A Tas Sc'ulejnac Eb' Schecab' Jesús Hechos 23:12 - Chuj San Sebastian Bible

¹² Ax 'a sq'uin̈b'ial, 'ay jaywn̈ eb' israel 'ix syam sb'a. 'Ix smol aln eb', to 'oj smil cham eb' Pablo. 'Ix yaln eb' 'ixtic: Ma'oj qui wa'ec, may tas 'oj cuq'uec, masnto tzcham Pablo cujec. Comnoc 'oj yac' Dios qui yailalec toto matz cac' 'el'choc 'icha tzcalec, xchi eb'.

Chuj San Mateo Bible

¹² Axo d'a junxo q'uin̈ib'alil, ay jayvan̈ eb' israel ix smolb'ej sb'a. Ix slajtian sb'a eb' to ol smilcham vin̈aj Pablo chi' eb'. Ix yalan eb': —Man̈ ol on̈ vaoc, man̈ ol cuc'pax a' masanto sco milcham vin̈aj Pablo chi'. Axo tato man̈ ol co c'anab'ajej icha scal tic jun, yac'ocab' co yaelal Dios, xchi eb'.

A Tas Sc'ulejnac Eb' Schecab' Jesús Hechos 23:12 Iomraidhean Croise

Gn 37:18

Najtto wal sc'och 'a eb', xyiln sb'a eb' 'a 'a, smol aln eb' tas tzyutj eb' smiln cham José cha.

A Ch'an̈ B'ab'el Libro Yic Yab'ixal Eb' Rey 19:2

Yuj cha, 'ix schecn 'at 'ix Jezabel jun schecb' 'a Elías yic tz'at ya'nc 'ix alxc 'a 'ixtic: A cab' eb' in diosal tz'a'n cot yailal 'a wib'an̈, toto mantzac ach cham wuj yab'n 'icha hora tic q'uic'an, 'icha 'ix otj a miln ewin schecb' in diosal cha, xchi 'ix.

A Ch'an̈ Schab'il Libro Yic Yab'ixal Eb' Rey 6:31

Xlajw cha, 'ix yaln win 'ixtic: ¡Cotcn cab' yowl sc'ojl Dios 'a wib'an̈, toto matz wac' 'ijxoc 'el sjolm Eliseo, yunnal Safat 'a jun c'u tic! xchi win rey cha.

Nehemías 10:29

'Ix syam sb'a eb' yet' eb' syajlil eb' to yicanto sb'a yet'oc. 'Ix yac' eb' sti', to 'oj sb'eylb'oc eb' sley Dios alb'il can yuj Moisés, win schecb' Dios, ax syiclni pax eb' smasnil schecnb'il, scuynb'il Jehová Dios, ax eb' ma'oj yiclnoc jun trato cha, 'oj jawc catb' 'a yib'n̈ eb'.

Ester 2:22

A yic xyab'n Mardoqueo jun paxti cha, 'ix yaln 'a 'ix reina Ester, ax 'ix xaln 'a win rey yuj jun tas 'ix yab' win Mardoqueo cha.

Salmos 31:13

Tzwab' sajsni eb' 'anma 'a in patic. 'Ayxn̈ej in xiwc'ojlal 'a smasnil lugar. Jun lajn xoj tzyutj eb' snan 'a in patic, tzmol aln eb' tas tzyutj eb' yi'n 'ec' in q'uinal.

Jeremías 11:19

Caw wal tzaljc'ojlal waji, 'icha junc no calnelu tz'ijx 'at 'a 'aj tzmilx chamoc, caw man̈ wojcoc tas tu wan snan eb' 'a in patic. Tzyaln eb' 'ixtic: Qui milc chamoc, sec wach' man̈x 'a mach tznan coti, 'icha wal tz'aj stzu'x 'el junc te te', sec man̈xtzac satni, xchi eb'.

