A Tas Sc'ulejnac Eb' Schecab' Jesús Hechos 1:3 - Chuj San Sebastian Bible

³ Yic tox 'ix chami, niwn 'ejm to sch'ox sb'a 'a eb' schecb' cha. Chawinc to c'u 'ix sch'ox sb'a 'a eb', chajtlto caw yel 'ix pitzw paxi. 'Ix yaln can 'a eb', chajtl tzyutj Dios ya'n yajlil 'ayn̈ec.

Chuj San Mateo Bible

³ Ayic toxo ix ec' chamel d'a yib'an̈, tzijtum elto ix sch'ox sb'a d'a eb' schecab' chi'. 40 c'ualto ix eq'ui, ixto sch'ox sb'a d'a eb' to yel ix pitzvixi. Ix yalancan d'a eb' to ol vach' och Dios Yajalil.

A Tas Sc'ulejnac Eb' Schecab' Jesús Hechos 1:3 Iomraidhean Croise

A Ch'an̈ B'ab'el Libro Yic Yab'ixal Eb' Rey 19:8

Yajn̈j cha, 'ix q'ue wan Elías cha, 'ix wa'i, xyu'n a a cha. Ax tas 'ix sc'ux cha, 'ix 'och yip yu'uj, chawinc c'u, chawinc 'ac'wl 'ix b'ey'ti yic xc'och 'a lum jolm witz Horeb, atn lum Sinaí 'aj sch'oxjnac sb'a Dios.

Mt 21:43

Yuj cha, tzwal 'ayex, 'oj yal Dios to man̈x 'a eyaln eyic eyoch 'a yol sc'ab'. Ax yaln 'a jun tzo'n̈ xo eb' 'anma', to 'ay yaln eb' yic yoch e jeloc. Yujto a eb' cha, lajn eb' 'icha eb' tz'a'n stojl te 'awb'ente 'a win 'aj lu'um.

Mt 28:9

Ax yic wanto sb'ey eb', 'ix ch'oxn sb'a Jesús 'a eb', 'ix sc'anb'n sc'ojl eb'. Yuj cha, xwach' c'och eb' 'a stz'ey, 'ix ya'n 'ejm sb'a eb' 'a 'a, 'ix syamn eb' yoc.

Mt 3:2

'Ix yaln 'a eb' 'ixtic: —Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi.

Mt 4:2

Chawinq'uin̈ may tas sc'uxu, yuj cha, caw x'och swejel.

Mr 16:19

Ax yic xlajw yaln Cajlil Jesús jun tzo'n̈ tic 'a eb' schecb' cha, 'ix 'ijx 'at 'a satcha'an̈. Ata x'em wocn 'a swach' c'ab' Dios.

Jn 20:26

Yucb'ixial xo, 'ix syamn pax sb'a eb' jun 'ejm xo 'a yol n̈a cha. 'Ayx 'ec' Tomás chi yet' eb'. Caw sin̈n̈i yaj sch'apx te n̈a cha, palta ax xyiln eb', 'ayx 'ec' Jesús 'a scal eb'. 'Ix yaln 'a eb' 'ixtic: —Junc'ojlal cab' eyaji, xchi.

Jn 21:1

Ax 'a jun 'ejm xo, 'ix sch'oxn pax sb'a Jesús 'a eb' scuywum, yic 'ayc' eb' 'a sti a mar yic Tiberias. 'Ixtc 'ix yutj sch'oxn sb'a 'a eb'.

Jn 21:14

A Jesús cha, yoxlal xo sch'oxn sb'a 'a eb' scuywum cha, yic 'ix pitzw pax 'a scal eb' chamnac.

A Tas Sc'ulejnac Eb' Schecab' Jesús Hechos 13:31

Xlajw cha, niwn to sc'ul 'ix 'ec' yet' eb' scuywum, atn eb' cotnc yet' 'a Galilea xc'och eb' yet' 'a Jerusalén, yic mantzac chami. A eb' cha, wan yaln 'el eb' yab'xil 'a scal eb' 'anma ticnec.

A Tas Sc'ulejnac Eb' Schecab' Jesús Hechos 19:8

'Oxe 'uj xit' yal-l Pablo spaxti Dios 'a yol scapiya eb' yit israelal. Caw te'n xyutj sb'a yaln 'el 'a eb'. 'Ix ya'lj ya'n nachjc 'el yuj eb', tas tzyutj eb' yoch 'a yol sc'ab' Dios.

