A Tas Sc'ulejnac Eb' Schecab' Jesús Hechos 2:22 - Chuj San Sebastian Bible

²² Ex wit israelal, 'a'c 'och e chicn 'a jun tzo'n̈ xo tic 'oj wal 'ayex. A Dios 'ix ch'oxn yopiso Jesús 'ayex, yic 'ix sb'on jun tzo'n̈ milagro, jun tzo'n̈ may 'aj tzquila, yet' jun tzo'n̈ xo tas tzch'oxn 'el spoder. A jun tzo'n̈ tic sb'o Dios yet' Jesús. 'In caw eyojc xon jun tzo'n̈ tic.

Chuj San Mateo Bible

²² Ex vetisraelal, aq'uecoch e chiquin d'a juntzan̈xo ol val tic d'ayex. A Dios ix ch'oxani chajtil yopisio Jesús aj Nazaret d'ayex, ayic ix sb'oan juntzan̈ milagro, juntzan̈ malaj b'aj squila' yed' juntzan̈xo tas sch'oxanel spoder. A juntzan̈ chi' ix sb'o Dios yed' Jesús. Ina eyojtactaxon juntzan̈ tic.

A Tas Sc'ulejnac Eb' Schecab' Jesús Hechos 2:22 Iomraidhean Croise

Is 41:14

A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

Mt 12:28

Palta yujn̈ej Yespíritu Dios, tzin pechn 'el ewin demonio cha. Yuj cha, tzcheclji, to tox 'ix syamch Dios ya'n Yajlil 'a e cal.

Mt 2:23

Yic xc'och eb' ta', 'ix can cajn eb' 'a chon̈b' Nazaret. 'Ixta x'aji, sec tz'el'ch tas yaljnac can eb' schecb' Dios 'a pecti'. Tz'ib'b'il can yuj eb', chajtlto 'oj yal eb' 'anma', to 'aj Nazaret Jesús.

Mt 9:8

A yic xyiln eb' 'anma jun cha, caw 'ix xiw eb'. 'Ix laj yalnc eb' wach' paxti 'a Dios, yujto caw niwn spoder 'ix yac' 'a jun mach 'a scal eb' cha.

Lc 11:20

Palta yujn̈ej spoder Dios, tzin pechn 'el ewin demonio chi 'an tic. Yuj cha, tzcheclji, chajtlto tox 'ix syamch Dios ya'n yajlil 'a qui calec.

Lc 18:37

'Ix yaln eb' 'a 'a, to a Jesús 'aj Nazaret wan sb'ey 'a b'e cha,

Lc 24:18

'Ay jun win xta'w mu'c 'a 'a, Cleofas sb'i, xyaln 'ixtic: —'Intax c'uxn yojc eb' 'anma smasnil tas 'ix uj 'a Jerusalén 'a chab'j 'oxji tic. Ach xo tic, ¿tom ma'ix ab' jac jun? 'In ach 'ec' ta', xchi eb' 'a 'a.

Jn 1:45

Ax Felipe chi xit' saync 'ec' Natanael. Yic 'ix 'ilchj yu'uj, 'ix yaln 'a 'ixtic: —'Ay jun x'ilchj cuj on̈. Atn jun tz'ib'b'il can yab'xil yuj Moisés 'a Ch'an̈ Un̈ yic ley, tz'ib'b'il can pax yuj eb' schecb' Dios pecti'. Atn Jesús yunnal José, 'aj chon̈b' Nazaret, xchi.

Jn 10:37

Toto matz in b'o 'icha tzb'o in Mam cha, man̈ eya'ch e c'ojl 'ayin.

Jn 11:47

Ax ewin fariseo cha, yet' eb' sat ya'mal 'och sti eb' israel 'a Dios, 'ix sc'umj sb'a ewin yet' eb' sat yajal. 'Ix laj yalnc eb' 'ixtic: —¿Tas tzcutjec tze na'a? Yujto til wal jun tzo'n̈ milagro wan sch'oxn jun winc cha.

Jn 12:17

A jun tzo'n̈ eb' 'ayc' yet' Jesús, yic yawtn 'elt Lázaro 'a 'aj mucb'il 'ochi, yic xpitzw paxi, 'ix laj yalnc 'el eb' tas yiljnac eb'.

Jn 15:24

A jun tzo'n̈ milagro xlaj in ch'ox 'a scal eb', may junc xo mach tztac' yuj 'ixta'. Q'uinloc may milagro chi xin ch'oxo, to 'ixta', may smul eb'. Al ticnec, wach'xam xyil eb' jun tzo'n̈ cha, palta an̈ja schichn 'och eb' 'ayin, tzchichn pax 'och eb' 'a in Mam.

