A Tas Sc'ulejnac Eb' Schecab' Jesús Hechos 12:7 - Chuj San Sebastian Bible

⁷ Palta yajn̈j wal cha, 'ix c'och jun yángel Cajlil. Caw sacq'uinl x'aj yojl te preso chi yu'uj. 'Ix stenn 'och sc'ab' 'a scostil Pedro cha, 'ix spitzn 'el swayan̈. Xlajw cha, xyaln 'ixtc 'a 'a: —Q'uen̈ wan muc'uc, xchi. Ax q'uen cadena chi 'aych 'a sc'ab' Pedro cha, mun 'ix 'el q'ue'en, 'ix 'emcn lan̈njoc.

Chuj San Mateo Bible

⁷ Palta d'a jun rato chi' ix c'och jun yángel Dios Cajal. Te sac q'uinal ix aj d'a yol te' preso chi' yuuj. Ix yecub'tan̈an scostil vin̈aj Pedro chi' jun ángel chi', yic tz'el svayan̈ vin̈, ix yalan d'a vin̈: —Q'uean̈ vaan val ticnaic, xchi. Axo q'uen cadena ayoch chi' d'a sc'ab' vin̈aj Pedro chi', munil ix el q'ueen, ix em lan̈naj q'ueen.

A Tas Sc'ulejnac Eb' Schecab' Jesús Hechos 12:7 Iomraidhean Croise

A Ch'an̈ Schab'l Libro Samuel 22:29

Mamin Jehová, ach ton sacq'uinl aj 'ayin; ach in Diosal, ach 'oj e'cn 'el q'uic'q'uinl 'ayin.

A Ch'an̈ B'ab'el Libro Yic Yab'ixal Eb' Rey 19:5

'Ix 'ec' c'otn sway 'a yich te te cha. Ax yic waync cha, 'ix c'och jun ángel 'a 'a, 'ix spitzn 'el swayan̈, 'ix yaln 'a 'ixtic: Q'uen̈ wa'an, wa'an̈, xchi 'a 'a.

A Ch'an̈ B'ab'el Libro Yic Yab'ixal Eb' Rey 19:7

'Ix c'ochx jun yángel Jehová chi 'a jun 'ejm xo, spitzn pax 'el swayan̈, xyaln 'ixtc 'a 'a: Q'uen̈ wa'an, wa'an̈, ax a 'atxi, yujto caw najtto 'oj a b'ey'ti, xchi.

Salmos 107:14

'Ix yi'n 'elt eb' 'a scal q'uic'q'uinal, 'a 'aj 'ay yet'l chamel, sn̈i'chtan 'el q'uen cadena chi 'a eb'.

Salmos 116:16

A Jehová, yel ton b'i'an, schecb' waji, yune 'in 'ix schecb' Dios cha. A 'in coln 'elt 'a yol sc'ab' tas jaljnac in.

Salmos 146:7

A tzb'on yaj eb' tz'ixtxi, a tz'a'n pax tas tzc'ux eb' caw 'ay swejel. Tzcoln 'elt eb' 'icha preso yaji.

Salmos 34:7

A yángel Jehová a tztan̈wni eb' yiclum 'a Dios, tzoyy 'ec' 'a stz'ey eb', tzcolx 'el eb' yu'uj.

Salmos 68:6

A eb' tz'ec' sch'ocoj, a Dios tz'a'n 'aj wach' scan cajn eb'. Ax eb' tzyamchj can 'at 'icha presoal yuj owal, tzcolx 'elt eb' yu'uj, tzlajw cha, tzya'n q'ue'choc eb'. Palta ax eb' tu snab'en, a 'a lum tacn̈ lum 'oj can cajn eb'.

Is 37:30

Xlajw cha, 'ix yaln Isaías 'ixtc 'a Ezequías: 'Ay jun senya 'oj ch'oxxoc eyil yuj tastc tot 'oj ujoc: 'Oj e wa 'ixm trigo mun tzpac' 'a jun ab'il tic yet' 'a junx ab'il; palta ax 'a yoxl ab'il, ax xo 'oj eyawc tas 'a lu'um, ax e jach'w paxi, 'oj eyawc eyuva ax e lon sat.

Is 60:1

A Jehová a 'ix aln can 'ixtic: Ex 'aj Jerusalén, a ticnec q'uen̈ec pax wa'an, caw wach' eyico' yujto tzcheclj pax chan̈ in sacq'uinlal yet' in tzictznil 'a e cal.

Jeremías 40:1

'Ix paxtin pax Jehová 'ayin, yic tox in 'ajx 'el 'a libre 'a chon̈b' Ramá yuj Nabuzaradán, win scomandanteil eb' stan̈mal win sreyl Babilonia. 'Ilchjnacn yuj Nabuzaradán to jalb'iln yet' q'uen cadena, 'ayn 'och 'a scal eb' 'anma 'aj Jerusalén yet' eb' 'aj Judá, eb' wan yijx 'at 'icha presoal 'a Babilonia.

Ez 43:2

ax xwilni, 'ix jaw tzicn̈joc stzictznil qui Diosal 'ayin, ata xcot 'a stojlal 'aj tzq'uel c'u, lajn wal sc'an̈ 'icha sc'an̈ a 'elmal a'. Caw wal 'ix sacb'el sat lum yuj stzictznil cha.

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Dn 6:22

A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.

