Abdías 1:3 - Chuj San Sebastian Bible

³ A e b'an̈quintaquil a tzex 'ixtni, yujto axn̈ej 'a yoltc sjatlil eb' q'uen niwc tenam, ata 'ay eyet'ul, yet' pax 'a eb' lum jolmctac witz, yuj cha, xe nani to may junc mach tztac' ex ya'n lajwoc.

Chuj San Mateo Bible

³ A eyac'umtaquil tzex ac'an musansatil. Cajan ex d'a yoltac q'uen nivac tenam yed' d'a jolomtac vitz te chaan̈, yuj chi' tze na'a to malaj mach syal ex sataneli.

Abdías 1:3 Iomraidhean Croise

Gn 36:8

Yuj cha, 'ix 'at Esaú 'at scaj lum jolmctac witz yic Seir.

A Ch'an̈ Schab'il Libro Yic Yab'ixal Eb' Rey 14:7

'Ix smil cham pax Amasías lajn̈e mil eb' edomita 'a owal, 'a lum tzcuch span̈nil yic 'atz'am. 'Ix 'ajx ganar chon̈b' Selá yu'uj, 'ix ya'n can scuch Jocteel.

2 Cr 25:11

Xlajw cha, ste'wtzan wal sb'a Amasías, 'ix yi'n 'at eb' soldado yet' 'a jun lum tzcuch span̈nil yic 'atz'am, ata smil cham lajn̈e mil soldado 'aj Seir.

2 Cr 25:12

An̈jtona eb' 'aj Judá cha, 'ix yamchj can pax lajn̈e mil eb' 'aj Seir chi yuj eb', xyi'n 'at eb' 'a sjolm jun lum witz satq'uen yeq'ui; ax 'a satq'uen chi xecx 'elt eb' yuj eb', caw cotc ch'iyquintac x'aj eb' smasnil.

Job 20:6

Wach'xam caw chan̈ 'aj 'ay eb' 'icha schan̈il yajb't satcha'an̈, mto tzq'ue'ch sjolm eb' 'a 'aj 'ay 'asun,

Pr 16:18

Toto tzqui b'an̈c qui b'a, tzon̈ 'ijxec 'ejmi; toto tzquijec chan̈ qui b'a, 'oj quijxec 'ejm 'a slajub'.

Pr 18:12

A b'an̈quinal, tzon̈ yijec 'ejmi, ax 'emmquilal tzon̈ 'ijxec chan̈ yu'uj.

Pr 29:23

A mach tzyij chan̈ sb'a, 'oj 'ijxoc 'ejmi, ax mach 'emmquilal tzyutj sb'a, 'oj 'ijxoc cha'an̈.

Is 16:6

Cojquec wal si'mb'il tas x'aj yi'n chan̈ sb'a eb' 'aj Moab, caw sb'an̈ sb'a eb', caw tu tas xlaj yal eb', palta man̈ yelc tas xyal eb' cha.

Jeremías 21:13

Ex 'aj Jerusalén, caw chan̈ eyajb't 'a lum pan̈n 'a'lic, 'icha junc niwquil tenm 'a lum pan̈n 'a'lic cha. An Jehová in, an tzwala, 'ay yowl in c'ojl 'ayex. Ax tic, tzeyal 'ixtic: ¿Mach wal 'oj stac' ya'n owl quet'oc? ¿Mach wal 'oj stac' sq'uel 'a 'aj tzqui col qui b'a tic? xe chi.

Jeremías 37:9

A Jehová tzaln 'ixtic: Man̈ eyixtc paxti e b'a, yic tzeyalni to tox 'ix 'el eb' soldado 'aj Babilonia 'a e cal, yujto man̈ 'ixta'oc yaji.

Jeremías 48:28

E masnil ex 'aj Moab, 'actjec can e chon̈ab', 'ixquec cajn 'a satcq'ue'en, 'icha no 'uch, a 'a sat q'uen chi tzb'o no so'.

Jeremías 49:16

Mun ax tzeyixtj 'el e b'a yuj e b'an̈quintaquil, toc 'ay mach tzxiw 'ayx 'icha cob' yaj e nani. A 'a yoltc sjatlil q'uen niwn tenm 'ay 'a jolmctac witz, ata tzex can cajan. An Jehová in, an tzwala, wach'xam ata tzex 'aj cajn 'a 'aj yel xo caw cha'an̈, 'icha 'aj tzb'o no salt'iw so', palta yowlal 'oj ex wic' 'emt ta'.

Jeremías 49:4

Ex chon̈b' to caw wal pit, ¿tas yuj tze b'an̈ e b'a yet' eyip? A jun eyip cha, tox 'ix lajw 'ejmi. A wal e ricoal xe molb'tzej, a 'aych yipc e c'ojol, yuj cha, tzeyaln 'ixtic: ¿Mach wal 'oj stac' ya'n owl quet'ec? xe chi.

Ez 28:16

Yujto caw xniwtj a chon̈, yuj cha, 'ix niwtj 'och pax maysch'olnil 'ayach, 'ix a'n 'och a mul. Atn yuj cha, ach wi'n 'el 'a wojltac, xwi'n 'ec' opiso yic tan̈wjumal cha. Ach wa'n pechxoc 'el 'a lum tzaln yic 'emmquilal, yet' 'a scal eb' q'uen q'uen tzictzni yilx cha.

Malaquías 1:4

Toto a eb' edomita yin̈tl Esaú a eb' tzaln 'ixtic: Wach'xam on̈ lajwec 'eli, palta 'oj qui b'oc pax chan̈ qui chon̈b'ec tic jun 'ejm xo, toto xchi eb', wach'xam tzb'ox chan̈ eb' schon̈ab', palta an 'oj in ma'x lan̈chjoc jun 'ejm xo. A snacion̈ eb' cha, 'oj yal eb' 'anma yuj 'ixtic: A jun nacion̈ tic, caw wal maysch'olnil, 'ayn̈j 'och pax yowl sc'ojl Jehová 'a yib'an̈, 'oj xchic eb'.