A Tas Sc'ulejnac Eb' Schecab' Jesús Hechos 18:12 - Chuj San Sebastian Bible

¹² Ax 'a jun tiempoal cha, 'aych win Galión yajlil 'a Acaya cha. Ax eb' israel, 'ix slajtij sb'a eb' 'a spatc Pablo. 'Ix yi'n 'at eb' 'a yojltac win yajl cha.

Chuj San Mateo Bible

¹² Ayic ayoch vin̈aj Galión yajalil d'a yol yic Acaya, ix slajtiej sb'a eb' israel d'a spatic vin̈aj Pablo chi', ix syaman vin̈ eb', ix yic'anb'at vin̈ eb' d'a yichan̈ vin̈ yajal.

A Tas Sc'ulejnac Eb' Schecab' Jesús Hechos 18:12 Iomraidhean Croise

Mt 27:19

Yic wocn to 'ejm win Pilato chi 'a sdespacho, 'ix c'och sti 'ix yistl win 'a 'a, xyal 'ix 'ixtic: Caw may jac tza'ch 'a yib'n̈ win tojl snab'en cha, yujto xin waychej jun chi q'uiq'ui, caw in xiw yuj jun in waych cha, xchi 'ix.

Jn 19:13

Xlajw yab'n win jun tzo'n̈ tic, 'ix ya'n 'ijxoc 'el Jesús 'a 'aj 'ayc' cha. Xlajw cha, 'ix 'em wocn win 'a 'aj tzb'oyaj eb' 'anma'. A jun lugar cha, Gabata sb'i 'a hebreo, atn sti eb' israel. Tzyal 'el'chi, 'aj latz'b'il 'ejm q'ue'en.

A Tas Sc'ulejnac Eb' Schecab' Jesús Hechos 13:12

Ax win yajl 'a Chipre cha, yic 'ix yiln win jun cha, 'ix ya'n 'och win sc'ojl 'a Dios. Caw 'ix sat sc'ojl win yab'n jun tzo'n̈ cuynb'il yic Cajlilec.

A Tas Sc'ulejnac Eb' Schecab' Jesús Hechos 13:50

Palta ax eb' israel x'a'n sc'ojloc eb' yajl yaj 'a jun chon̈b' cha. 'Ay pax jun tzo'n̈ eb' x'ochnc 'a scuynb'il eb' israel, checl yaj eb' 'a sat eb' 'anma', 'ix 'ajx pax sc'ojloc eb'. 'Ix syamn 'och eb' ya'n stul 'a Pablo yet' 'a Bernabé. 'Ix spechn 'el eb' 'a jun lugar cha.

A Tas Sc'ulejnac Eb' Schecab' Jesús Hechos 13:7

A win cha, junn̈j yec' yet' win Sergio Paulo, win yajl 'a Chipre cha. Caw jeln snab'en win Sergio cha. 'Ix yawtn cot win Bernabé yet' Saulo, yujto tznib'j win tzyab' spaxti Dios 'a eb'.

A Tas Sc'ulejnac Eb' Schecab' Jesús Hechos 13:8

Palta ax win tzyalch sb'a wayjlil cha, tzcuch pax Elimas, 'ix cot yowl win 'a eb', yujto snib'j win ma'ix ya'ch Sergio chi sc'ojl 'a spaxti Dios.

A Tas Sc'ulejnac Eb' Schecab' Jesús Hechos 14:19

Palta 'ay jaywn̈ eb' israel 'aj Antioquía xc'ochi, yet' jaywn̈ xo eb' 'aj Iconio. 'Ix ya'n eb' sc'ojloc eb' 'anma cha. Yuj cha, xlaj sjulq'uenan eb' Pablo cha, a snan eb' to xchami. X'at sjucn can 'el eb' 'a sti 'el schon̈ab'.

A Tas Sc'ulejnac Eb' Schecab' Jesús Hechos 14:2

Palta 'ay eb' israel ma'ix 'a'n 'och 'a sc'ojol. 'Ix ya'n eb' sc'ojloc jun tzo'n̈ eb' man̈ israeloc, sec tzchichn 'och eb' 'a eb' creyente cha.

A Tas Sc'ulejnac Eb' Schecab' Jesús Hechos 17:13

Palta ax eb' israel 'aj Tesalónica, xyab'n eb', chajtlto wan yaln 'el Pablo spaxti Dios 'a Berea cha. Yuj cha, x'at pax eb' ta'. Yic xc'och eb', 'ix ya'n pax eb' q'ue somnjoc eb' chon̈b' chi yowxi.

A Tas Sc'ulejnac Eb' Schecab' Jesús Hechos 17:5

Palta 'ay pax eb' israel ma'ix ya'ch 'a sc'ojol. Yic 'ix yiln eb', caw xcot yowl eb'. 'Ix ya'n eb' syam sb'a jun tzo'n̈ ewin maysch'olnil snab'en. A ewin cha, ton̈j tz'ec' ewin sayc' maysch'olnil 'a caye. Xlajw ya'n eb' sc'ojloc ewinac, 'ix ya'n eb' syam sb'a eb' chon̈b' smasnil. 'Ix ya'n eb' q'ue somnjoc eb' 'anma chi yowxi. Xlajw cha, xya'n ewin yip yecn 'och sb'a 'a yol yatut win Jasón, yujto a snan ewinac, to ata 'ayc' Pablo yet' Silas. 'Ix snib'j ewin yic' 'elt eb', tzya'n 'elt ewin eb' 'a sat eb' chon̈ab'.

