A Tas Sc'ulejnac Eb' Schecab' Jesús Hechos 16:16 - Chuj San Sebastian Bible

¹⁶ Ax 'a jun 'el, yic wan qui 'at 'a 'aj tzleslwi eb' 'anma on̈, 'ix c'och jun cob's 'ix 'ayn̈ on̈. 'Aych jun demonio 'a 'ix, yuj cha, wayjl 'ix. Jun 'ejmn̈ej 'aych 'ix ya'malc servil jun tzo'n̈ winac. A eb' cha, til wal tumn xyac' ganar eb' 'a spatquil 'ix, yujto tzyal 'ix, to yojcn̈ej 'ix tastc tot 'oj jawoc.

Chuj San Mateo Bible

¹⁶ Axo junel, ayic van co b'at b'aj slesalvi eb' anima, ix c'och jun ix cob'es ix d'ayon̈. Ayoch jun enemigo d'a ix. Yuj chi' naumel lolonel ix. Juneln̈ej ayoch ix checab'oc d'a juntzan̈ vinac. A juntzan̈ vinac chi', syac' val ganar tumin eb' vin̈ d'a spatic ix, yujto syal ix tastac toto ol ujoc.

A Tas Sc'ulejnac Eb' Schecab' Jesús Hechos 16:16 Iomraidhean Croise

A Ch'an̈ Schab'il Libro Yic Yab'ixal Eb' Rey 21:6

Xya'n win tz'a yunnal xajmb'alil, scuyn sb'a win 'a jun tzo'n̈ xo b'eyb'al tic; atn wayjlil, 'ajchumal, tzc'umn win spixn eb' chamnac. Yel xo caw tu 'ix 'el sb'on 'a sat Jehová, caw 'ix tzuntzj cot yowl sc'ojl Dios chi 'a yib'an̈.

1 Cr 10:13

'Ixta 'ix 'aj scham Saúl yuj smaysch'olnilal. 'Ix 'och smul yujto ma'ix syiclj schecnb'il Jehová. An̈jtona', a pax 'a jun 'ix 'ix tzc'umn spixn eb' chamnc 'anma', ata xit' sc'anb'c snab'en, man̈oc 'a Jehová sc'anb'ej. Yuj cha, 'ix smiln chamoc, ax 'a David yunnal Isaí, ata 'ix 'ajx can jun yopiso Saúl cha.

Is 8:19

'Oj laj yal eb' 'anma chi 'ayx 'ixtic: C'anb'jec eyab' 'a eb' tz'acn snab'en, 'a eb' tzc'umn spixn eb' chamnac, atn 'a eb' tzsajsni sc'umn sb'a sch'ocoj, 'oj schic eb'. Ax eyaln 'a eb': ¿Tas yuj man̈oc 'a sDiosal jun tzo'n̈ 'anma tic tzc'anb'j sb'a? ¿tas yuj a 'a eb' chamnc chi tzc'anb'j sb'a eb' pitzan?

Lv 19:31

Man̈ e c'anb'c e b'a 'a eb' tzyal jelnal sb'a, mto 'a eb' 'ajchum, sec wach' matz ex juw 'el yuj eb'.

Lv 20:27

Toto 'ay junc winac mto junc 'ix 'ix tzyal to tzc'umj spixn eb' chamnc 'anma', mto tzyalch sb'a 'ajchumal, a jun 'anma cha, yowlal tzjulx cham yet' q'uen q'ue'en, mun a tzyij cot chaml 'a yib'an̈, xchi Dios.

Lv 20:6

Toto 'ay mach tz'at sc'anb'c sb'a 'a eb' 'ajchum mto 'a eb' tzyal to tzc'umj spixn eb' chamnc 'anma', tzyiclni tas tzyal eb', an xo 'oj wac' yowlal 'a 'a, ax in satn 'el 'a scal yit chon̈ab'.

A Tas Sc'ulejnac Eb' Schecab' Jesús Hechos 16:13

Ax 'a jun sc'ul 'iljelal, on̈ 'at 'a jun a niwn a 'a sti 'el chon̈ab'. Ata tz'at leslwoc xon eb' 'anma ta'. Yic on̈ c'och ta on̈, on̈ 'em wocan. 'Ix caln 'el wach' 'ab'x 'a jun tzo'n̈ eb' 'ix 'ix yamn xon ta'.

