A Tas Sc'ulejnac Eb' Schecab' Jesús Hechos 14:1 - Chuj San Sebastian Bible

¹ Yic 'ix c'och Pablo yet' Bernabé 'a chon̈b' Iconio, yamn x'och eb' 'a yol scapiya eb' yit israelal. Caw wach' xyutj eb' yaln 'el spaxti Dios ta'. Yuj cha, til wal eb' israel x'a'n 'och 'a sc'ojol, yet' pax eb' man̈ israeloc.

Chuj San Mateo Bible

¹ Ayic ix c'och vin̈aj Pablo yed' vin̈aj Bernabé d'a chon̈ab' Iconio chi', yaman ix och eb' vin̈ d'a yol spatil sculto eb' yetisraelal. Te vach' ix yutej eb' vin̈ yalanel slolonel Dios ta'. Yuj chi', tzijtum eb' israel ix ac'anoch d'a sc'ool yed' pax eb' man̈ israeloc.

A Tas Sc'ulejnac Eb' Schecab' Jesús Hechos 14:1 Iomraidhean Croise

Mr 7:26

A jun 'ix cha, man̈ israeloc, 'aj Sirofenicia 'ix, 'ix tew 'och 'ix 'a Jesús, sec toq'ue tzyij 'el jun demonio 'a 'ix yune 'ix cha.

Jn 12:20

'Ay jun tzo'n̈ eb' griego 'ix c'och 'a jun q'uin̈ cha, yic tzyaln sb'a eb' 'a Dios.

Jn 7:35

Ax eb' israel cha, 'ix laj yal-lanc eb' 'ixtic: —¿'Aj laj 'oj c'och snani, yuj cha, tzyalni to ma'oj chax cujec? Al cha, 'ay eb' quit chon̈b'ec 'ayb't 'a scal eb' griego. ¿Tom tznib'j ata 'oj c'och 'a scal eb', tz'at scuync eb' griego chi snani?

A Tas Sc'ulejnac Eb' Schecab' Jesús Hechos 11:21

Ax Cajlilec, caw x'och yet' eb' creyente cha. Yuj cha, til wal 'anma 'ix sjel sb'eyb'al, 'ix ya'n 'och eb' sc'ojl 'a Cajlilec.

A Tas Sc'ulejnac Eb' Schecab' Jesús Hechos 13:43

Ax yic xlajw jun culto cha, til wal eb' israel x'at yet' Pablo yet' Bernabé. 'Ay pax eb' 'ochnc 'a scuynb'il eb' israel cha, x'at pax eb' yet' eb'. Yuj cha, xyaln Pablo yet' Bernabé 'a eb', chajtlto te'n tzyutj sb'a eb' ya'n 'och sc'ojl 'a schamc'ojlal Dios.

A Tas Sc'ulejnac Eb' Schecab' Jesús Hechos 13:46

Yuj cha, 'ix ste'wtzan sb'a Pablo chi yet' Bernabé. 'Ix yaln eb' 'ixtic: —Yowlal a 'ayx quit israelal tzqui b'ab'l alj 'el spaxti Dios on̈. Palta 'in matz e nib'j tzeya'ch e c'ojl 'a 'a. Am tze na'a, to man̈ smojc tze chaj e q'uinl 'a jun 'ejmn̈ej. Yuj cha, a ticnec, 'oj cal-l jun 'ab'x tic 'a eb' man̈ israeloc on̈.

A Tas Sc'ulejnac Eb' Schecab' Jesús Hechos 13:5

'Ix 'elt eb' 'a yojl te barco chi 'a chon̈b' Salamina, 'ix 'ec' yalnc 'el eb' spaxti Dios 'a jun tzo'n̈ scapiya eb' yit israelal. Ax Juan Marcos ajun paxi, yic tzcolwj yet' eb'.

A Tas Sc'ulejnac Eb' Schecab' Jesús Hechos 13:51

Ax Pablo yet' Bernabé, 'ix sma'cn 'el eb' spoccal yoc, yic tzch'oxn can 'el eb', to man̈x 'a yaln eb' yic 'a eb' 'anma cha. Xlajw cha, x'at eb' 'a chon̈b' Iconio.