Jeremías 44:25

A Jehová tztac' yuj smasnil, qui Diosalec an̈ israel on̈c tic, a tzaln 'ixtic: Ax tic yet' eb' 'ix eyistzil, xeyac' e ti 'a 'ix syajlil satcha'an̈, yic tzeya'n tz'a incienso yet' yal uva ofrendail 'a 'ix, atn tas wan eyiclni e b'on ticnec. Wach' toni, yicljec e b'on jun 'aj xeyac' e ti cha, xchi.

Lv 27:29

A pax junc 'anma to 'aych xon chaml 'a yib'an̈, matz tac' smanx 'eli, a jun cha, yowlal tzchami.

Mt 26:4

Ata xlaj yal eb', tas 'oj yutc eb' ya'n 'och 'es 'a yib'n̈ Jesús, sec tzyamchj yuj eb', tzmiln eb'.

Mt 26:74

Ax yic xlajw yaln eb' winc cha, 'ix sc'ann cot Pedro chi yowl sc'ojl Dios 'a yib'an̈, 'ix slocn sb'i Dios: —A jun winc cha, caw man̈ wojcoc, xchi 'a eb', at wal slajw yaln jun cha, 'ix 'oc' no 'ajtzo'.

Mt 27:25

Yuj cha, xlaj yalnc eb' smasnil 'ixtc 'a winac: —Can cab' 'a quib'n̈ on̈, yet' 'a yib'n̈ eb' quin̈tl on̈, xchi eb'.

A Tas Sc'ulejnac Eb' Schecab' Jesús Hechos 23:13

'Ec'b'al chawinc eb' xaln 'ixta'.

A Tas Sc'ulejnac Eb' Schecab' Jesús Hechos 23:14

Yuj cha, x'at eb' 'a ewin sat ya'mal 'och sti eb' 'a Dios, yet' 'a eb' 'ichmtac winc 'ay yopiso 'a yib'n̈ eb' israel, 'ix yaln eb' 'ixtic: —'Ix cac' qui ti 'on̈, chajtlto matz on̈ wa 'on̈, masnto tzcham Pablo cuj on̈. Xqui c'ann qui yailal 'a Dios on̈, toto matz cac' 'el'choc tas chi tzcal on̈.

A Tas Sc'ulejnac Eb' Schecab' Jesús Hechos 23:21

Palta man̈ a cha ab'i', yujto 'ec'b'al chawinc eb' 'oj sc'ub'c 'el sb'a, ax sma'n cham eb' 'a yol b'e. Tolab' xyac' eb' sti', chajtlto ma'oj wa eb', masnto ab' 'oj cham Pablo chi yuj eb'. 'Ix sc'ann eb' syailal 'a Dios, toto ma'oj yac' 'el'choc eb' jun tzyal cha. A ticnec, lista xo yaj eb', wan stan̈wni eb' yab'i', toto 'oj a't Pablo cha, xchi win quelm cha.

A Tas Sc'ulejnac Eb' Schecab' Jesús Hechos 23:30

Palta xwab'i, to 'ay eb' yit israelal 'ix mol alni, chajtlto tzmil cham eb' winac. Yuj cha, tzwa'n 'at win 'ayach, 'ix waln 'a eb' tz'a'n queja cha, tztac' s'at eb' 'ayach, tz'at yalnoc eb' tas wal snab'en eb' 'a spatic. Cojn tic tzwal't 'ayach, ya' cab'i', xchi win 'a scarta cha.

A Tas Sc'ulejnac Eb' Schecab' Jesús Hechos 25:3

'Ix sc'an ewin 'a Festo cha, sec toq'ue tz'ijx cot Pablo chi 'a Jerusalén cha. 'Ixta xyutj ewin yalni, yujto tznib'j ewin smil cham 'a yol b'e.

A Tas Sc'ulejnac Eb' Schecab' Jesús Hechos 9:23

Ax yic niwn xo tiempo x'eq'ui, 'ix slajtin sb'a eb' israel 'a spatc Saulo cha. 'Ix smol aln eb', to 'oj smil cham eb'.

