A Tas Sc'ulejnac Eb' Schecab' Jesús Hechos 3:6 - Chuj San Sebastian Bible

⁶ Palta 'ix yaln Pedro chi 'a win 'ixtic: —An tic, caw may in tumin. Palta 'ay jun tztac' wu'uj, a yet' 'oj in colwj 'ayach. Yuj spoder Jesucristo 'aj Nazaret, q'uen̈ wa'an, b'eyan̈, xchi Pedro chi 'a winac.

Chuj San Mateo Bible

⁶ Palta ix yalan vin̈aj Pedro chi' d'a vin̈: —A in tic, malaj in tumin. Palta ay jun syal vuuj, a yed' jun chi' ol in colvaj d'ayach. Yuj spoder Jesucristo aj Nazaret q'uean̈ vaan, b'eyan̈, xchi vin̈ d'a vin̈.

A Tas Sc'ulejnac Eb' Schecab' Jesús Hechos 3:6 Iomraidhean Croise

Mt 10:9

A yic tzex 'ati, may e tumn tzeyi'aj, man̈ eyic' q'uen oro, yet' q'uen plata. Wach'xam junc centavo, may cab' jac tzeyi'aj,

Mt 7:22

At 'a yic 'oj jawc jun c'u cha, til wal eb' 'oj laj alnc 'ayn 'ixtic: Mamin, Mamin, caw x'ec' cal-l ab'xil on̈, yuj a poder quijnac 'el jun tzo'n̈ demonio 'a eb' 'anma 'on̈. An̈jtona', yuj a poder til wal milagro qui ch'oxjnac on̈, 'oj schic eb' 'ayin.

Mr 14:8

A tas tztac' yuj jun 'ix tic, 'ix yac' 'ayin. 'Aycto xya'n 'och 'ix jun su'q'ui sjab' 'a in niwnal tic, sec wach' lista xo waji ax in mucxi.

Mr 16:17

A eb' 'oj 'a'nc 'och 'a sc'ojol, 'oj sch'ox eb' jun tzo'n̈ milagro tic: Yuj in poder 'oj yi'l eb' jun tzo'n̈ demonio 'a eb' 'anma', 'oj paxtinc eb' 'a jun tzo'n̈ chucchc ti'al.

Jn 19:19

Ax win Pilato 'ix 'a'n tz'ib'xc 'och jun tzo'n̈ paxti 'a jun yune 'a'nte'. 'Ix ya'n 'ajxoc q'ue 'a sjolm sculsal Jesús. Tzyal jun chi 'ixtic: A Jesús 'aj Nazaret, sReyl eb' israel, xchi.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

A Tas Sc'ulejnac Eb' Schecab' Jesús Hechos 16:18

Til wal 'ejm x'ec' 'ix quet'oc. An̈j wal jun chi tzyal 'ix 'a junjn 'ejem. Ax Pablo, man̈xtzac techj yuj yab'ni. Yuj cha, 'ix meltzj 'at q'ueln 'a 'ix. 'Ix yaln 'ixtc 'a jun demonio chi 'aych 'a 'ix: —Tzwal 'ayach, yuj spoder Jesucristo, 'eln̈ 'a 'ix, xchi. Yajn̈j wal cha, x'el 'a 'ix.

A Tas Sc'ulejnac Eb' Schecab' Jesús Hechos 2:22

Ex wit israelal, 'a'c 'och e chicn 'a jun tzo'n̈ xo tic 'oj wal 'ayex. A Dios 'ix ch'oxn yopiso Jesús 'ayex, yic 'ix sb'on jun tzo'n̈ milagro, jun tzo'n̈ may 'aj tzquila, yet' jun tzo'n̈ xo tas tzch'oxn 'el spoder. A jun tzo'n̈ tic sb'o Dios yet' Jesús. 'In caw eyojc xon jun tzo'n̈ tic.