A Tas Sc'ulejnac Eb' Schecab' Jesús Hechos 14:19

Palta 'ay jaywn̈ eb' israel 'aj Antioquía xc'ochi, yet' jaywn̈ xo eb' 'aj Iconio. 'Ix ya'n eb' sc'ojloc eb' 'anma cha. Yuj cha, xlaj sjulq'uenan eb' Pablo cha, a snan eb' to xchami. X'at sjucn can 'el eb' 'a sti 'el schon̈ab'.

A Tas Sc'ulejnac Eb' Schecab' Jesús Hechos 14:2

Palta 'ay eb' israel ma'ix 'a'n 'och 'a sc'ojol. 'Ix ya'n eb' sc'ojloc jun tzo'n̈ eb' man̈ israeloc, sec tzchichn 'och eb' 'a eb' creyente cha.

A Tas Sc'ulejnac Eb' Schecab' Jesús Hechos 14:21

Ata x'ec' yalcn 'el eb' wach' 'ab'x yic colnb'il. Til wal 'anma xya'ch sc'ojl 'a Cajlil yuj eb'. Xlajw cha, x'atx eb'. 'Ix 'e'x eb' 'a chon̈b' Listra, yet' 'a Iconio, yet' 'a Antioquía jun 'ejm xo.

A Tas Sc'ulejnac Eb' Schecab' Jesús Hechos 16:1

'Ix c'och Pablo yet' Silas 'a chon̈b' Derbe. 'Ix 'atx eb' ta', 'ix c'och eb' 'a chon̈b' Listra. Ata x'ilchj jun creyente Timoteo sb'i yuj eb'. A jun cha, yune jun 'ix creyente israel, griego smam.

A Tas Sc'ulejnac Eb' Schecab' Jesús Hechos 16:2

A eb' creyente 'a chon̈b' Listra yet' 'a Iconio, c'uxn xyal eb', to wach' sb'eyb'al Timoteo cha.

A Tas Sc'ulejnac Eb' Schecab' Jesús Hechos 17:12

'Ixta to b'i'an, til wal eb' xya'ch sc'ojl 'a Cristo. Niwn pax eb' griego xya'ch 'a sc'ojol. 'Ay eb' 'ix 'ix checl yaj 'a sat eb' 'anma', yet' pax eb' winac.

A Tas Sc'ulejnac Eb' Schecab' Jesús Hechos 17:17

'Ix 'och 'a yol scapiya eb' yit israelal. 'Ix yaln spaxti Dios 'a eb' israel cha, yet' 'a eb' 'ochnc 'a scuynb'il eb'. Ax 'a junjn c'u, 'ix yaln pax 'a eb' 'anma 'ayc' 'a plas.

A Tas Sc'ulejnac Eb' Schecab' Jesús Hechos 17:4

'Ay eb' israel xya'ch sc'ojl 'a Cristo. Yuj cha, 'ix 'och eb' yitb'eymoc Pablo chi yet' Silas. Niwn eb' griego 'ochnc 'a scuynb'il eb' israel, 'ix ya'ch eb' 'a sc'ojol. Niwn pax eb' 'ix 'ix 'ay yel'ch 'a sat eb' 'anma 'ochnc yet' eb'.

A Tas Sc'ulejnac Eb' Schecab' Jesús Hechos 18:4

Ax 'a junjn sc'ul 'iljelal, xit' yalnoc Pablo yab'x eb' 'anma 'a yol scapiya eb' yit israelal. Ata xya'lj ya'n snab'enoc eb' israel yet' pax eb' man̈ israeloc.

A Tas Sc'ulejnac Eb' Schecab' Jesús Hechos 18:8

'Ay jun win Crispo sb'i, yajl yaj 'a jun capiya cha. 'Ix ya'ch win sc'ojl 'a Cajlil, yet' jantcn̈ej eb' jun yaj yet' 'a yol yatut. Til to wal eb' 'aj Corinto x'ab'n to spaxti Dios, 'ix ya'ch eb' sc'ojl 'a 'a. 'Ix ya'n 'ajxc bautisar sb'a eb'.

A Tas Sc'ulejnac Eb' Schecab' Jesús Hechos 19:10

Chab' ab'il 'ixta xyutj sb'a. Yuj cha, c'uxn xlaj yab' eb' 'ay 'a yol yic Asia chi yab'xil Cajlil Jesús. Wach'xam eb' israel, wach'xam eb' man̈ israeloc, c'uxn xlaj yab' eb' smasnil.

