Abdías 1:16 - Chuj San Sebastian Bible

¹⁶ 'Icha wal ex 'aj eyu'w 'an̈ 'a lum tzaln 'aj tz'och 'emmquilal 'ayin, 'ixta wal 'oj wutc wa'n eyuc' yowl in c'ojl yet' jun tzo'n̈ xo nacion̈. 'Oj eyuc' masnto 'oj e satl 'a jun 'ejmn̈ej.

Chuj San Mateo Bible

¹⁶ Icha ix aj e tzalaj eyuc'an an̈ d'a tzalan b'aj tz'och ejmelal d'ayin, ichaval chi' ol aj eyab'an syail yoval in c'ool yed' juntzan̈xo nación. Ichato ol eyuc' an̈ an̈ te ov masanto ol ex telvoc, ol ex satel d'a juneln̈ej.

Abdías 1:16 Iomraidhean Croise

Is 42:14

A Jehová a tzaln 'ixtic: Caw najtl sictac in 'aji, may tas tzwala, in 'och wa'an; palta ax ticnec, 'oj 'el waw 'icha junc 'ix 'ix wan yalj yune', caw tzc'acwi, toxn̈ej tzsi'si'ni.

Jeremías 49:12

'Ix yaln Jehová 'ixtic: 'Ay eb' man̈ smojc yab'n syail, a ticnec, yowlal 'oj yab' eb' syal yuj yowl in c'ojol, 'icha to 'oj yuc' eb' yal uva jawnc sti'. Ax xo ax tic, ¿tom ma'oj eyab' syal e nani? Yowlal 'oj eyab' syal yuj yowl in c'ojol.

Lm 4:21

Ex 'aj Edom, ex to tzeyac' yajlil 'a smasnil yol yic chon̈b' Uz, caw tzaljan̈ec, tzewjan̈ec, ya' sb'a tzat stac'a. Yujto 'oj c'och pax jun yailal tic 'a eyib'an̈, 'icha xo 'u'm 'an̈ 'oj eyajcn yu'uj, q'uixweltac xoj 'oj eyutc e b'a.

Jl 3:17

Ax tic 'oj eyojcoc 'eli, to an tic, Jehová e Diosal in, 'ayn 'ec' 'a tzaln Sión 'a 'aj tz'och 'emmquilal 'ayin. A Jerusalén tic, in chon̈b' 'oj 'ajcni. Man̈x 'a b'a'n̈ 'oj 'ejmc jun 'ejm xo yuj eb' chuc chon̈b'al.

Habacuc 1:9

C'uxn tzsatl eb' smasnil tas 'a 'aj tzlaj 'eq'ui. Caw tzniwtj chan̈ xiwc'ojlal yuj tas tzb'o eb'. Yel xo niwn sb'isl eb' 'anma tzyij 'at eb' 'icha presoal, lajn wal sb'isl eb' 'icha yarenail sti a mar.

A Sb'ab'el Carta San Pedro 4:17

Tox 'oj jawc stiempoal sb'eyc'ojlax smasnil 'anma'. An̈ec yunnaln̈ec xo Dios, 'oj qui b'ab'l b'eyc'ojlaxi. Toto tzon̈ b'ab'l b'eyc'ojlax an̈ec tic, ¿ocxom wal eb' matz yiclni xon jun wach' 'ab'x yic Dios?