2 Ti 4:17 - Chuj San Sebastian Bible

¹⁷ Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

Chuj San Mateo Bible

¹⁷ Palta axo Cajal Jesús ix och ved'oc. Ix colvaj ved'oc, yuj chi' ix in vach' alejel vach' ab'ix yic colnab'il. A val eb' man̈ israeloc, ix yab' eb' smasanil. A junel, ichato yamchajnac in yuj jun noc' choj, ijan schinac in b'at noc', palta a Cajal Jesús colannac in elta d'a yol sti' noc' choj chi'.

2 Ti 4:17 Iomraidhean Croise

Salmos 109:31

Yujto ach tza col eb' 'oltac tz'aji, tza coln 'el eb' 'a yol sc'ab' eb' tz'a'n queja eb' cha.

Salmos 22:21

Coln 'el 'a yol sc'ab' jun tzo'n̈ eb' 'anma tznib'j tzin milni, eb' lajn 'icha no león c'awn sti', mto 'icha no simron wacx caw 'ay smay yet' sch'a'ac.

Pr 20:2

A junc rey caw wal ow, lajn wal 'icha junc no león tz'el yaw yic tzcot yowal; a mach tzte'wtzej sb'a stzuntzni, 'ay smay scham yu'uj.

Pr 28:15

Toto a junc maysch'olnil snab'en 'aych yajlil 'a junc meb'a chon̈ab', lajn 'icha wal junc no león tz'el yaw, mto 'icha junc no oso 'ay swejel.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 41:14

A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Dn 6:22

A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.

Dn 6:27

A Dios tic, caw tzcolwji, a tz'a'n 'el pax junc mach 'a libre. A tzch'oxn jun tzo'n̈ satjub'tac yilx 'ay 'a satcha'an̈, yet' 'a sat lum tic. A xcoln 'el Daniel 'a yol sc'ab' e no león, xchi win rey cha.

Mt 10:19

Palta a yic 'oj eyajx 'och 'a yol sc'ab' eb' yajl cha, man̈ e na yuj tas 'oj eyala'. Man̈ ex 'och 'il yuj tas 'oj eyutc eyaln 'a eb', yujto a 'a jun rato cha, a Dios 'oj 'a'n nachjc 'el eyu'uj tas 'oj eyala'.

Lc 1:1

Tic tzin tz'ib'j 'at jun ch'an̈ un̈ tic 'a 'aych Teófilo. 'Ay jun tzo'n̈ tas b'onc 'a qui cal on̈. A eb' tzaln 'el spaxti Dios ticnec, c'uxn yiljnac eb' jun tzo'n̈ cha, yictax syamn 'och yel yich. Xlajw cha, on̈ scuyn eb' 'a on̈. Niwn eb' xya'ch 'a sc'ojl stz'ib'n can yab'xil jun tzo'n̈ cha, 'icha wal 'ajnc sb'o'i.

Lc 21:15

Yujto an 'oj ex wac' paxtinoc, ax wa'n jun jelnal 'ayex. Yuj cha, may junc eb' tzchichn 'och 'ayx 'oj eya'n ganar. May junc eb' tza'wni sjelnal 'icha jun 'oj wac' 'ayex.

A Tas Sc'ulejnac Eb' Schecab' Jesús Hechos 23:11

Ax 'a jun 'ac'wl cha, 'ix wul sch'oxnc sb'a Cajlilec 'a Pablo cha, 'ix yaln 'ixtc 'a 'a: Pablo, man̈ ach 'och 'il, 'icha xotj aln 'el wab'xil 'a Jerusalén tic, 'ixta 'oj otc aln 'el 'a Roma, xchi Cajlilec 'a 'a.

A Tas Sc'ulejnac Eb' Schecab' Jesús Hechos 9:15

Palta xyaln pax Cajlil chi 'ixtic: —'Ixic, yujto a Saulo cha, sic'b'il 'el wu'uj, sec wach' 'oj yal-l wab'xil 'a scal eb' man̈ israeloc, yet' 'a sat eb' rey, yet' pax 'a scal eb' yit israelal.

