A Tas Sc'ulejnac Eb' Schecab' Jesús Hechos 15:9 - Chuj San Sebastian Bible

⁹ A 'a sat Dios, caw lajnn̈ej eb' quet'ec, yujto a 'ix 'i'n 'el maysch'olnil 'aych 'a eb', yic xya'n 'och eb' Cristo 'a sc'ojol.

Chuj San Mateo Bible

⁹ A d'a yichan̈ Dios lajann̈ej eb' qued'oc, yujto a' ix tojolb'itan sb'eyb'al eb' ayic ix yac'anoch Cristo eb' d'a sc'ool.

A Tas Sc'ulejnac Eb' Schecab' Jesús Hechos 15:9 Iomraidhean Croise

Salmos 51:10

Ach in Diosal, a wal junc nab'en caw wach' a tzac' 'ayin. Tza'n 'a'tb'oc wespíritu sec yiclum in 'ayach.

Ez 47:22

Tzeya'ch suerte 'a yib'n̈ lu'um, sec tzcheclji 'aj tzcan e macl junjn 'in̈tal ex, tzeya'n pax yic eb' chuc chon̈b'al cajn 'a e cal, mto yunnal eb' 'aljnac 'a yol e chon̈ab'. A yic tze pojn e lum cha, tzeyac' yic eb' chuc chon̈b'al chi eyet'oc, sec 'ay slum eb' chi 'a scal eb' yin̈tl Israel.

A Tas Sc'ulejnac Eb' Schecab' Jesús Hechos 10:15

Yuj cha, xyaln pax jun chi 'ixtc jun 'ejm xo: A jun tzo'n̈ tas tzyal Dios to may yowlal, ach xo tic, man̈ ala', to 'ay yowlal, xchi 'a Pedro cha.

A Tas Sc'ulejnac Eb' Schecab' Jesús Hechos 10:28

Yuj cha, xyaln 'a eb' 'ixtic: —Eyojtac, an̈ israel on̈ tic on̈, may sleyl tzqui c'umj qui b'a yet' junc chuc chon̈b'al on̈. May sleyl tzon̈ 'och 'a yol yatut on̈. Palta a Dios x'a'n nachjc 'el wu'uj, yuj cha, matz tac' walni, to 'ay junc mach may sleyl tzin c'umej.

A Tas Sc'ulejnac Eb' Schecab' Jesús Hechos 10:34

Yuj cha, 'ix syamn 'och Pedro yaln 'a eb' 'ixtic: —A ticnec wojtac, wal yel, lajnn̈ej yel'ch smasnil 'anma 'a sat Dios.

A Tas Sc'ulejnac Eb' Schecab' Jesús Hechos 11:12

Ax Yespíritu Dios 'ix aln 'ixtc 'ayin: 'Ixc yet' eb'. 'A'ch 'a a c'ojl a 'at yet' eb', xchi. 'Ix xit' pax wacwn̈ eb' cu'tac tic wet'oc. Yic on̈ c'och ta 'on̈, on̈ 'och 'a yol yatut jun winc chi 'on̈.

A Tas Sc'ulejnac Eb' Schecab' Jesús Hechos 14:1

Yic 'ix c'och Pablo yet' Bernabé 'a chon̈b' Iconio, yamn x'och eb' 'a yol scapiya eb' yit israelal. Caw wach' xyutj eb' yaln 'el spaxti Dios ta'. Yuj cha, til wal eb' israel x'a'n 'och 'a sc'ojol, yet' pax eb' man̈ israeloc.

A Tas Sc'ulejnac Eb' Schecab' Jesús Hechos 14:27

A yic xjapx eb' 'a chon̈b' Antioquía, 'ix 'awtx cot eb' creyente 'ayc' ta yuj eb'. 'Ix yaln eb' jantcn̈ej tas 'ix sb'o Dios yet' eb'. 'Ix yaln pax eb', chajtlto a Cajlil 'ix chan ya'ch eb' man̈ israeloc sc'ojl 'a 'a.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Ro 3:9

¿Tas tze na'a? An̈ israel on̈c tic, ¿tom yel xo wach'n̈ec 'a yib'n̈ eb' man̈ israeloc? Ma'ay, 'ayn̈ec 'ec' 'a yol sc'ab' maysch'olnil.

Ro 9:24

Wach'xam israel on̈ec, wach'xam ma'ay, palta yawtjnacn̈ec 'och yico'oc.

1 Co 1:2

to yic xo Dios quetec, an̈ tzqui tz'ib'j 'at jun qui carta tic 'ayx on̈, atn ex yiglesia xo Dios 'a Corinto. Yic ex xo Dios, yujto junn̈j tzex 'aj yet' Cristo Jesús. A Dios 'awtjnacx 'och yico'oc, yet' jantcn̈ej eb' tzyal sb'a 'a Cajlil Jesucristo 'a junjn chon̈ab'. A Jesucristo a Cajlilec yet' eb'.

1 Co 7:18

Yuj cha, toto 'ayx chab'il xo jun yechl circuncisión chi 'a e niwnal, yic ex 'awtx 'och yuj Dios, matz tac' e c'ub'n 'eli. An̈jtona', toto 'ayx man̈ chab'ilc jun yechl chi eyu'uj, yic ex 'awtx 'ochi, man̈xtzac stac' e chan ticnec.

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Ef 3:6

Atn jun tzo'n̈ 'oj wal tic, 'ix 'ajx cojcoc 'el on̈. Ax xo man̈ ex israeloc, a yic tzeya'n 'och e c'ojl 'a jun wach' 'ab'x yic colnb'il tic, tzex 'och yunnalc Dios quet' an̈ israel on̈ tic tzlaj ca'ch qui c'ojl 'a on̈. Yu'uj, ax e chan e q'uinl quet' on̈. 'Icha to junxn̈ej 'anmal quilxec 'a sat. Ya'jnac can Dios sti yuj tas tzyac' 'ayn̈ yuj Cristo Jesús. Ax xo, junn̈j tzeyutj e chan pax jun tic quet' on̈.

A Scarta San Pablo D'a Eb' Aj Colosas 3:11

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.

A Sb'ab'el Carta San Pedro 1:22

A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.