A Tas Sc'ulejnac Eb' Schecab' Jesús Hechos 1:16 - Chuj San Sebastian Bible

¹⁶ —Ex wu'tac, ex wanab', yowlal x'el'ch 'icha yaj stz'ib'x can 'a Ch'an̈ U'un̈. Yujto a Yespíritu Dios 'a'jnac stz'ib'c can David, chajtlto a win Judas ch'oxwjum 'a eb' tzyamn Jesús.

Chuj San Mateo Bible

¹⁶ —Ex vuc'tac ex vanab', yovalil ix elc'och icha tz'ib'ab'ilcan d'a Slolonel Dios. Yujto a Yespíritu Dios ac'annac stz'ib'ejcan vin̈aj David yuj vin̈aj Judas, aton vin̈ ch'oxjinac Jesús d'a eb' yamjinac.

A Tas Sc'ulejnac Eb' Schecab' Jesús Hechos 1:16 Iomraidhean Croise

A Ch'an̈ Schab'l Libro Samuel 23:2

A Yespíritu Jehová a xpaxtin 'el 'ayin; a spaxti 'ayc' 'a yol in ti'.

A Ch'an̈ Schab'il Libro Yic Yab'ixal Eb' Rey 15:12

'Ixtnta 'ix 'aj yel'ch tas 'ix yal Jehová 'a win rey Jehú, yic 'ix yalni, to a eb' yin̈tl 'oj 'em wocn 'a sdespacho ya'n reyl 'a chon̈b' Israel, masnto 'a schan̈ macn̈il yin̈til.

Salmos 41:9

Ax jun in wach'c'ojl caw 'aych cob' yipc in c'ojol, junn̈j tzin wa yet'oc, palta 'ix meltzj 'och 'ajc'ojlal 'ayin.

Mt 26:14

'Ay jun scuywum Jesús 'a scal eb' lajchwa'an̈, atn Judas win 'aj Queriot, 'ix 'at sc'umc sb'a yet' ewin sat ya'mal 'och sti eb' 'anma 'a Dios,

Mt 26:47

Wanto yaln jun cha, 'ix jaw win Judas. A win cha, yit cuywumal sb'a cob' yet' eb' uxlchwa'an̈, til wal 'anma xjaw yet' winac, yet' eb' smachit, yet' eb' ste'. 'Ix checx 'at eb' yuj ewin sat ya'mal 'och sti eb' 'anma 'a Dios, yet' ewin 'ichmtac winc 'ay yopiso.

Mt 26:54

Palta toto 'oj in c'an 'ixta', ma'oj 'el'choc tas tz'ib'b'il can 'a Ch'an̈ U'un̈. Yujto tz'ib'b'il can ta', to yowlal 'ixtc 'oj waji, xchi 'a 'a.

Mt 26:56

Palta 'ixtn tic tz'aji, sec tz'el'ch tas tz'ib'b'il can yuj eb' schecb' Dios 'a Ch'an̈ U'un̈, xchi 'a ewinac. Ax eb' scuywum cha, xyactj can eb' sch'ocoj, 'ix 'at eb' 'elc smasnil.

Mr 12:36

Yujto a David cha, 'ajxnac yal yuj Yespíritu Dios 'a jun 'el yic yaln can 'ixtic: A Dios Cajlil aljnac 'a Wajlil 'ixtic: 'Emn̈ wocn 'a in wach' c'ab', masnto 'oj can eb' 'ajc'ojl yajch 'aych 'a yaln̈ wu'uj, xchi Dios 'a Wajlil, xchi David.

Mr 14:43

Wanto yaln jun cha, 'ix c'och win Judas muc'uc. A win cha yit cuywumal sb'a cob' yet' eb' uxlchwa'an̈. Til wal 'anma xc'och yet' winac, yet' eb' smachit, yet' eb' ste'. 'Ix checx 'at eb' yuj ewin sat ya'mal 'och sti eb' 'anma 'a Dios, yet' ewin cuywjum 'a ley yic Moisés, yet' pax ewin 'ichmtac winc 'ay yopiso.