A Tas Sc'ulejnac Eb' Schecab' Jesús Hechos 28:23

Xlajw cha, smol aln eb', 'aja c'u tzyam sb'a eb' jun 'ejm xo. Ax 'a yic jun c'u cha, til wal eb' syam sb'a 'a 'aj 'ayc' Pablo cha. Ax 'a sq'uin̈b'ial, 'ix syamn 'och Pablo yaln 'a eb', masnto x'em c'u. 'Ix yaln 'a eb' tas wal tz'aj eb' 'anma yoch 'a yol sc'ab' Dios. 'Ix yaln pax 'a eb', tastc tz'ib'b'il can 'a ley yic Moisés, yet' tastc tz'ib'b'il can yuj eb' schecb' Dios pecti'. Caw xyac' wal snab'enoc eb', sec toq'ue tzya'ch eb' sc'ojl 'a Jesús.

A Tas Sc'ulejnac Eb' Schecab' Jesús Hechos 28:31

Caw te'n xyutj sb'a yaln 'eli, tas tz'aj eb' 'anma yoch 'a yol sc'ab' Dios, 'ix yaln 'el jun tzo'n̈ cuynb'il yic Cajlil Jesucristo, toxn may mach xtenn 'och wa'an.

A Tas Sc'ulejnac Eb' Schecab' Jesús Hechos 8:12

Ax Felipe xaln 'el 'a scal eb', tas tz'aj eb' yoch 'a yol sc'ab' Dios. 'Ix yaln 'el yab'xil Jesucristo 'a eb'. Yuj cha, 'ay eb' winac, 'ay eb' 'ix, xlaj ya'ch eb' sc'ojl 'a tas 'ix yala. Xlajw cha, 'ix laj ya'n 'ajxc bautisar sb'a eb'.

Ro 14:17

A ticnec, 'ayn̈ecx 'och 'a yol sc'ab' Dios, yuj cha, man̈x smojc tzca'c 'och qui nab'en 'a jun tzo'n̈ tas tzqui c'uxec, mto tas tzcu'jec. Palta smoj tojl tzcutjec qui nab'en, junc'ojlal tzcutjec qui b'a. Tzqui chanec pax jun tzaljc'ojlal tzyac' Yespíritu Dios 'ayn̈ec.

Dt 9:18

Xlajw cha, in 'em cumn 'a yojltac Jehová, 'icha xon tzwac' yet'oc. Chawinc c'u chawinc 'ac'wl ma'in wa'i, may pax jac tas xwu'j eyaloc. 'Ixta xwutj in b'a, yujto xeya'ch e mul 'a Jehová, xe tzuntzn cot yowal.

Dt 9:9

In xit'c 'a sjolm lum witz Sinaí 'at in cha chapachn̈ q'uen q'uen 'aj tz'ib'b'il 'och strato Jehová b'ob'il yuj quet'ec. Ata in can chawinc c'u chawinc 'ac'wal, may xon jac tas xin c'uxu, may jac tas xwuq'uej.

A Scarta San Pablo D'a Eb' Aj Colosas 1:13

Yujto a on̈ colnec can 'elt 'a yol sc'ab' q'uic'q'uinal, on̈ yi'nec 'och 'a yol sc'ab' Yunnal, atn jun chamc'ojlb'il yu'uj.

1 Ts 2:12

Caln pax 'ayx on̈, to caw wach' tzeyutj e b'eyb'al, 'icha tznib'j Dios. A on̈ 'awtnec 'och 'a yol sc'ab', sec 'oj tz'acwc qui wach'lec 'icha swach'il.

1 Jn 1:1

Tic tzqui tz'ib'j 'at 'ayx on̈, yuj jun mach spaxti Dios sb'i, atn jun tz'a'n qui q'uinlec 'a jun 'ejmn̈ej. Yic mant 'a yolyib'n̈q'uinl tic, 'ayc' xoni. An̈ tic on̈, caw cab'jnac spaxtin on̈. Quiljnac yet' qui sat on̈. Caw 'ochnc on̈ q'ueln 'a on̈, qui yamjnac pax yet' qui c'ab' on̈.