A Tas Sc'ulejnac Eb' Schecab' Jesús Hechos 2:42 - Chuj San Sebastian Bible

⁴² Caw xya'ch eb' snab'en 'a jun tzo'n̈ cuynb'il xyac' eb' schecb' Jesús. Junxn̈ej xlaj yutc eb' snab'en smasnil. Tzyamn sb'a eb', yic tzleslwi eb'. Tzwan eb' 'ixm pan, yic snanb'il cot Cajlil.

Chuj San Mateo Bible

⁴² Ix yac'an val och spensar eb' d'a juntzan̈ c'ayb'ub'al ix yal eb' schecab' Jesús chi'. Junxon̈ej ix yutej spensar eb' smasanil. Slesalvi eb', smolb'an sb'a eb', svaan ixim pan eb' yic vach' snaancot Jesús Cajal eb'.

A Tas Sc'ulejnac Eb' Schecab' Jesús Hechos 2:42 Iomraidhean Croise

Lc 24:30

Ax yic x'och wocn 'a te mexa yet' eb'. 'Ix yi'n chan̈ jun pan. 'Ix ya'n yuj diosal 'a Dios yu'uj. Xlajw cha, sch'iyn 'ec' 'a eb'.

Lc 24:35

Xlajw cha, xyaln pax eb' chawn̈ cha, tas 'ix 'aj eb' 'a yol b'e. 'Ix yaln pax eb', chajtl x'aj yilchj 'el Jesús yuj eb', yic 'ix sch'iyn 'ec' jun pan 'a eb'.

A Tas Sc'ulejnac Eb' Schecab' Jesús Hechos 1:14

Junjn c'u, tzyamn sb'a eb' smasnil, tzleslwi eb' 'a Dios. 'Ay pax eb' 'ix 'ix tzleslwi yet' eb'. 'Ayc' María, atn snun Jesús. 'Ayc' pax eb' yu'tac.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

A Tas Sc'ulejnac Eb' Schecab' Jesús Hechos 2:46

Junjn c'u, tzyamn sb'a eb' 'a yamq'uil yatut Dios. Tzlaj syamn sb'a junjn eb' 'a yatut, tzpojn 'ec' eb' 'ixm pan yic Cena 'a scal. Junxn̈ej tzlaj wa eb' 'a tzaljc'ojlal. Caw junc'ojlal xlaj yutc sb'a eb'.

A Tas Sc'ulejnac Eb' Schecab' Jesús Hechos 20:11

Xlajw cha, on̈ q'uex yet' Pablo 'a yol cuarto chi jun 'ejm xo on̈. 'Ix spojn 'ec' 'ixm pan 'a qui cal on̈. Xqui wan on̈. Til to wal tas 'ix yal Pablo cha, masnto 'ix sacb'i. Xlajw xoj cha, x'atxi.

A Tas Sc'ulejnac Eb' Schecab' Jesús Hechos 20:7

Ax 'a yic domingo, xqui yamn qui b'a yet' eb' creyente smasnil on̈, yic xqui wan 'ixm pan yic snanb'il cot Cajlil. Ax Pablo x'a'n scuynb'il eb' creyente. Q'ui'noc xoj s'ati. Yuj cha, til wal tas 'ix yalcn 'a eb', masnto x'och chim'ac'wal.

A Tas Sc'ulejnac Eb' Schecab' Jesús Hechos 4:23

Xlajwn̈ej yel Pedro yet' Juan 'a libre, 'ix 'at eb'. 'Ix c'ochx eb' 'a 'aj 'aycn jun tzo'n̈ xo yitb'eym eb'. Cuxn xyal eb', jantcn̈ej tas 'ix alx 'a eb' yuj ewin sat ya'mal 'och sti eb' israel 'a Dios, yet' eb' 'ichmtac winc 'ay yopiso.

A Tas Sc'ulejnac Eb' Schecab' Jesús Hechos 4:31

Yic 'ix lajw sleslwi eb', ax jun n̈a 'aj 'ayc' eb' cha, caw 'ix tzicb'tan̈x yuj Dios. 'Ix wach' 'och Yespíritu 'a junjn eb'. Yuj cha, caw te'n xyutj sb'a eb' yaln 'el spaxti Dios.

A Tas Sc'ulejnac Eb' Schecab' Jesús Hechos 6:4

An̈ xo tic on̈, an̈ja 'oj qui leslwi on̈, ax caln pax 'el spaxti Dios on̈, xchi eb' lajchwan̈ cha.

Ro 12:12

'Ay cab' qui tzaljc'ojlalec 'a smasnil tiempo, yujto tzca'c 'och Dios yipc qui c'ojol. Caw te'n tzcutjec qui b'a cab'n syail. May cab' b'a'n̈ tzcactjec qui leslwi 'a Dios.

1 Co 10:21

Matz tac' qui comn 'u'lb'anec jun vaso yic Cajlil, toto tzcu'lb'ejec pax jun yic ewin demonio. An̈jtona', matz tac' qui comn wanec jun pan tz'ajx 'ayn̈ec 'a smexa Cajlil, toto tzqui c'uxc jun tzo'n̈ tas tz'ajx 'a smexa ewin demonio cha.

