A Tas Sc'ulejnac Eb' Schecab' Jesús Hechos 22:5 - Chuj San Sebastian Bible

⁵ A win sat ya'mal 'och qui tic 'a Dios, yet' eb' yajl smasnil, tztac' yaln eb', chajtlto yel tzwala. Yujto a eb' 'a'jnac jun tzo'n̈ carta 'ayin, yic cob' wi'nc 'at 'a eb' quit israelal 'a chon̈b' Damasco. In cob' 'at 'a chon̈b' cha, yujto xin nib'j xin sayc' eb' creyente ta'. Xin nib'j x'at in jal cot eb', tzwul wa'nc eb' 'a Jerusalén tic, yic tz'ajx 'och syailal eb'.

Chuj San Mateo Bible

⁵ A vin̈ sacerdote yed' eb' vin̈ yajal smasanil syal yalan eb' vin̈ to yel svala', yujto yac'nac juntzan̈ carta eb' vin̈ d'ayin yic svic'anb'at d'a eb' quetisraelal d'a chon̈ab' Damasco. B'at in d'a chon̈ab' chi' yujto in gana tzin sayec' eb' creyente ta'. In gana sb'at in tzec'cot eb', tzul vac'an eb' d'a Jerusalén tic yic tz'ac'jioch syaelal eb'.

A Tas Sc'ulejnac Eb' Schecab' Jesús Hechos 22:5 Iomraidhean Croise

Lc 22:66

Ax yic wan sacb'i, syamn sb'a eb' 'ichmtac winc 'ay yopiso 'a scal eb' israel, yet' eb' sat ya'mal 'och sti eb' 'anma 'a Dios, yet' eb' cuywjum 'a ley yic Moisés. Xlajw cha, 'ix 'ijx 'at Jesús 'a yojltac ewin sat yajl cha. Ata sc'anb'j eb' 'ixtc 'a 'a:

A Tas Sc'ulejnac Eb' Schecab' Jesús Hechos 1:15

A 'a yic jun tiempoal cha, 'aym junc 120 eb' creyente 'ix syam sb'a. Ax Pedro xq'ue wan lin̈n 'a scal eb'. 'Ix yaln 'ixtic:

A Tas Sc'ulejnac Eb' Schecab' Jesús Hechos 13:26

Ex wit 'anma'il, ex yin̈tl can Abraham wet'oc, yet' ex 'ay e xiwc'ojlal 'a Dios, a jun 'ab'x yic colnb'il tic, eyic wet'oc.

A Tas Sc'ulejnac Eb' Schecab' Jesús Hechos 2:29

Ex wit chon̈ab', caw checl tas 'ajnc qui mam quichmec David cha. Cojquec, to chamnac, mucxnac. A jun yet'l 'aj mucb'il cha, an̈ja checl yaj ticnec.

A Tas Sc'ulejnac Eb' Schecab' Jesús Hechos 22:1

Ex 'ichmtac winac, yet' ex wit chon̈ab', 'ab'c jun tzo'n̈ in paxti 'oj wal 'ayx tic, xchi.

A Tas Sc'ulejnac Eb' Schecab' Jesús Hechos 23:1

Ax Pablo, x'ec' q'uel-loc 'a eb' sat yajal, 'ix yaln 'ixtc 'a eb': —Ex wit chon̈ab', tojln̈ej yaj in nab'en 'a sat Dios, masnto 'a jun c'u tic, xchi 'a eb'.

A Tas Sc'ulejnac Eb' Schecab' Jesús Hechos 23:6

Ax 'ix yilni to saduceo nan̈l eb' sat yajl cha, ax nan̈l xo eb', fariseo eb'. Yuj cha, caw 'ip 'ix yal 'a eb' 'ixtic: —Ex wit chon̈ab', an tic fariseo in, fariseo pax in mam. To wan in b'eyc'ojlaxi, yujto tzwa'ch 'a in c'ojol, to 'oj pitzwc pax eb' chamnac, xchi 'a eb'.

A Tas Sc'ulejnac Eb' Schecab' Jesús Hechos 26:10

'ixta wutjnac in b'a 'a Jerusalén. 'Ochnc wopiso yuj ewin sat ya'mal 'och qui ti 'a Dios on̈, yuj cha, til wal eb' creyente wa'jnac 'och 'a preso, yic sma'x cham eb', in ta'w 'at 'a spatc eb'.