Lc 22:47

Wanto yaln Jesús 'a eb', ax eb' 'anma', til wal eb' xc'och ta'. Ax win Judas, atn win yit cuywumal sb'a yet' eb' uxlchwa'an̈, 'ix b'ab'l c'och win yuj eb'. 'Ix c'och win mu'c 'a Jesús, stz'ub'n 'elt win sti'.

Jn 10:35

Cojquec, a tas tz'ib'b'il can 'a Ch'an̈ Un̈ cha, matz tac' ton̈j tzqui ma'c 'eq'ui. A Dios aljnac cani, to a eb' yab'jnac spaxti cha, dios pax eb' yet'oc.

Jn 13:18

—Matz wal eyuj e masnil, yujto wojtac, machx sic'b'ilx xo 'el wu'uj. Palta yowlal 'oj 'el'choc tas tz'ib'b'il can 'a Ch'an̈ U'un̈, 'a 'aj tzyal 'ixtic: A jun in wach'c'ojl to junn̈j tzin wa yet'oc, 'ix meltzj 'och 'ajc'ojlal 'ayin, xchi.

Jn 17:12

Yic 'ayn 'ec' yet' eb' 'a yolyib'n̈q'uinl tic, xin tan̈wj eb' yet' a poder. An 'ix wac' cuenta eb' xac' 'ayn tic, sec may tz'i'n eb'. Yuj cha, may junc eb' sati, palta cojn jun satnc xoni, sec tz'el'ch tas tz'ib'b'il can 'a Ch'an̈ U'un̈.

Jn 19:36

'Ixta yaj sb'ocn jun tzo'n̈ tic, sec tz'el'ch tas tz'ib'b'il can 'a Ch'an̈ U'un̈, 'a 'aj tzyal 'ixtic: May junc sb'acl 'oj ma'x pojoc, xchi.

A Tas Sc'ulejnac Eb' Schecab' Jesús Hechos 1:20

Yujto tzyal 'ixtc 'a Ch'an̈ libro Salmos: Can cab' yatut 'a cusltaquil, man̈x 'a cab' mach tzcajni, xchi. Tzyaln pax 'ixtic: Chucx cab' mach 'oj 'ochx can sjelc 'a yopiso cha, xchi 'a Ch'an̈.

A Tas Sc'ulejnac Eb' Schecab' Jesús Hechos 13:15

Ata x'awtx ley yic Moisés, yet' jun tzo'n̈ tas tz'ib'b'il can yuj eb' schecb' Dios pecti'. Xlajw cha, ax eb' yajl yaj 'a capiya cha, 'ix ya'n eb' yal jun winc 'ixtc 'a Pablo yet' 'a Bernabé: —Ex wit chon̈ab', toto 'ay junc tas tze nib'j tzeyac' scuy eb' 'anma', tztac' eyaln 'el ticnec, xchi.

A Tas Sc'ulejnac Eb' Schecab' Jesús Hechos 13:38

Yuj cha, tzin nib'j tzeyojquej 'eli, to cojxn Jesús tztac' ya'n lajwc qui mulec. Yuj cha, wan yalx jun 'ab'x tic 'ayex.

A Tas Sc'ulejnac Eb' Schecab' Jesús Hechos 15:13

Xlajw yaln eb', 'ix yaln Jacobo 'ixtic: —Ex wu'tac, 'ab'c tas 'oj wal 'ayex.

A Tas Sc'ulejnac Eb' Schecab' Jesús Hechos 15:7

X'ec' tiempo sten sb'a eb', ax Pedro 'ix q'ue lin̈an, 'ix yaln 'ixtic: —Ex wu'tac, eyojc xoni, 'ayx stiempoal in si'x can 'el yuj Dios, yic tzwaln 'el wach' 'ab'x yic colnb'il 'a eb' man̈ israeloc, sec tzya'ch eb' sc'ojl 'a Cristo.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.

A Tas Sc'ulejnac Eb' Schecab' Jesús Hechos 2:37

Yic xyab'n eb' israel chi jun tzo'n̈ tic, caw x'och pitz'n cusc'ojlal 'a spixn eb'. 'Ix sc'anb'n eb' 'ixtc 'a Pedro yet' 'a jun tzo'n̈ xo eb' schecb' Jesucristo: —Ex quit chon̈ab', ¿tas wal 'oj cutc qui b'a tze na ticnec on̈? xchi eb'.