1 Co 11:2

Ex wu'tac, ex wanab', tzex wal wach'l ta', yujto smasnil tiempo tzin e na coti. Wan e b'eylb'an pax jun tzo'n̈ cuynb'il waljnac can 'ayex.

1 Co 14:6

Yuj cha, ex wu'tac, ex wanab', q'uinloc an tzin c'och wal-l jun tzo'n̈ chucchc til chi 'ayx ticnec, ¿tas wal jac swach'l tzeyij cani? Cojn to tzwac' eyojcoc 'el jun tzo'n̈ tas 'ac'b'il 'ayn yuj Dios, jun tzo'n̈ sjelnal, mto tzwal-l spaxti Dios yet' jun tzo'n̈ xo cuynb'il 'ayex, cojn 'ixta', 'ay tas wach' 'oj eyi'cn b'i'an.

Gl 1:6

A Dios 'awtjnacn̈ec yuj swach'c'ojlal Cristo. Palta caw tzsat in c'ojl eyu'uj, yujto wan laj eyactn can Dios muc'uc. Ax ticnec, wan cob' eya'nc 'och e nab'en 'a junx chuc 'ab'xil yic colnb'il tzalx 'ayex.

Ef 2:20

'Icha junc n̈a 'ix b'o'i, 'ixta 'ex. An̈ schecb' on̈ Jesús tic on̈, yet' jun tzo'n̈ xo eb' schecb' Dios, 'icha to an̈ ca'jnac 'ejm yich on̈. Ax xo, 'icha to ax tusb'ilx q'ue 'a yib'an̈. Ax Jesucristo, 'icha junc q'uen q'uen yipnub' yich n̈a yaji, 'ixta yaj 'ayn̈ec.

Ef 6:18

An̈jtona', smasnil tiempo caw tzex leslwi 'a Dios yet' spoder Yespíritu, tze c'ann tas 'a 'a. Caw tzeya'ch e nab'en e leslwi. Man̈ ex tzactzjoc. Leslwan̈c yuj jantcn̈ej eb' yic xo Dios quet'ec.

A Scarta San Pablo D'a Eb' Aj Filipos 1:5

yujto atxo 'a yic e chan Cristo masnto ticnec, junxn̈ej tzon̈ munljec 'a wach' 'ab'x yic colnb'il tic.

A Scarta San Pablo D'a Eb' Aj Colosas 1:23

Palta yowlal tzeya'ch 'a e c'ojl 'a smasnil tiempo. Caw te'n tzeyutj e nab'en, 'icha junc te caw 'ay sch'an̈l yib'. A jun wach' 'ab'x yic colnb'il eyab'jnac xo, man̈ eyactc can eya'n 'och yipc e c'ojol. A jun wach' 'ab'x tic, wan yalx 'el 'a smasnil yolyib'n̈q'uinl tic. An xo Pablo in tic, wan waln 'el pax jun xo.

A Scarta San Pablo D'a Eb' Aj Colosas 4:2

Ax xo e masnil, yelc'ojlal caw tzex leslwi 'a smasnil tiempo. Tzlaj eya'nc pax yuj diosal 'a Dios.

2 Ti 3:14

Palta ach xo, caw te'n tzotj a'n 'och a nab'en 'a jun tzo'n̈ cuynb'il a cuyjnac. Caw 'aych a c'ojl 'a jun tzo'n̈ cuynb'il cha, yujto ojtac mach cuyjnac ach.

A Ch'an̈ Carta D'a Eb' Hebreo 10:25

Matz tac' cactnec can qui yamn qui b'a, 'icha sb'eyb'al jun tzo'n̈ xo eb'. Yowlal tzlaj ca'laquec qui nab'en. Ca'c wal 'ip, yujto tzquilc jun tzo'n̈ senya tzch'oxo, to jab'xoj sjaw sc'ul sjaw Cajlilec.

A Ch'an̈ Carta D'a Eb' Hebreo 10:39

Palta an̈ec tic, man̈oc on̈ec tzon̈ meltzj pax 'a qui patic, 'icha jun tzo'n̈ xo eb' tzmeltzji, ax satcn 'el eb' 'a jun 'ejmn̈ej. Yujto an̈ec tic, tzca'c 'och 'a qui c'ojol. Yuj cha, caw colchjnacn̈ec xo.

1 Jn 1:3

A jun quiljnac, cab'jnac spaxtin chi 'on̈, a tzcal 'ayx on̈, sec wach' junxn̈ej tzex 'aj quet' on̈. Yujto wal yel junxn̈ej cajc yet' qui Mam Dios. Junxn̈ej cajc pax yet' Yunnal, atn Jesucristo.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

1 Jn 2:19

A eb' cha, x'el eb' 'a qui calec, palta man̈toc caw quitb'eymoc qui b'a yet' eb'. Octom caw quitb'eymec qui b'a yet' eb', to 'ixta', xcan eb' quet'ec. Palta 'ixta x'aj eb' yeli, sec tzcheclj 'eli, to man̈ quitb'eymoquec eb'.

San Judas 1:20

Palta ax xo chamc'ojlb'ilx wu'uj, caw tze wach' te'wtzej e b'a 'a jun cuynb'il 'aj 'aych e c'ojol, yujto cojxn jun tic yic Dios. Caw tzex leslwi yet' spoder Yespíritu.