A Tas Sc'ulejnac Eb' Schecab' Jesús Hechos 13:10 - Chuj San Sebastian Bible

¹⁰ 'Ix yaln 'a win 'ixtic: —Ach tic, caw tzextj paxti eb' 'anma', caw maysch'olnil a nab'en. Yunnalch win diablo, 'ajc'ojl 'ajch 'a smasnil tas wach'. A spaxti Cajlil, caw yel, yuj cha, ¿tas yuj matz actj can extni?

Chuj San Mateo Bible

¹⁰ Ix yalan vin̈ d'a vin̈: —A ach tic, tzac' musansatil eb' anima. Te chuc a pensar. Yuninal ach vin̈ diablo. Ajc'ol ach d'a masanil tas vach'. A slolonel Cajal Jesús te yel. Yuj chi', ¿tas yuj max actejcan ixtani?

A Tas Sc'ulejnac Eb' Schecab' Jesús Hechos 13:10 Iomraidhean Croise

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

2 Cr 17:6

'Ix ya'n 'och wal 'a sc'ojl sb'eylb'an sb'eyb'al Jehová, xyi'n 'el smacsej eb' 'anma 'a jolmctac witz, yet' smasnil jun tzo'n̈ yechl comn dios Aserá 'a yol yic Judá.

Ec 9:3

'Ay jun tas tu tzb'o 'a scal smasnil tas tzuj 'a yolyib'n̈q'uinl tic: atn yujto junn̈j tas tzon̈ satnec 'eli. Ax tas 'ayc' 'a qui nab'enec qui masnil, atn maysch'olnil yet' man̈ nab'enal; ax yic tzjaw tza'n̈joc qui chamlec 'a quib'an̈, tzon̈ satc can pax 'ejmi.

Jeremías 23:36

Palta man̈xtzac yal junc paxti 'ixtic: Schecnb'il Jehová jun tic, man̈ xchioc. Toto tzyal jun paxti cha, mun a jun spaxti chi 'oj meltzjoc 'och 'a 'a. Yujto 'ix yixtj 'el eb' 'anma tic 'a tas 'ix wala, an ton tic Dios in, pitzn in, an Jehová in, tztac' wuj smasnil, e Diosal in paxi.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Mt 13:38

Ax jun lum cha, tzyal 'el'chi atn yolyib'n̈q'uinl tic. A jun tzo'n̈ wach' 'in̈t cha, atn eb' 'anma 'ayx 'och 'a yol sc'ab' Dios. Ax jun tzo'n̈ 'ac trigo cha, atn eb' yic win diablo.

Mt 15:19

Yujto a 'a snab'en eb' 'anma tzpitzw jun tzo'n̈ tu nab'enal tic. 'Ay eb' tzmiln cham yit 'anma'il. 'Ay eb' tzb'on 'ajmulal 'a yol sc'ab' yistzil. 'Ay eb' mant 'a yistzil tzb'on 'ajmulal paxi. 'Ay eb' tz'elc'wi, 'ay eb' tzyac' 'es, 'ay pax eb' tzcomn b'uchwji.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Mt 3:7

Til wal eb' fariseo yet' eb' saduceo xlaj c'och 'a 'a, sec tz'ajx bautisar eb' yu'uj. Palta xyaln 'a eb' 'ixtic: —Ax tic, caw 'ixtm 'anma 'ex, lajn ex 'icha junc chan. ¿Mach 'ix aln 'ayex, to 'oj stac' e coln 'el e b'a 'a jun niwn yailal 'oj jawoc?

Lc 11:39

Palta xyaln Cajlil 'a win 'ixtic: —Ax fariseo ex tic, caw tze b'icl spatquil e vaso yet' e yuc'ab', palta ax tas 'ay 'ejm 'a yojol, ton̈j 'elc'b'il eyuj 'a scal maysch'olnil.

Lc 11:52

'Oltacx wal ax cuywjum ex 'a ley yic Moisés, yujto mun xcob' eya'ch eyopiso e jacn snab'en eb' 'anma yet' spaxti Dios. Palta 'in matz eya'ch e nab'en 'a spaxti cha. Ax eb' tznib'j tzya'ch snab'en 'a 'a, matz e chaj ya'ch eb', xchi Jesús 'a eb'.

Jn 1:23

Yuj cha, 'ix yaln pax 'a eb' 'ixtic: —An tic, tzin 'awj 'a cusltac lu'um, tzwaln 'ixtic: B'oc junc sb'e Cajlil, caw tojl tzeyutj e b'on 'a 'a, xin chi. Yujto 'ixta yaj stz'ib'x can wab'xil yuj Isaías, atn jun schecb' Dios 'a pecti', xchi 'a eb'.

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

A Tas Sc'ulejnac Eb' Schecab' Jesús Hechos 20:30

An̈jtona 'a e cal ax tic, 'ay pax jun tzo'n̈ xo eb' 'oj pitzwc cha'an̈. Ax ya'n eb' jun tzo'n̈ 'es, yic tzya'n eb' sc'ojloc eb' creyente, sec tz'och eb' yet' eb'.

2 Co 11:3

Palta tzin xiwi, toq'ue 'icha 'ajnc 'ix Eva yixtx paxti yuj sjelnal jun ya'jnac 'och sb'a chanil, toq'ue 'ixta tzex 'aj eyixtx paxti jun xo. Lemb'il yuj cha, ax eyi'n 'el e nab'en 'a Cristo. Lemb'il man̈x tojloc 'oj eyutc e b'a 'icha tznib'ej.

Gl 1:7

Palta may junc xo 'ab'x yic colnb'il yel. 'Ay eb' tznib'j ton tzjeln 'el yab'xil Cristo, palta ton̈j tzwach' somchj 'el e nab'en yuj eb'.

Ef 4:14

Yujto tznib'ej, man̈xtoc lajn on̈ 'icha eb' 'unn c'un somchj snab'en. A ticnec, 'ay eb' lajn 'icha junc barco ton̈j tz'eytz'n 'ec' yuj 'ic', yujto ton̈j tzsomchj snab'en eb' yuj jun tzo'n̈ chuc cuynb'ilal tzalx 'a eb'. Ton̈j tz'ixtx paxti eb' yuj jun tzo'n̈ eb' jeln ya'n 'es. A eb' cha, tznib'j eb' tzon̈ yij 'at 'a junc comn b'eyb'al.

A Schab'il Carta San Pedro 2:15

'Ix yactj can eb' jun tojl b'eyb'al, satcn 'at eb'. Yuj cha, a sb'eyb'al win Balaam 'a pecti', win yunnal Beor, a chi tzb'eylb'ej eb'. A win cha, ton̈j snib'jnac win yac' ganar stumn 'a spatc maysch'olnil.

1 Jn 3:8

A mach an̈ja sb'eylb'an maysch'olnil, an̈ja yic win diablo, yujto a win 'aj pitzwnac 'elt maysch'olnil cha. An̈jtona ticnec, an̈ja wan sb'on winac. Yuj wal cha, swulc' Yunnal Dios 'a yolyib'n̈q'uinl tic, wul ya'n lajwc tas tzb'o winac.