A Tas Sc'ulejnac Eb' Schecab' Jesús Hechos 19:17

Ax eb' 'anma smasnil 'aj Efeso cha, wach'xam eb' israel, mto eb' man̈ israeloc, c'uxn xlaj yab' eb' speclal jun cha. Yuj cha, caw 'ix xiw eb' smasnil. 'Ix yaln eb' wach' paxti 'a Cajlil Jesús.

A Tas Sc'ulejnac Eb' Schecab' Jesús Hechos 19:8

'Oxe 'uj xit' yal-l Pablo spaxti Dios 'a yol scapiya eb' yit israelal. Caw te'n xyutj sb'a yaln 'el 'a eb'. 'Ix ya'lj ya'n nachjc 'el yuj eb', tas tzyutj eb' yoch 'a yol sc'ab' Dios.

A Tas Sc'ulejnac Eb' Schecab' Jesús Hechos 2:47

Tzlaj yalnc eb' wach' paxti 'a Dios. Ax eb' 'anma smasnil, caw tzalj eb' yet' eb'. Ax Cajlil, a tz'a'n q'uib' sb'isl eb' 'a junjn c'u, yuj eb' wan laj scolchj yu'uj.

A Tas Sc'ulejnac Eb' Schecab' Jesús Hechos 20:21

'Ix waln 'el 'a eb' israel, 'ix waln pax 'a eb' man̈ israeloc, chajtlto yowlal tzna sb'a eb' 'a sat Dios, tzya'n 'och eb' sc'ojl 'a Cajlil Jesucristo.

A Tas Sc'ulejnac Eb' Schecab' Jesús Hechos 21:28

Caw 'ip 'ix yal chan̈ eb' 'ixtic: —Ex quit israelal, colwjan̈ec. Atn win tic tz'ec' cuync eb' 'anma 'a junjn lugar 'a maysch'olnil. Tzyaln win maysch'olnil 'a qui patc an̈ israel on̈c tic. Tzyaln pax win 'a spatc ley yic Moisés, yet' 'a spatquil yatut Dios tic. Ax ticnec, scomn 'ij 'och win jaywn̈ eb' griego 'a yamq'uil yatut Dios tic. A jun n̈a tic, yicn̈ej Dios yaji, palta caw xjuw yuj win 'a sat Dios, xchi eb'.

A Tas Sc'ulejnac Eb' Schecab' Jesús Hechos 9:20

'Ix 'ec' yalnc 'el Saulo spaxti Dios 'a yol jun tzo'n̈ scapiya eb' yit israelal. 'Ix yalni, chajtlto a Cristo Yunnal Dios.

Ro 1:16

An tic, matz in q'uixw yuj jun wach' 'ab'x tic, yujto 'aych spoder Dios yet'oc, yic wach' tzcolchj 'el jantcn̈ej eb' tzya'ch sc'ojl 'a 'a. A wal eb' wit israelal, yel xo wal 'ay yaln eb' yic 'a jun colnb'il tic, yet' pax eb' man̈ israeloc, 'ay pax yaln eb' yic 'a 'a.

Ro 10:12

Wach'xam israel on̈ec, wach'xam man̈ on̈ israeloc, lajn on̈c qui masnil 'a sat Dios. Yujto a Cajlilec, Yajl yaj 'a quib'n̈ec qui masnil. Tzann̈j on̈ tzcalc qui b'a 'a 'a, til wal swach'c'ojlal tzyac' 'ayn̈ec.

Gl 2:3

Ax Tito cha, ajun wet'oc. Wach'xam man̈ israeloc, palta man̈ 'ajxnacoc pural yajx circuncidar.

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

A Scarta San Pablo D'a Eb' Aj Colosas 3:11

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.

2 Ti 3:11

An̈jtona', lajn pax a te'nal wet' 'a scal jun tzo'n̈ tas tz'ajx 'och 'a wib'an̈, yet' jun tzo'n̈ xo tas tzwab' syail. 'In ojc xo, caw in 'ixtxi, yic wec' 'a chon̈b' Antioquía, 'a Iconio, yet' 'a Listra. Til wal wab'jnac syal 'a jun tzo'n̈ chon̈b' cha, palta a Cajlil, a coljnacn can 'el 'a yol sc'ab' smasnil.