Abdías 1:14 - Chuj San Sebastian Bible

¹⁴ Comnoc ma'ix e mac sb'e eb' xlaj 'at 'eloc, oc xo jun ex laj c'och 'a 'aj schaj sb'a b'e, xlaj e miln cham eb' xlaj 'at 'elc cha. Xeya'n pax 'och eb' 'a yol sc'ab' eb' 'ajc'ojol, yic 'aych yailal 'a yib'n̈ eb' 'a jun tiempoal cha.

Chuj San Mateo Bible

¹⁴ Comonoc maj ex och e mac sat eb' van sb'at elelal d'a b'ajtac ay utzin b'e yic tze mac'ancham eb'. Comonoc maj eyac'och eb' d'a yol sc'ab' eb' ajc'ool ayic ayoch eb' d'a syaelal.

Abdías 1:14 Iomraidhean Croise

Gn 35:3

Coyc mu'c 'a Bet-el, ata 'oj in b'o junc yet'l xajmb'al yuj yi'mb'ilc chan̈ sb'i Dios, atn jun colwjnac wet'oc yic 'ayn 'och wal 'a somc'ojlal, xcolwj pax wet' 'aj in laj 'eq'ui, xchi winac.

Salmos 31:8

Ma'in a'cn 'och 'a yol sc'ab' eb' 'ajc'ojl yajch 'ayin; palta ata in a'cn 'och lin̈n 'a 'aj may tas tzin 'i'ni.

Is 16:3

Ax yaln eb' 'ixtc 'a eb' 'aj Sión: Na'ec tas tzon̈ eyutj on̈ e colni, ax tzex 'och qui colmalc on̈. 'Icha junc te 'ay yen̈l 'a chimc'ual, 'ixta cab' tzeyutj on̈ e c'ub'n 'el 'a eyen̈ul. 'Icha tzyac' junc tas 'a 'ac'wal, man̈ checloc, 'ixta tzon̈ eyutj an̈ tzon̈ 'atcn 'elc tic on̈, man̈ on̈ e ch'ox on̈.

Is 16:4

Tzon̈ e chaj 'och 'a e cal, tzon̈ e c'ub'j 'el 'a eb' tzon̈ sayn 'ec' on̈. Matz on̈ e ch'ox 'a eb' on̈, 'oj schic eb' 'aj Moab cha. A yic 'oj lajwc 'ec' jun yailal cha, yet' 'a yic 'oj 'el jun tz'a'n lajwc 'el jun nacion̈ tic,

Is 37:3

'Ix yaln eb', to a win rey Ezequías 'ix aln 'ixtic: A ticnec 'ayn̈ 'och 'a cusc'ojlal, 'a yailal, 'a q'uixwc'ojlal. 'Icha junc 'ix 'ix tz'alj yune', caw tz'elcn yip, 'ixta caj ticnec.

Jeremías 30:7

'Ay wal jun c'ual, man̈x jantcoc yailal 'oj ujoc, man̈x 'a junc c'u lajn yet' jun 'oj jawc cha. Atn wal 'a yic jun tiempoal cha, 'oj jawc yailal 'a yib'n̈ eb' yin̈tl Jacob, palta 'oj in colcn 'el eb'.

Am 1:6

Xyaln pax Jehová 'ixtic: A wal eb' 'aj chon̈b' Gaza, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto xyij 'at eb' smasnil eb' chon̈ab', axta schon̈ch eb' mosoal eb' 'a Edom.

Am 1:9

Xyaln pax Jehová 'ixtic: A wal eb' 'aj chon̈b' Tiro, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. 'Ix schon̈ch eb' jun chon̈b'al eb' 'anma mosoal 'a chon̈b' Edom, man̈x 'ic sna cot eb' jun strato yet' eb', chajtlto swach'c'ojl sb'a eb'.

Abdías 1:12

Caw man̈ smojc ex tzewji yic xeyiln tas x'aj eb' eyit chon̈b' cha, atn 'a yic jun c'ual 'ix jaw yailal 'a yib'n̈ eb' 'aj Judá. Caw man̈ smojc ex tzalji a yic xlajw 'el eb' 'a jun c'ul cha. Man̈ smojc ex b'uchwj 'a eb', yic 'aych eb' 'a syailal cha.

Mt 22:9

Yuj cha, 'ixquec 'a yol caye, jantcn̈ej eb' tz'ilchj eyu'uj, tze chec cot eb' 'a jun q'uin̈ tic, xchi win 'a eb'.