A Tas Sc'ulejnac Eb' Schecab' Jesús Hechos 17:3 - Chuj San Sebastian Bible

³ 'Ix yaln 'a eb', tas tz'ib'b'il can 'a Ch'an̈ U'un̈, chajtlto a Cristo, yowlal tzyab' syail, tzmilx chamoc. Yowlal tzpitzw pax 'a scal eb' chamnac. 'Ix yaln pax 'a eb' 'ixtic: —A Jesús wan waln yab'xil 'ayex, atn Cristo, xchi Pablo 'a eb'.

Chuj San Mateo Bible

³ chajtil to a Cristo yovalil ix yab' syail, ix miljichamoc. Yovalil pax ix pitzvixi d'a scal eb' chamnac. Ix yalanpax vin̈ d'a eb' icha tic: —A Jesús van valan yab'ixal tic d'ayex, aton Cristo, xchi vin̈ d'a eb'.

A Tas Sc'ulejnac Eb' Schecab' Jesús Hechos 17:3 Iomraidhean Croise

Lc 24:32

'Ix yaln eb' 'ixtic: —Yel toni, caw xjaw qui c'ojl yu'uj, yic xyaln 'ayn̈ 'a yol b'e, yic xya'n nachjc 'el cu'uj, tastc tzyal 'a Ch'an̈ U'un̈, xchi eb'.

Lc 24:44

Xlajw cha, xyaln pax 'a eb' 'ixtic: —A ticnec, 'ix 'el'ch 'icha yaj waln 'ayex, yic in 'ec' eyet'oc. 'In waljnac 'ayex, to yowlal 'oj 'el'choc jantcn̈ej wab'xil tz'ib'b'il can 'a ley yic Moisés, yet' tas tz'ib'b'il can yuj eb' schecb' Dios, yet' jun tzo'n̈ xo wab'xil 'a ch'an̈ libro salmos, xchi 'a eb'.

Lc 24:46

'Ix yaln pax 'a eb' 'ixtic: —A 'a Ch'an̈ U'un̈, ata tz'ib'b'il can wab'xil an Cristo in tic, chajtlto yowlal in chami, ax 'a schab'jial in pitzw pax 'a scal eb' chamnac.

Jn 20:9

At 'ijnoc wal ya'n 'och eb' 'a sc'ojl cha, to yel xpitzw pax Jesús. Yujto ma'ix nachj 'el yuj eb' tas tz'ib'b'il can 'a Ch'an̈ U'un̈, chajtlto yowlal 'oj pitzwc pax Jesús 'a scal eb' chamnac.

A Tas Sc'ulejnac Eb' Schecab' Jesús Hechos 1:4

Yic 'ayt 'ec' Jesús yet' eb' schecb' cha, 'ix yaln 'ixtc 'a eb': —Man̈ ex 'el 'a yol chon̈b' Jerusalén tic. Tan̈wjec jun tas yaljnac can qui Mam Dios 'ayex, yic ya'n can sti', 'icha wutj waln 'ayex.

A Tas Sc'ulejnac Eb' Schecab' Jesús Hechos 18:28

Caw xyac' yip sch'oxn 'eli, chajtlto caw yelc'ojlal satnc sc'ojl eb' israel. 'Ix sc'anlb'ej spaxti Dios tz'ib'b'il can 'a Ch'an̈ U'un̈, yic yaln 'a eb' 'anma', sec tznachj 'el yuj eb', to a Jesús, atn Cristo, jun tan̈b'il xon sjaw yuj eb'.

A Tas Sc'ulejnac Eb' Schecab' Jesús Hechos 18:5

Ax Silas yet' Timoteo, 'ix 'elx eb' 'a yol yic Macedonia, 'ix c'och eb' 'a Corinto cha. Ax Pablo, 'a smasnil sc'ojol x'ec' yal-l spaxti Dios, man̈x 'a tas 'ix sb'o'o. Caw xya'lj ya'n nachjc 'el yuj eb' israel chajtlto a Jesús, atn Cristo, a tan̈b'il xon sjaw yuj eb'.

A Tas Sc'ulejnac Eb' Schecab' Jesús Hechos 3:18

Palta 'ixta xyutj Dios ya'n 'el'choc tas alb'il can yuj eb' schecab'. Yujto yaljnac can eb', chajtlto a Cristo, yowlal tzyab' syail.

A Tas Sc'ulejnac Eb' Schecab' Jesús Hechos 9:22

Palta ax Saulo cha, 'ix swach' 'a'n 'ip yaln 'eli, sec tzcheclj 'eli, chajtlto a Jesús atn Cristo. Ax eb' israel 'aj Damasco cha, toxn ma'ix nachj 'el yuj eb', tas tzyutj eb' spacn 'a 'a.

Gl 3:1

Ax xo wal ex 'aj Galacia, caw man̈ nab'enal eyaji. Tecn 'ay junc x'a'n juwc 'el e nab'en 'icha tzyac' junc 'ajchum. Yuj cha, man̈x yiclumoc tzeyutj e b'a 'a jun cuynb'il yel. A yic quec' ta 'on̈, caw caljnac 'ayx on̈, chajtlto xcham Jesucristo 'a spenc culus. 'Icha wal to caw eyiljnac schami.