A Tas Sc'ulejnac Eb' Schecab' Jesús Hechos 22:1

Ex 'ichmtac winac, yet' ex wit chon̈ab', 'ab'c jun tzo'n̈ in paxti 'oj wal 'ayx tic, xchi.

A Tas Sc'ulejnac Eb' Schecab' Jesús Hechos 23:1

Ax Pablo, x'ec' q'uel-loc 'a eb' sat yajal, 'ix yaln 'ixtc 'a eb': —Ex wit chon̈ab', tojln̈ej yaj in nab'en 'a sat Dios, masnto 'a jun c'u tic, xchi 'a eb'.

A Tas Sc'ulejnac Eb' Schecab' Jesús Hechos 23:6

Ax 'ix yilni to saduceo nan̈l eb' sat yajl cha, ax nan̈l xo eb', fariseo eb'. Yuj cha, caw 'ip 'ix yal 'a eb' 'ixtic: —Ex wit chon̈ab', an tic fariseo in, fariseo pax in mam. To wan in b'eyc'ojlaxi, yujto tzwa'ch 'a in c'ojol, to 'oj pitzwc pax eb' chamnac, xchi 'a eb'.

A Tas Sc'ulejnac Eb' Schecab' Jesús Hechos 28:17

Schab'jil xo qui c'och ta 'on̈, ax Pablo x'awtn cot ewin checl yaj 'a scal eb' yit israelal 'a Roma cha. Ax yic xc'och ewin 'a 'a, 'ix yaln 'a ewin 'ixtic: —Ex wit chon̈ab', caw may in mul 'a eb' quit israelal. Ma'ix in ju pax sb'eyb'al eb' qui mam quichm 'aycn 'ayn̈ec. Palta a 'a Jerusalén, in ya'ch eb' 'a yol sc'ab' eb' 'aj Roma.

A Tas Sc'ulejnac Eb' Schecab' Jesús Hechos 28:25

Yuj cha, syamn 'och eb' spax 'a yatut, yujto ma'ix chaj sb'a snab'en eb'. Yuj cha, xyaln Pablo 'a eb' 'ixtic: —A Yespíritu Dios 'a'jnac yalcn Isaías 'a eb' qui mam quichmec pecti', yujto schecb' yaji. Caw yel jun yaljnac cha, yic yaln 'ixtic:

A Tas Sc'ulejnac Eb' Schecab' Jesús Hechos 7:2

Yuj cha, 'ix yaln Esteban chi 'ixtic: —Ex wit chon̈ab', ex 'ichmtac winac, 'ab'ec. A Dios, caw niwn yel'chi. Sch'oxjnac sb'a 'a qui mam quichmec Abraham, yic 'ayc' 'a yol yic Mesopotamia, yic mantzac c'och cajn 'a chon̈b' Harán.

A Sb'ab'el Carta San Pedro 1:11

A Yespíritu Cristo 'aych 'a eb'. A 'a'jnac nachjc 'el yuj eb', chajtlto yowlal tzyab' syail. Tzlajw cha, ax scheclj 'eli, chajtlto man̈ jantcoc swach'il. Ax eb' cha, caw ya'ljnac eb' snan 'eli, mach jun chi tzjaw cha, yet' 'aja stiempoal tzjawi.

A Schab'il Carta San Pedro 1:21

Yujto a eb' cha, may junc mun snajnac eb' 'a sjolom, stz'ib'n can eb'. Palta atn Dios si'jnac 'el eb'. Ax Yespíritu 'a'jnac nachjc 'el yuj eb', chajtl yutjnac eb' yaln can 'el spaxti cha, stz'ib'n can eb'.

A Schab'il Carta San Pedro 2:21

A eb' 'ixta tzyutj sb'a cha, octom wal ma'ix ya'ch xon eb' snab'en 'a jun wach' b'eyb'al tic. Toto 'ixta', wach' to wal yic eb'. Ocxo jun, xya'ch eb' snab'en 'a 'a. Ax ticnec, xyactj can pax eb' jun checnb'il yic Dios 'ac'b'il 'a eb'. Yuj cha, yel xo wal caw maysch'olnil yic eb' ticnec.