Jn 19:19

Ax win Pilato 'ix 'a'n tz'ib'xc 'och jun tzo'n̈ paxti 'a jun yune 'a'nte'. 'Ix ya'n 'ajxoc q'ue 'a sjolm sculsal Jesús. Tzyal jun chi 'ixtic: A Jesús 'aj Nazaret, sReyl eb' israel, xchi.

Jn 3:2

Ax 'a jun 'ac'wal, 'ix c'och 'a Jesús. 'Ix yaln 'ixtic: —Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.

Jn 4:48

Palta xyaln Jesús 'ixtc 'a winac: —Q'uinloc matz eyil jun tzo'n̈ milagro, jun tzo'n̈ tzch'oxn 'el in poder, toto 'ixta', matz eya'ch e c'ojl 'ayin, xchi 'a winac.

Jn 5:36

Palta 'ay junx 'ec'b'al yel'ch 'a yib'n̈ Juan cha. A tzch'oxn 'eli tas wopiso. Yujto a jun tzo'n̈ tas tzyac' in Mam in b'o', a tzin b'o'o. 'Ixta tz'aj scheclj 'eli, to a 'in Mam chi checjnacn coti.

Jn 6:14

Ax eb' 'anma cha, c'uxn 'ix yil eb' jun milagro chi 'ix sch'ox Jesús. Yuj cha, xyaln eb' 'ixtic: —Atn jun schecb' Dios tic tan̈b'il xon sjaw 'a yolyib'n̈q'uinl tic, xchi eb'.

Jn 6:27

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.

Jn 7:31

Palta til wal 'anma 'ix ya'ch sc'ojl 'a 'a. 'Ix laj yalnc eb' 'ixtic: —A yic 'oj jawc Cristo, ¿tom caw 'ec'b'al xo milagro 'oj sch'ox 'a yib'n̈ jun tic? xchi eb'.

Jn 9:33

Q'uinloc man̈ schecb'oc Dios Jesús cha. Toto 'ixta', may xon am jac tas tztac' yu'uj, xchi winac.

A Tas Sc'ulejnac Eb' Schecab' Jesús Hechos 13:16

Yuj cha, 'ix q'ue wan lin̈n Pablo. 'Ix ya'n chan̈ sc'ab', sec sictac tz'aj eb'. 'Ix yaln 'a eb' 'ixtic: —'Ab'tec ex wit israelal, yet' ex 'ay e xiwcojlal 'a Dios.

A Tas Sc'ulejnac Eb' Schecab' Jesús Hechos 14:27

A yic xjapx eb' 'a chon̈b' Antioquía, 'ix 'awtx cot eb' creyente 'ayc' ta yuj eb'. 'Ix yaln eb' jantcn̈ej tas 'ix sb'o Dios yet' eb'. 'Ix yaln pax eb', chajtlto a Cajlil 'ix chan ya'ch eb' man̈ israeloc sc'ojl 'a 'a.

A Tas Sc'ulejnac Eb' Schecab' Jesús Hechos 2:19

'Oj in ch'ox jun tzo'n̈ tas satjub'tac yilx 'a satcha'an̈, yet' pax 'a yolyib'n̈q'uinl tic, atn chic' yet' c'ac', yet' pax jun niwn tab' 'icha 'asun.

A Tas Sc'ulejnac Eb' Schecab' Jesús Hechos 2:43

A eb' schecb' Jesús, til wal milagro 'ix ch'ox eb'. Xch'oxn 'el eb' spoder Dios. Yuj cha, xlaj xiw eb' 'anma smasnil.

A Tas Sc'ulejnac Eb' Schecab' Jesús Hechos 21:28

Caw 'ip 'ix yal chan̈ eb' 'ixtic: —Ex quit israelal, colwjan̈ec. Atn win tic tz'ec' cuync eb' 'anma 'a junjn lugar 'a maysch'olnil. Tzyaln win maysch'olnil 'a qui patc an̈ israel on̈c tic. Tzyaln pax win 'a spatc ley yic Moisés, yet' 'a spatquil yatut Dios tic. Ax ticnec, scomn 'ij 'och win jaywn̈ eb' griego 'a yamq'uil yatut Dios tic. A jun n̈a tic, yicn̈ej Dios yaji, palta caw xjuw yuj win 'a sat Dios, xchi eb'.

A Tas Sc'ulejnac Eb' Schecab' Jesús Hechos 22:8

Mamin, ¿mach ach? xin chi 'a 'a. An ton tic Jesús in, 'aj Nazaret in. Caw an tzin a pech b'eyc'oc, xchi 'ayin.