Ro 15:31

Tze c'an 'a Dios wu'uj, sec 'oj in scolcn 'el 'a yol sc'ab' eb' man̈ creyenteoc 'aj Judea. Tzex leslwi pax yuj jun ofrenda tic 'oj wi't 'a eb' creyente 'a Jerusalén, sec tzaljc'ojlal 'oj scha eb'.

2 Co 12:9

Palta 'ixtc yutj yaln Cajlilec chi 'ayin: A in wach'c'ojlal, colb'iln̈ej 'ayach. Yujto a mach may spoder 'a yol yico', ata tzwach' checlj 'el in poder an tic, xchi 'ayin. Yuj cha, wach'xam may wel'ch an tic, palta caw tzin tzalji, sec tzwach' 'a'j Cristo spoder 'ayin.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

1 Ti 1:12

A Cajlil Jesucristo, caw 'aych wet' 'a wopiso tic. Caw tzwac' yuj diosal 'a 'a, yujto xyala chajtlto yiclum in 'a sat. Yuj cha, xya'n wopiso wa'n servil.

2 Ti 2:1

Ach xo, 'icha wal to wunnal ach. Caw te'n tzotj a b'a yuj swach'c'ojlal Dios tzyac' 'ayon̈, yujto junxn̈ej caj yet' Cristo Jesús.

2 Ti 2:9

Yujn̈ej to tzwal-l jun wach' 'ab'x tic, wan wab'n syal ticnec. Yu'uj 'aych q'uen cadena 'ayin, 'icha to caw 'ajmul in 'a sat ley. Palta ax spaxti Dios, man̈ 'ayc 'och cadena 'a 'icha waj tic.

2 Ti 3:11

An̈jtona', lajn pax a te'nal wet' 'a scal jun tzo'n̈ tas tz'ajx 'och 'a wib'an̈, yet' jun tzo'n̈ xo tas tzwab' syail. 'In ojc xo, caw in 'ixtxi, yic wec' 'a chon̈b' Antioquía, 'a Iconio, yet' 'a Listra. Til wal wab'jnac syal 'a jun tzo'n̈ chon̈b' cha, palta a Cajlil, a coljnacn can 'el 'a yol sc'ab' smasnil.

2 Ti 4:5

Palta ach xo, caw te'n tzotj a nab'en 'a smasnil tiempo. Caw tzac' techjoc ab'n syail. Caw tzal-l wach' 'ab'x yic colnb'il 'a scal eb' 'anma'. Munljan̈ si'mb'il, sec may tas 'oj yac' palta 'a jun opiso cha.

Tito 1:3

A ticnec, 'ix jaw stiempoal ya'n 'ojcaxc 'el spaxti'. Yuj cha, a Dios qui Colmal, a x'a'n wal-l spaxti tic.

A Ch'an̈ Carta D'a Eb' Hebreo 11:33

A eb' cha, caw ya'jnac 'och eb' Dios 'a sc'ojol. Yuj cha, 'ay eb' ya'jnac ganar jun tzo'n̈ nacion̈, yic ya'n eb' owl yet'oc. 'Ay eb' caw tojl yutjnac ya'n yajlil. 'Ay eb' chajnac tas ya'jnac can Dios sti yu'uj. 'Ay eb' macjnac sti no león.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.

A Schab'il Carta San Pedro 2:9

An̈jtona', 'ixta pax ticnec. Yojc Dios, tas tzyutj scoln eb' 'aych snab'en 'a 'a, yic tz'ajx prowal eb'. Yojc paxi, tas tzyutj ya'n can 'at eb' man̈ tojloc snab'en 'a yailal. Ata tzcan eb', masnto 'oj jawc jun c'ual, yic 'oj wach' b'eyc'ojlaxc eb'.

A Ch'an̈ B'ab'el Libro Samuel 17:37

A Jehová in coln 'el 'a yol sc'ab' no león, yet' 'a yol sc'ab' no oso, an̈jtona a pax 'oj in coln 'el 'a yol sc'ab' win filisteo tic, xchi David. —'Ixc 'an, a cab' Jehová tz'och et'oc, xchi Saúl 'a David.