A Tas Sc'ulejnac Eb' Schecab' Jesús Hechos 16:18

Til wal 'ejm x'ec' 'ix quet'oc. An̈j wal jun chi tzyal 'ix 'a junjn 'ejem. Ax Pablo, man̈xtzac techj yuj yab'ni. Yuj cha, 'ix meltzj 'at q'ueln 'a 'ix. 'Ix yaln 'ixtc 'a jun demonio chi 'aych 'a 'ix: —Tzwal 'ayach, yuj spoder Jesucristo, 'eln̈ 'a 'ix, xchi. Yajn̈j wal cha, x'el 'a 'ix.

A Tas Sc'ulejnac Eb' Schecab' Jesús Hechos 16:19

Palta ax eb' 'ajcuenta 'a 'ix, 'ix yiln eb' to x'el jun demonio chi 'a 'ix, man̈xtzac stac' ya'n ganar eb' stumn 'a spatquil 'ix. Yuj cha, 'ix stzicn 'at eb' Pablo yet' Silas 'a plas, 'a 'aj 'ay eb' yajal.

A Tas Sc'ulejnac Eb' Schecab' Jesús Hechos 19:24

'Ay jun winc Demetrio sb'i, tzb'o win q'uen plata. Tzb'on win jun tzo'n̈ yechl yatutal jun sdiosal eb' tzcuch Diana. A jun sdiosal eb' cha, tolab' 'ix. A eb' tzb'on jun tzo'n̈ yechl cha, til wal tumn tzyac' ganar eb' 'a spatic.

Gl 5:20

Tzyaln sb'a eb' 'a jun tzo'n̈ tzlaj yalch sdiosaloc. Tzya'lj eb' laj cob' sb'alnoc junc xo mach. Tz'och eb' 'ajc'ojlal 'a jun jun, 'a'm owl eb'. Tzchichn 'och eb' 'a junc xo mach yuj tastc 'ay 'a 'a. C'un scot yowl eb'. Tznib'j eb' axn̈ej 'ay yel'chi. Tznib'j eb' tzlaj spojl sb'a, chucchc tz'aj junjn c'aj eb'.

1 Ti 6:10

Toto cojn tumn 'aj tzca'ch qui nab'en, 'oj pitzwc chan̈ smasnil jun tzo'n̈ maysch'olnil 'ayon̈. 'Ay eb' cojn tumn tznib'j 'ochi. Yuj cha, xyactn can eb' jun tzo'n̈ cuynb'il 'aj xcob' ya'ch eb' sc'ojol. Til wal scusc'ojlal eb' xyij cot 'a yib'an̈.

2 Ti 3:8

'Icha win Janes yet' win Jambres, chichnnac 'och eb' 'a Moisés, 'ixta schichn 'och eb' 'anma chi 'a jun cuynb'il caw yel. Toxn juwnac 'el snab'en eb'. Toxn man̈xtzac ya'ch eb' sc'ojl 'a Dios.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.

A Ch'an̈ B'ab'el Libro Samuel 28:3

A yic scham Samuel, smasnil eb' israel 'o'n̈c eb' yu'uj, smucn eb' 'a schon̈ab' atn 'a Ramá. Ax Saúl yajn̈ej spechn 'el eb' cob' jeln snan 'el junc paxti', yet' eb' tzcob' yal to tzc'umj spixn eb' chamnc 'anma 'a scal chon̈b' Israel.

A Ch'an̈ B'ab'el Libro Samuel 28:7

Yuj cha, 'ix yaln Saúl 'a eb' schecb' 'ixtic: —Sayc junc 'ix 'ix to tzc'umn spixn eb' chamnac, sec wach' a 'a tzin 'at in c'anb'c in nab'en, xchi winac. 'Ix ta'w eb' schecb' 'a 'a, xyaln eb' 'ixtic: —'Ay jun 'ix tztac' yuj 'a Endor, xchi eb'.