yatut Dios, 'ix yaln 'el wach' 'ab'x yic colnb'il 'a scal eb'. Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, yet' ewin 'ichmtac winc 'ay yopiso, 'ix c'och ewin 'a 'a,

Lc 22:4

Yuj cha, x'at win 'at sc'umc ewin sat ya'mal 'och sti eb' israel 'a Dios, yet' eb' yajl yaj 'a yatut Dios. 'Ix smol aln yet' ewinac, tas 'oj yutc win ya'n 'och Jesús 'a yol sc'ab' eb'.

Jn 15:20

Caw tze na cot jun paxti 'ix wal 'ayx tic: May junc moso 'ec'b'al yel'ch 'a yib'n̈ spatron̈, xin chi 'ayex. 'Icha tzya'ch eb' yailal 'a wib'an̈, 'ixta 'oj yutc eb' ya'n 'och 'a eyib'n̈ jun xo. Toto 'ix syiclj eb' in paxti an tic, 'oj syiclc pax eb' eyic jun xo.

Jn 18:3

Yuj cha, 'ix c'och win ta'. Yet' win nan̈l eb' soldado. 'Ay pax nan̈l ewin stan̈mal yatut Dios, 'ix checx 'at yuj ewin sat ya'mal 'och sti eb' israel 'a Dios. Locn pax ewin fariseo 'ix checn 'at ewinac. A eb' xc'och cha, tzicb'il staj eb', yet' eb' scantil. Yet' pax eb' syamc'ab' yic owal xc'och eb'.

A Tas Sc'ulejnac Eb' Schecab' Jesús Hechos 4:6

Ax win Anás, win sat ya'mal 'och sti eb' 'a Dios, 'ix c'och pax yet' eb'. An̈jtona', 'ix c'och pax Caifás, Juan, Alejandro, yet' jun tzo'n̈ xo eb' yican eb' sat ya'mal 'och sti eb' 'a Dios.

A Tas Sc'ulejnac Eb' Schecab' Jesús Hechos 5:17

Ax win sat ya'mal 'och sti eb' israel 'a Dios, yet' smasnil ewin yitb'eym winac, atn ewin saduceo, caw xchacb' 'el sat ewin yuj schichnc'ojlal.

A Tas Sc'ulejnac Eb' Schecab' Jesús Hechos 5:24

Ax win sat ya'mal 'och sti eb' israel 'a Dios, yet' ewin yitb'eyum, yet' win sat stan̈mal yatut Dios, yic 'ix yab'n ewin jun tzo'n̈ cha, caw 'ix sat sc'ojl ewin si'mb'il. Ma'ix nachj 'el yuj ewinac, tas wal yaji.

A Tas Sc'ulejnac Eb' Schecab' Jesús Hechos 5:26

Yuj cha, ax win sat stan̈mal yatut Dios, yet' ewin policía, x'at yi'nc cot ewin eb'. Palta man̈toc amancotn xit' yutc ewin yi'n cot eb', yujto xiw ewin sjul q'uenax yuj eb' 'anma'.

A Tas Sc'ulejnac Eb' Schecab' Jesús Hechos 6:12

'Ixta xyutj eb' stzuntzn chan̈ eb' chon̈ab', yet' ewin 'ichmtac winac, yet' ewin cuywjum 'a ley yic Moisés. Yuj cha, 'ix cot jucnjoc eb' 'a Esteban cha, 'ix syamn cot eb'. Xit' ya'nc eb' 'a yojltac ewin sat yajal.

A Tas Sc'ulejnac Eb' Schecab' Jesús Hechos 6:7

A spaxti Cajlilec, caw 'ix wach' pucl 'a scal eb' 'anma'. Yuj cha, caw xwach' niwnb'i sb'isl eb' creyente 'a Jerusalén cha. Ax eb' ya'mal 'och sti eb' israel 'a Dios, caw niwn eb' xya'ch 'a sc'ojol.