A Tas Sc'ulejnac Eb' Schecab' Jesús Hechos 18:11

Yuj cha, ata xcan Pablo nan̈l schab'l ab'il 'a Corinto cha. 'Ix ya'n scuy eb' spaxti Dios ta'.

A Tas Sc'ulejnac Eb' Schecab' Jesús Hechos 18:27

Xlajw cha, x'el 'a sc'ojl Apolos chi x'at 'a yol yic Acaya. Yuj cha, ax eb' creyente, 'ix colwj eb' 'a 'a. 'Ix stz'ib'n eb' jun carta tzyij 'at 'a eb' creyente, sec caw wach' tzyutj eb' schan sc'ochi. Yic 'ix c'och 'a yol yic Acaya cha, caw 'ix sjucb'tzej eb' ya'jnac 'och sc'ojl 'a Jesucristo yuj swach'c'ojlal Dios.

A Tas Sc'ulejnac Eb' Schecab' Jesús Hechos 19:21

Xlajw jun tzo'n̈ cha, 'ix snan Pablo, to 'oj 'ec' 'a yol yic Macedonia yet' 'a yol yic Acaya, ax sc'och 'a Jerusalén, 'ix yaln 'ixtic: —'Oj lajwc cha, yowlal 'oj in c'och 'a Roma, xchi.

A Tas Sc'ulejnac Eb' Schecab' Jesús Hechos 25:10

—A 'a sdespacho win yajl 'a Roma tzin c'anb't in b'a. Ata smoj tzin b'eyc'ojlaxi. 'In ojtac, caw may in mul 'ochnc 'a eb' wit israelal tic.

Ro 15:26

Yujto a eb' 'aj Macedonia yet' eb' 'aj Acaya, x'el 'a sc'ojl eb', xyij chan̈ eb' jun ofrenda yic tz'at 'a eb' creyente meb'a 'ay 'a Jerusalén.

Ro 16:5

Tic tzwa't stzatzl sc'ojl eb' creyente tzyam sb'a 'a yol yatut eb' cha. Tzwa'n pax 'at stzatzl sc'ojl cu'tac Epeneto. Caw chamc'ojlb'il wu'uj, yujto a sb'ab'l 'a'jnac 'och sc'ojl 'a Cristo 'a yol yic Asia.

1 Co 16:15

A ticnec ex wu'tac, ex wanab', eyojtac a Estéfanas yet' yistzil yet' pax eb' yunnal, b'ab'l creyente eb' 'a yol yic Acaya 'aj 'ayx cha. A eb' cha, caw tzyac' servil eb' jun tzo'n̈ xo eb' quit creyenteal 'a smasnil sc'ojol.

2 Co 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. An yet' cu'tac Timoteo, tzin tz'ib'j 'at jun in carta tic 'ayx yiglesia ex xo Dios 'a Corinto. Tzin tz'ib'n pax 'at 'ayx e masnil ex yic xo Dios 'a yol yic Acaya.

2 Co 11:10

Wach'xam tzwij chan̈ in b'a waln jun tzo'n̈ tic, palta may junc ex 'a lugar Acaya chi tztac' in stenn 'och wa'an. Caw yel tzwala, yujto a Cristo 'aych wet'oc.

2 Co 11:26

Til wal 'ajtc b'eync in 'eq'ui. 'Ay 'aj 'ay smay yuj a niwc a', yet' pax yuj eb' 'elc'um. 'Ay 'aj 'ay smay yuj eb' wit chon̈ab', yet' pax yuj eb' man̈ wit chon̈b'oc. 'Ay 'aj 'ay smay 'a jun tzo'n̈ chon̈ab', yet' 'a b'esan, yet' pax 'a yib'n̈ a mar. 'Ay pax 'aj 'ay smay 'a scal eb' tzcob' yalch sb'a cu'tacoquec.

2 Co 9:2

Yujto wojc xoni, to caw tze nib'j colwjc e b'a 'a eb'. Wan ex waln wach'l 'a eb' 'aj Macedonia tic. Tzwal 'ixtc 'a eb' eyu'uj: A eb' 'a yol yic Acaya, yab'lil xo sc'ojl eb' yi'n chan̈ yofrenda, xin chi. Ax eb' 'aj Macedonia tic, yic 'ix yab'n eb', to yelc'ojlal tzeyac' eyico', yuj cha, til wal eb' x'el 'a sc'ojl ya'n yic jun xo.

1 Ts 2:14

Ex wu'tac, ex wanab', caw lajn ex 'aj yet' eb' creyente 'a junjn yiglesia Dios 'a yol yic Judea. A eb' cha, yic xo Cristo Jesús eb' quet'ec. Caw xyab' eb' syal yuj eb' yit israelal. An̈jtona', 'ixta ex. Xeyab' syal yuj eb' eyit chon̈b' jun xo.

1 Ts 2:16

A yic tzcaln 'el 'ab'x 'a eb' man̈ israeloc on̈, sec tzcolchj eb', palta ax eb' israel, caw matz chaj eb' cal-l on̈. Yuj cha, yel xo wal tzwach' niwtj smul eb' 'a Dios. Yuj cha, a ticnec tox xya'ch jun niwn yailal 'a yib'n̈ eb' 'a jun 'ejmn̈ej yuj yowl sc'ojol.

Santiago 2:6

Palta ax xo, may yel'ch eb' meb'a 'a e sat. Palta ¿mach eb' tzon̈ 'ixtnec, tzon̈ yi'nec 'at eb' 'a yojltac eb' yajl tze na'a? Atn eb' rico.