Miqueas 7:9

'Ix 'och qui mulc 'a Jehová, yuj cha, 'oj ca'c techjoc yowl sc'ojol, masnto 'oj on̈ sb'eyc'ojloc, ax on̈ sb'onec yaji. 'Oj yac' Jehová quilc sacq'uinlal, 'oj quilc tas 'oj yutc on̈ scolnec 'eli.

Habacuc 3:11

Ax c'u yet' 'uj, 'ix 'och wan eb' sb'eyi, yic 'ix 'elt jupljoc a jul-lab' cha, caw 'ix q'ue wan jupljoc a lanza.

Habacuc 3:4

Ach jaw 'a scal a tzictznial. Xlaj 'eltoc jub'ljoc raya 'a yol a c'ab'. A 'ix ch'oxn 'eli, to 'ay a poder c'ultac yaj o'oj.

Mt 2:13

Xlajw spax eb' mago cha, 'ay jun yángel Cajlil 'ix ch'ox sb'a 'a José 'a swayich, 'ix yaln 'a 'ixtic: —Q'uen̈ wa'an, 'ij 'at win 'unn tic et'oc, yet' snun winac. 'Eln̈ec muc'uc, 'ixquec 'a Egipto. Cann̈ecn̈ej ta b'el, masnto an 'oj wal 'ayach, yujto 'oj yac' win Herodes sayxc 'ec' jun 'unn tic yic tzya'n milxoc, xchi jun ángel cha.

Lc 2:9

Yajn̈j wal cha, 'ix wul sch'oxnc sb'a jun yángel Cajlil 'a eb', ax stzictznil Cajlil cha, 'ix 'eml 'a yib'n̈ eb'. Caw wal 'ix xiw eb' yu'uj.

Lc 24:4

Caw 'ix sat sc'ojl eb' yilni. Ax 'ix yiln eb', 'ayc' chawn̈ ángel 'icha winc yilxi. Lin̈n 'ec' 'a stz'ey eb', caw tzictzni spichl eb' ángel cha.

A Tas Sc'ulejnac Eb' Schecab' Jesús Hechos 10:30

Yuj cha, xyaln win Cornelio 'a 'ixtic: —Yab'n 'icha hora tic 'oxji, 'ayn 'och 'a c'ajb'c'ojlal. Wan in leslwi 'a yol watut tic 'a yic am a las tres yic yemc'ual, 'ay jun xwul sch'ox sb'a 'ayin, caw tzictzni yilx spichul.

A Tas Sc'ulejnac Eb' Schecab' Jesús Hechos 12:23

Yajn̈j wal cha, 'ix 'ajx can telwc win yuj jun yángel Cajlil, yujto ma'ix yala, to cojn qui Mam Dios 'ay yel'chi. 'Ix 'ocht ay winac. 'Ixta to b'i'an, 'ix chami.

A Tas Sc'ulejnac Eb' Schecab' Jesús Hechos 12:6

Ax 'a jun 'ac'wal, q'ui'noc xoj sch'oxx 'elt Pedro 'a sat eb' 'anma yuj win Herodes snani, waync Pedro 'a snan̈l chawn̈ eb' soldado, jalb'il yet' chab' cadena. Ax 'a sti', 'ayc' pax eb' soldado tztan̈wni te preso cha.

A Tas Sc'ulejnac Eb' Schecab' Jesús Hechos 12:8

'Ix yaln pax jun ángel chi 'a 'ixtic: —Sin̈b'tzej a jalul, 'a'ch a xan̈ab', xchi. Xlajw cha, 'ix yaln pax 'ixtc 'a 'a: —'A'ch spotl a patic, 'ochn̈ tza'n wu'uj, xchi.

A Tas Sc'ulejnac Eb' Schecab' Jesús Hechos 16:26

Ax 'a chim'ac'wl cha, 'ix 'ec' wal jun niwquil quixcab', caw ow x'eq'ui. C'uxn x'ib'x yipnub'al yich te preso cha. Yajn̈j wal cha, mun xjacw spuertail te preso chi smasnil. Ax q'uen cadena 'aych 'a eb' preso cha, c'uxn x'el lan̈njoc q'uen smasnil.

A Tas Sc'ulejnac Eb' Schecab' Jesús Hechos 2:24

Palta a Dios 'ix 'a'n pitzwc paxi. 'Ix yac' ganar Jesús spitzw paxi, yujto may yel'ch chaml 'a 'a.

A Tas Sc'ulejnac Eb' Schecab' Jesús Hechos 5:19

Palta ax 'a 'ac'wal, 'ay jun yángel Cajlil, xwul jacn te preso cha. 'Ix yi'n 'elt eb'. Xlajw cha, xyaln 'a eb' 'ixtic:

A Tas Sc'ulejnac Eb' Schecab' Jesús Hechos 9:3

Yuj cha, xcob' 'at win 'a yol b'e. Palta ax yic wan sc'och win 'a sla'nil chon̈b' Damasco, yajn̈j wal cha, 'ix 'eml jun sacq'uinl 'a satcha'an̈. 'Ix 'ejm 'a yib'n̈ winac.

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

Apoc 18:1

Xlajw cha, xwilni, 'ay junx ángel 'ix cot 'a satcha'an̈. Caw niwn spoder. 'Ix sacb' yolyib'n̈q'uinl yuj stzictznial.