A Tas Sc'ulejnac Eb' Schecab' Jesús Hechos 3:2 - Chuj San Sebastian Bible

² 'Ay jun winac, matz tac' sb'eyi, yaljb'en xoni. Junjn c'u, tzme'x coti, tzcan 'a sti yatut Dios 'a jun tzcuch Wach' Yilxi. Ata tzc'an win jac stumn 'a eb' tzc'och 'a yatut Dios cha.

Chuj San Mateo Bible

² Ay jun vin̈, junjun c'u tzul chelchajcan d'a yol sti' jun spuertail yamaq'uil templo chi', aton d'a jun scuch Vach' Yilji, yic sc'an tumin vin̈ d'a eb' sc'och d'a yol yamaq'uil templo chi', yujto max yal sb'ey vin̈ yictax ix alji.

A Tas Sc'ulejnac Eb' Schecab' Jesús Hechos 3:2 Iomraidhean Croise

Lc 16:20

'Ay pax jun winc Lázaro sb'i, caw meb'a'. 'Ay wal jun tzo'n̈ niwc yab'il 'ay q'ue 'a sniwnal. An̈j 'a sti yatut win rico chi tz'at 'em wocan.

Lc 18:35

Ax yic wan sc'och Jesús 'a chon̈b' Jericó, 'ay jun winc matz uj yilni, wocn 'ejm win 'a sti b'e. Wan sc'ann win jac siylab' 'a eb' 'anma tzb'ey 'a b'e cha.

Jn 9:8

Ax eb' 'ay 'a stz'ey yatut winac, yet' jun tzo'n̈ xo eb' toxn 'ojtnac winac, to matz uj yiln xon winac, 'ix laj yalnc eb' 'ixtic: —A jun winc tic, 'icha to a jun tz'em wocn sc'an stumin, xchi eb'.

A Tas Sc'ulejnac Eb' Schecab' Jesús Hechos 10:31

'Ix yaln 'ayn 'ixtic: Cornelio, 'ix yab' Dios a lesal, 'ix snan cot pax jun tzo'n̈ a siylab' tzac' 'a eb' meb'a'.

A Tas Sc'ulejnac Eb' Schecab' Jesús Hechos 10:4

'Ix 'och q'ueln Cornelio a jun ángel cha. Caw 'ix xiw win yu'uj: —Mamin, ¿tas tzal 'ayin? xchi win 'a 'a. Yuj cha, xyaln 'a win 'ixtic: —Caw 'ix yab' Dios a lesal. 'Ix yiln pax jun tzo'n̈ a siylab' tzac' 'a eb' meb'a'. Caw matz sat sc'ojl 'a jun tzo'n̈ cha.

A Tas Sc'ulejnac Eb' Schecab' Jesús Hechos 14:8

A 'a chon̈b' Listra, ata 'ay jun winc matz tac' sb'eyi, yaljb'en xoni. May 'aj tzb'ey xon win jab'oc. Ax 'a jun 'el, wocn 'ejm winac,

A Tas Sc'ulejnac Eb' Schecab' Jesús Hechos 3:10

Yuj cha, caw 'ix sat sc'ojl eb' si'mb'il, tas 'ix 'aj win sb'o'i, yujto yojc eb', 'a junjn c'u wocn 'ejm win sc'an stumn 'a sti yatut Dios, 'a jun tzcuch Wach' Yilxi.

A Tas Sc'ulejnac Eb' Schecab' Jesús Hechos 4:22

Ax win xb'o yoc yuj jun milagro cha, 'ec'b'al xo chawinc ab'il sq'uinl winac.