A Tas Sc'ulejnac Eb' Schecab' Jesús Hechos 12:2 - Chuj San Sebastian Bible

² 'Ix ya'n win tzu'xc 'el sjolm Jacobo, yu'tac Juan.

Chuj San Mateo Bible

² Ix schecan vin̈ tzepchajel sjolom vin̈aj Jacobo, aton vin̈ yuc'tac vin̈aj Juan.

A Tas Sc'ulejnac Eb' Schecab' Jesús Hechos 12:2 Iomraidhean Croise

A Ch'an̈ B'ab'el Libro Yic Yab'ixal Eb' Rey 19:1

'Ix yaln win Acab yab' 'ix Jezabel yuj smasnil tas 'ix sb'o Elías, yet' tas pax xyutj smiln eb' schecb' Baal.

A Ch'an̈ B'ab'el Libro Yic Yab'ixal Eb' Rey 19:10

'Ix ta'w Elías chi 'ixtc 'a 'a: Mamin Jehová, yajl ach 'a yib'n̈ smasnil, caw wal xcot yowl in c'ojl yuj tas tzach yutj eb' wit israelal. 'Ix spatquilj can 'el eb' a trato, 'ix laj sma'n lan̈chjoc eb' yet'l xajmb'al to ec yaji, 'ix laj stzu'nc cham eb' ewin a checab'. Cojxn in cannc in 'a scal eb', ax ticnec, to tzin sayx 'ec' yuj eb', yic tzin smiln cham eb', xchi.

Jeremías 26:23

Ax eb' x'at 'i'nc Urías cha, 'ix wul ya'nc eb' 'a yol sc'ab' rey Joacim. Ax win x'a'n milxoc chamoc, xya'n win julxoc 'ejm sniwnal 'a yol xab' 'a 'aj tzmucx eb' comn 'anma'.)

Mt 20:23

—Wal yel, 'oj eyajx prowal 'icha 'oj waji. 'Icha 'oj wutc wab'n syal an tic, 'ixta 'oj eyab' pax syal jun xo. Palta an tic, may waln wic ex wa'n 'em wocn 'a in wach' c'ab', mto 'a in surito. Yujto a qui Mam Dios a b'ojnac xoni, mach eb' 'oj 'em wocn ta', yuj cha, atn eb' 'aj 'oj 'ajxoc, xchi 'a eb'.

Mr 10:35

A eb' yunnal Zebedeo, atn Jacobo yet' Juan, 'ix jaw eb' 'a Jesús, 'ix yaln eb' 'ixtc 'a 'a: —Mamin, a tas 'oj qui c'an 'aych on̈, tzqui nib'j tzac' 'ayn̈ on̈, xchi eb'.

Mr 10:38

—Caw matz nachj 'el eyu'uj tas tze c'an 'ayin. ¿'Oj techjoc am eyajx prowal 'icha 'oj waji? A wal jun tas 'oj jawc 'a wib'an̈, ¿tom 'oj techjoc eyu'uj? xchi 'a eb'.

Mr 10:39

—'Oj techjoc, xchi eb'. —Wal yel 'oj eyajx prowal 'icha 'oj waji, 'icha 'oj wab' syal an tic, 'ixta 'oj eyab' pax syal jun xo.

A Tas Sc'ulejnac Eb' Schecab' Jesús Hechos 12:1

A 'a yic jun tiempoal cha, a win rey Herodes 'ix syamch win ya'n stul 'a eb' creyente.

A Ch'an̈ Carta D'a Eb' Hebreo 11:37

'Ay eb' julxnac cham yet' q'uen q'ue'en. 'Ay eb' polb'il t'ucchjoc snan̈l yet' q'uen serucho. 'Ay eb' caw 'ajxnac prowal. 'Ay pax eb' chamnc yuj q'uen espada. 'Ay eb' 'icha xoj meb'a'il yeq'ui. Cojxn stz'umal no calnelu, no chiwo 'aych spichloc eb'. Caw meb'a eb', til wal yailal 'ec' yab'jnac eb', yajx pax 'och syailal eb'.