A Tas Sc'ulejnac Eb' Schecab' Jesús Hechos 12:11 - Chuj San Sebastian Bible

¹¹ Ax 'ix yilni to caw yel. Yuj cha, 'ix yaln 'ixtic: —A ticnec, tzwila, caw yel 'ix schec cot Wajlil jun yángel in wul scol 'elt 'a yol sc'ab' win Herodes. In colchj pax 'elt 'a yaln̈ jantcn̈ej tas tznib'j eb' wit israelal tzya'ch 'a wib'an̈, xchi.

Chuj San Mateo Bible

¹¹ Axo ix yilan vin̈ to yel. Yuj chi' ix yalan vin̈: —A ticnaic, svila' to yel ix scheccot jun yángel Dios Cajal tzul in scolanel d'a yol sc'ab' vin̈aj Herodes. In colchajelta d'a yalan̈ jantacn̈ej tas sgana eb' vetisraelal syac'och d'a vib'an̈, xchi vin̈.

A Tas Sc'ulejnac Eb' Schecab' Jesús Hechos 12:11 Iomraidhean Croise

Gn 15:13

Xlajw cha, xyaln Jehová 'a 'ixtic: —Yowlal tzojquej 'eli to a eb' en̈til, chuc chon̈b'al 'aj 'oj c'och cajn eb', mosoal 'oj 'ajch eb', man̈ yico'oc sb'a eb'. Chan̈e ciente ab'il 'oj 'ixtxoc eb' si'mb'il.

Gn 18:13

Yuj cha, xyaln Jehová 'ixtc 'a Abraham: —¿Tas yuj ton̈j tzewj 'ix Sara tic? ¿Am snan 'ix, yujto chichm 'ixx 'ix, man̈xtzac stac' yiln 'ix satc junc 'unin?

Gn 26:9

Yuj cha, x'at ya'nc win 'ijxoc cot Isaac, xyaln win rey chi 'a 'ixtic: —Tox xwila, chajtlto estzil 'ix 'ix tic, ¿'ixtnta', mto ma'ay? ¿Tas yuj 'ix ala to anb' 'ix? xchi winac. —'Ix in na'a toq'ue tzin milx cham yuj 'ix, yuj cha xwaln 'ixta', xchi Isaac cha.

A Ch'an̈ Schab'l Libro Samuel 22:1

'Ix sb'itnej rey David jun b'it tic 'a Jehová, yic sc'ul xcolx 'el yuj Jehová 'a yol sc'ab' Saúl, yet' 'a yol sc'ab' jun tzo'n̈ xo eb' 'ajc'ojl yajch 'a 'a.

2 Cr 16:9

A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.

Job 31:31

A eb' cajn wet' 'a watut, yojc eb' to a smasnil eb' ula 'anma tzlaj 'ec' 'ayin, tzwa'n̈j wa eb'.

Job 5:19

Til wal 'ejm 'oj a colx 'el yuj 'a tas 'ay smay, wach'xam junc yel xo caw tu', ma'oj scha jawc 'a eb'an̈.

Salmos 109:31

Yujto ach tza col eb' 'oltac tz'aji, tza coln 'el eb' 'a yol sc'ab' eb' tz'a'n queja eb' cha.

Salmos 33:18

Palta ax Jehová q'uelnn̈ej 'och 'a eb' yiclum yet' 'a eb' to 'ay schamc'ojlal 'a 'a. A 'aych yipc sc'ojl eb',

Salmos 33:19

sec tzcolx 'el eb' 'a yol sc'ab' chaml yu'uj. Tzya'n pax tas tzc'ux eb' 'a yic stiempoal 'ay wejel.

Salmos 34:22

A Jehová a tzcoln 'el eb' schecab'. Ma'oj 'ajxoc 'och syailal eb', yujto a 'aych yipc sc'ojl eb'.

Salmos 34:7

A yángel Jehová a tztan̈wni eb' yiclum 'a Dios, tzoyy 'ec' 'a stz'ey eb', tzcolx 'el eb' yu'uj.

Salmos 41:2

A 'oj tan̈wnoc eb', 'oj yac' sq'uinl eb', ax ya'n pax stzaljc'ojlal eb' 'a sat lum lum tic. Caw wach' yic eb', ma'oj 'ajxoc eb' 'a yol sc'ab' eb' 'ajc'ojl yajch 'a eb'.

Salmos 97:10

An̈ec tzqui chamc'ojlej Jehová, qui yajc can 'el maysch'olnil. A eb' yiclum tzyutj sb'a 'a 'a, 'oj tan̈wxoc eb' yu'uj, a 'oj colnc 'el eb' 'a yol sc'ab' eb' tu snab'en cha.

Dn 3:25

'Ix yaln win rey cha: A tzwil an tic, coynto chan̈wn̈ ewin tzb'eyc' 'a scal c'ac' cha, jiyb'il 'el ewinac, may tz'i'n ewin xon jab'oc. A jun schan̈l cha, lajn wal yilx 'icha junc ángel, xchi winac.

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Dn 6:22

A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.

Lc 15:17

'Ixta to b'i'an, snan win 'ixtic: ¿Tas yuj 'ixtc tzwutj in b'a? Ticni caw 'ay eb' smajn in mam, caw tzyac' sobra tas tzc'ux eb'. An xo tic, wan wa'n cham in b'a yuj wejl 'a tic.

A Tas Sc'ulejnac Eb' Schecab' Jesús Hechos 12:7

Palta yajn̈j wal cha, 'ix c'och jun yángel Cajlil. Caw sacq'uinl x'aj yojl te preso chi yu'uj. 'Ix stenn 'och sc'ab' 'a scostil Pedro cha, 'ix spitzn 'el swayan̈. Xlajw cha, xyaln 'ixtc 'a 'a: —Q'uen̈ wan muc'uc, xchi. Ax q'uen cadena chi 'aych 'a sc'ab' Pedro cha, mun 'ix 'el q'ue'en, 'ix 'emcn lan̈njoc.

A Tas Sc'ulejnac Eb' Schecab' Jesús Hechos 24:27

Chab' ab'il xyac' win 'ixta yet' Pablo cha, xlajw cha, x'el win 'a yopiso, ax win Porcio Festo x'ochx can sjelc winac. Ax yic x'el win Félix chi 'a yopiso, 'ix wach' 'atcn Pablo 'a preso yu'uj, sec tzalj eb' israel yet' winac.

A Tas Sc'ulejnac Eb' Schecab' Jesús Hechos 25:9

Palta snib'j win Festo to tzalj eb' israel yet'oc. Yuj cha, 'ix sc'anb'n win 'ixtc 'a Pablo: —¿Tzam a nib'j tzach 'at 'a Jerusalén, sec ata tzach in b'eyc'ojlej? xchi winac.

A Tas Sc'ulejnac Eb' Schecab' Jesús Hechos 5:19

Palta ax 'a 'ac'wal, 'ay jun yángel Cajlil, xwul jacn te preso cha. 'Ix yi'n 'elt eb'. Xlajw cha, xyaln 'a eb' 'ixtic:

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

A Schab'il Carta San Pedro 2:9

An̈jtona', 'ixta pax ticnec. Yojc Dios, tas tzyutj scoln eb' 'aych snab'en 'a 'a, yic tz'ajx prowal eb'. Yojc paxi, tas tzyutj ya'n can 'at eb' man̈ tojloc snab'en 'a yailal. Ata tzcan eb', masnto 'oj jawc jun c'ual, yic 'oj wach' b'eyc'ojlaxc eb'.