A Tas Sc'ulejnac Eb' Schecab' Jesús Hechos 9:24

Sc'ual yac'wlil stan̈wni eb' 'a jun tzo'n̈ b'e tz'at 'a sti 'el chon̈ab', sec ata tzmil cham eb' snani. Palta xyab'n Saulo chi speclal, tas 'ix yal eb' 'a spatic.

1 Co 16:22

Toto 'ay junc mach matz chamc'ojlan Cajlil Jesucristo, 'ay cab' yowl sc'ojl Dios 'a yib'an̈. Ach Cajlil on̈, comnoc tzach jaw muc'uc.

2 Co 11:26

Til wal 'ajtc b'eync in 'eq'ui. 'Ay 'aj 'ay smay yuj a niwc a', yet' pax yuj eb' 'elc'um. 'Ay 'aj 'ay smay yuj eb' wit chon̈ab', yet' pax yuj eb' man̈ wit chon̈b'oc. 'Ay 'aj 'ay smay 'a jun tzo'n̈ chon̈ab', yet' 'a b'esan, yet' pax 'a yib'n̈ a mar. 'Ay pax 'aj 'ay smay 'a scal eb' tzcob' yalch sb'a cu'tacoquec.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

1 Ts 2:16

A yic tzcaln 'el 'ab'x 'a eb' man̈ israeloc on̈, sec tzcolchj eb', palta ax eb' israel, caw matz chaj eb' cal-l on̈. Yuj cha, yel xo wal tzwach' niwtj smul eb' 'a Dios. Yuj cha, a ticnec tox xya'ch jun niwn yailal 'a yib'n̈ eb' 'a jun 'ejmn̈ej yuj yowl sc'ojol.

Josué 6:26

Xlajw cha, xyaln Josué jun tzo'n̈ spaxti tic 'ixtic: Scatb'oc cab' Jehová junc mach tznib'j b'onc pax chan̈ jun chon̈b' tic b'aq'uin̈. Cham cab' sb'ab'l 'unnal yic tz'em smuroal yich, ax yic tz'och spuertail, a cab' win stza'n 'unn tzchami, xchi.

Josué 7:1

Palta 'ay jun win tzcuch Acán, yin̈tl can Judá, yunnal win Carmi, yixchicn Zabdi, schab'l 'ichicn Zera. 'Ix yij 'at win jun tzo'n̈ tas to 'ay yowlal yijx 'ati, atn jun tzo'n̈ to tz'ajx lajwoc. Ax x'aji, 'ix locchj c'och smasnil eb' yin̈tl Israel yab'n syal yuj smul jun winc cha, yujto 'ix yij 'at jun tzo'n̈ tas to 'ay yowlal, yuj cha, caw wal 'ix cot yowl Jehová 'a yib'n̈ eb' chon̈ab'.

Josué 7:15

A mach tz'ilchj yet' tas 'ayc' 'a cha, atn jun tzo'n̈ xwal to tzsatli, a jun cha, milx cab' chamoc, tzlajw cha, tz'ajx tz'a yet' yunnal yet' pax smasnil tas 'ay 'a 'a, yujto 'ix yij 'och tas maysch'olnil 'a scal yit chon̈ab', ma'ix syiclj strato wet'oc, xchi Jehová, xa chi, xchi Dios.

A Ch'an̈ B'ab'el Libro Samuel 14:24

Palta a eb' israel, caw 'ix tzactzj chan̈ eb' 'a jun c'u cha, yujto 'ay jun sti Saúl xyal 'ixtic: Cot cab' catb' 'a yib'n̈ mach tzwa 'a yic mantzac q'uic'b' cha'an̈ yic mantzac wa'x in pac 'a eb' 'ajc'ojol, xchi. Ax eb' chon̈ab', mantzac wa xon eb' jab'oc.