A Tas Sc'ulejnac Eb' Schecab' Jesús Hechos 24:5

A wal win Pablo tic, caw tzcab' syal yuj on̈, 'ijn matz caw techj cuj on̈. C'uxn tz'ec' stzuntzc chan̈ win owl 'a scal eb' quit israelal 'a junjn lugar. Yajl yaj win 'a junc'aj xo cuynb'il, atn eb' tzya'ch sc'ojl 'a jun win 'aj Nazaret.

A Tas Sc'ulejnac Eb' Schecab' Jesús Hechos 26:26

Ax rey Agripa tic, yojc xon jun tzo'n̈ tic si'mb'il. Yuj cha, caw te'n tzwutj in b'a waln jun tzo'n̈ tic 'a yojltac. A jun tzo'n̈ tzwal tic, man̈ c'ultacc yaji, c'uxn yojc eb' 'anma smasnil. Yuj cha wojtac, to yojc pax win rey tic.

A Tas Sc'ulejnac Eb' Schecab' Jesús Hechos 26:9

A wal in nab'en 'a yic yalan̈, til wal tas tu wa'jnac 'a eb' yic Jesús 'aj Nazaret. A in nani, caw wach' wutjnac in b'a,

A Tas Sc'ulejnac Eb' Schecab' Jesús Hechos 3:12

Yic xyiln Pedro jun cha, 'ix yaln 'a eb' 'ixtic: —Ex wit israelal, ¿tas yuj tzcaw sat e c'ojl eyilni? ¿Tas yuj tzex 'och q'ueln 'ayn̈ on̈? Man̈ e na', to yuj qui jelnal, mto yuj qui wach'l on̈, xca'n b'ey jun winc tic on̈.

A Tas Sc'ulejnac Eb' Schecab' Jesús Hechos 3:6

Palta 'ix yaln Pedro chi 'a win 'ixtic: —An tic, caw may in tumin. Palta 'ay jun tztac' wu'uj, a yet' 'oj in colwj 'ayach. Yuj spoder Jesucristo 'aj Nazaret, q'uen̈ wa'an, b'eyan̈, xchi Pedro chi 'a winac.

A Tas Sc'ulejnac Eb' Schecab' Jesús Hechos 4:10

Yuj cha, a jun tic 'oj cal 'ayx on̈, sec 'oj yojcoc pax 'el smasnil eb' quit israelalec. A win xjaw 'a eyojltac tic, yujn̈ej spoder Jesucristo 'aj Nazaret, 'ix b'o winac. Atn Jesucristo tic xeyac' 'ajxc 'och 'a spenc culus. Palta ax Dios x'a'n pitzwc pax 'a scal eb' chamnac.

A Tas Sc'ulejnac Eb' Schecab' Jesús Hechos 5:35

Xlajw yel eb', 'ix yaln win 'ixtc 'a eb' yit yajlil cha: —Ex wit israelal, nac wal si'mb'il, tas wal tzeyutj e b'onyaj jun tzo'n̈ eb' tic.

A Tas Sc'ulejnac Eb' Schecab' Jesús Hechos 6:14

'Ix cab' yaln win 'ixtic: A Jesús 'aj Nazaret, a 'oj 'a'n lan̈chjc 'ejm yatut Dios. 'Oj yac' jelmjoc pax jun tzo'n̈ qui b'eyb'al 'ac'b'il can 'ayn̈ yuj Moisés, xchi winac, xchi cob' eb'.

2 Co 12:12

A yic wec' 'a e cal, caw te'n wutjnac in b'a in munlj ta'. In b'ojnac jun tzo'n̈ milagro yet' jun tzo'n̈ xo tastc tzch'oxn 'el spoder Dios, caw satnc e c'ojl eyiln jun tzo'n̈ in b'ojnac cha. Yuj jun tzo'n̈ cha, tzcheclj 'eli, to yel schecb' in Cristo.

A Ch'an̈ Carta D'a Eb' Hebreo 2:4

An̈jtona Dios, ya'jnac testigoal sb'a yuj jun 'ab'x tic. Sch'oxjnac jun tzo'n̈ milagro, yet' jun tzo'n̈ tas tzsat qui c'ojlec quilni, sec chequel to caw niwn yel'ch jun 'ab'x tic. An̈jtona pax Yespíritu, tzyac' pax testigoal sb'a, yujto tzyac' copiso junjn on̈ec, a tzyala, tas tznib'j tzyac'a.