A Tas Sc'ulejnac Eb' Schecab' Jesús Hechos 26:11

Til wal 'ejm cob' wa'jnac 'och syailal eb', sec man̈xtzac ya'ch eb' sc'ojl 'a Jesús. 'Ixta 'ec' wutjnac in b'a 'a junjn scapiya eb' wit israelal, caw niwn in chichnc'ojlal 'a eb'. Xit'nc in 'a jun tzo'n̈ chon̈b' 'a najat, xit' wa'nc 'och syailal eb'.

A Tas Sc'ulejnac Eb' Schecab' Jesús Hechos 26:12

Yuj wal in chichnc'ojlal cha, in 'at 'a chon̈b' Damasco 'a jun 'el. 'Ay wopiso yuj ewin sat ya'mal 'och qui ti 'a Dios on̈, a ewin checjnacn 'ati.

A Tas Sc'ulejnac Eb' Schecab' Jesús Hechos 28:17

Schab'jil xo qui c'och ta 'on̈, ax Pablo x'awtn cot ewin checl yaj 'a scal eb' yit israelal 'a Roma cha. Ax yic xc'och ewin 'a 'a, 'ix yaln 'a ewin 'ixtic: —Ex wit chon̈ab', caw may in mul 'a eb' quit israelal. Ma'ix in ju pax sb'eyb'al eb' qui mam quichm 'aycn 'ayn̈ec. Palta a 'a Jerusalén, in ya'ch eb' 'a yol sc'ab' eb' 'aj Roma.

A Tas Sc'ulejnac Eb' Schecab' Jesús Hechos 28:21

Yuj cha, xyaln ewin yit israelal chi 'ixtc 'a 'a: —May xon junc carta xcot 'a eb' 'aj Judea chi xqui cha'aj, yic tzyaln eb' o'oj, may pax junc eb' quit israelal xwul alnc junc tas tu 'a a patic.

A Tas Sc'ulejnac Eb' Schecab' Jesús Hechos 3:17

Ax ticnec ex wit chon̈ab', wojtac to xeyac' milxoc cham Jesús, yujto mant eyojcoc, tas wan e b'oni. 'Ixta pax ewin yajal, man̈ yojcoc ewinac.

A Tas Sc'ulejnac Eb' Schecab' Jesús Hechos 4:5

Ax 'a junx c'u, 'ix syamn sb'a eb' sat yajl 'a Jerusalén cha, yet' eb' 'ichmtac winc 'ay yopiso, yet' eb' cuywjum 'a ley yic Moisés.

A Tas Sc'ulejnac Eb' Schecab' Jesús Hechos 5:21

Yuj cha, ax 'a yic wan sacb'i, 'ix c'och eb' 'a yamq'uil yatut Dios. 'Ix syamn 'och eb' scuywj ta'. Ax win sat ya'mal 'och sti eb' israel 'a Dios, yet' ewin yitb'eyum, 'ix yawtn cot ewin eb' sat yajal, atn jantcn̈ej eb' yajl yaj 'a eb' israel. Xlajw cha, xchecn 'at ewin jaywn̈ ewin policía, yic tz'at cob' yi'nc 'elt ewin eb' schecb' Jesús 'a preso snani.

A Tas Sc'ulejnac Eb' Schecab' Jesús Hechos 9:14

A ticnec 'ix jaw win 'a tic. 'Ix 'ajx yopiso yuj eb' sat ya'mal 'och qui ti 'aych on̈, yic tzyamn win jantcn̈ej eb' tzyal sb'a 'ayach, xchi.

Gl 1:13

Eyab'jnac xo, chajtl wutjnac in b'a 'a yic yalan̈, yic wa'n 'och in nab'en 'a scuynb'il eb' wit israelal. Caw niwn yailal 'ec' wa'jnac 'och 'a yib'n̈ yiglesia Dios. Wa'ljnac in satn 'el eb' smasnil.

A Scarta San Pablo D'a Eb' Aj Filipos 3:6

Caw wa'jnac 'och in nab'en 'a jun qui cuynb'il chi 'on̈, yuj cha, wa'n 'och syailal eb' yic xo Cristo. C'uxn in yicljnac jantcn̈ej tas tzyal 'a ley yic Moisés, man̈x 'a jac in paltail 'a 'a.

1 Ti 4:14

A yic ya'n 'at eb' anciano sc'ab' 'a a jolom, ata ya'jnac Dios opiso, sec tznachj 'el o'oj, tas tzotj a'n servil 'a 'a. A 'a'jnac nachjc 'el yuj eb', to 'ixta 'oj ach yutoc. Yuj cha, caw man̈ actc can jun opiso cha.