A Tas Sc'ulejnac Eb' Schecab' Jesús Hechos 2:36

A Jesús tic, 'ix eyac' 'ajxc 'och 'a spenc culus. Palta tzin nib'j tzeyojquej 'el si'mb'il e masnil ex wit israelal, to a x'ajx 'och Cajlilc yuj Dios, atn Cristo, xchi Pedro.

A Tas Sc'ulejnac Eb' Schecab' Jesús Hechos 3:16

A jun win tzeyil tic, eyojc xon winac. Palta a Jesús x'a'n b'oxc winac, yujto a tzca'ch 'a qui c'ojl on̈. Yujn̈ej to tzca'ch qui c'ojl 'a Jesús on̈, yuj cha, 'ix b'ox win si'mb'il 'a e sat e masnil.

A Tas Sc'ulejnac Eb' Schecab' Jesús Hechos 3:5

Yuj cha, x'och q'ueln win 'a eb', snan winac toq'ue tzyac' eb' jac stumin.

A Tas Sc'ulejnac Eb' Schecab' Jesús Hechos 3:7

Xlajw cha, 'ix 'och yamn Pedro chi 'a swach' c'ab' winac. 'Ix sto'n chan̈ lin̈an. Yajn̈j wal cha, 'ix 'och yip yoc winac, yet' sjaj yoc schab'il.

A Tas Sc'ulejnac Eb' Schecab' Jesús Hechos 4:10

Yuj cha, a jun tic 'oj cal 'ayx on̈, sec 'oj yojcoc pax 'el smasnil eb' quit israelalec. A win xjaw 'a eyojltac tic, yujn̈ej spoder Jesucristo 'aj Nazaret, 'ix b'o winac. Atn Jesucristo tic xeyac' 'ajxc 'och 'a spenc culus. Palta ax Dios x'a'n pitzwc pax 'a scal eb' chamnac.

A Tas Sc'ulejnac Eb' Schecab' Jesús Hechos 4:7

'Ix ya'n ewin 'ijxc cot Pedro yet' Juan 'a yojltac. 'Ix sc'anb'n ewin 'a eb' 'ixtic: —¿'Aj xeyij jun eyopiso tic, yuj cha, tze b'on jun tzo'n̈ tic? ¿Mach wal x'a'n e b'o'? xchi ewinac.

A Tas Sc'ulejnac Eb' Schecab' Jesús Hechos 9:34

Yuj cha, 'ix yaln Pedro 'a win 'ixtic. —Eneas, tzwal 'ayach, a Jesucristo tz'a'n b'oxc a c'ojol. Yuj cha, q'uen̈ wa'an. 'Ij chan̈ a waynub', xchi 'a winac. Yajn̈j wal cha, xq'ue wan winac.

1 Co 4:11

A ticnec, 'ay 'aj caw tzcab' syal yuj wejl on̈, yet' tacn̈ti'al. Caw may pax qui pichl on̈. 'Ay 'aj tzon̈ smac' eb' 'anma on̈. May pax catut on̈.

2 Co 6:10

Wach'xam tz'ajx qui cusc'ojlal on̈, palta smasnil tiempo tzon̈ tzalj on̈. Wach'xam caw meb'a on̈ on̈, palta til wal eb' tz'och ricoal 'a sat Dios cuj on̈. Wach'xam may xon jac tas 'ayn̈ on̈, palta a 'a sat Dios, 'ay smasnil tas 'ayn̈ on̈.

2 Co 8:12

Toto tz'el 'a qui c'ojlec ca'n cofrenda, caw tzalj Dios yet'oc, a tzyala tas 'ay 'ayn̈ec. Matz c'ana, toto may tas 'ay 'ayn̈ec.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

A Sb'ab'el Carta San Pedro 4:10

Tzlaj ca'laquec servil 'ayn̈ junjn on̈ec, a tzyala, tastc copiso tz'ajx yuj Dios. Toto 'ixta', wach' tzcutjec qui c'anlb'an copiso cha. Yujto chucch copiso tzyac' 'ayn̈ junjn on̈ yuj swach'c'ojlal.